1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

>>> يبقى انت أكيد أكيد في مصر !! <<<

الموضوع في 'منتدى الحوار العام' بواسطة mr.mag, بتاريخ ‏16 سبتمبر 2007.

بحث جوجل فى المنتدى

  1. mr.mag

    mr.mag

    إنضم إلينا في:
    ‏17 ديسمبر 2006
    المشاركات:
    421
    الإعجابات المتلقاة:
    2
    نقاط الجائزة:
    18
    الوظيفة:
    طالب
    الإقامة:
    مصر
    السلام عليكم

    :yasser-atrees (15):

    اكيد كل واحد فينا بيفتخر انه مصرى ولو سألتك انت مصرى
    تقولى مصرى ابن مصرى وابن مصر الله عليه
    واوعى حد يتريق ويقول عامل فيها صاصا عجرم
    لا شوية جد بقـــى

    كام واحد لسة بيلمع الشوز بتاعه
    قبل ما ينزل الصبح؟؟ ايه يا جماعة مش تتخضوا كدة
    لو فى ناس لسة بتعمل كدة
    والله بجد تتحسد لان تلميعها مش بقى ليه لزمة
    لما تلاقى انك اول لما تخرج من باب البيت بتتبهدل تانى
    من التراب اللى بقينا نشمـــــه بدل الاكسجين
    دة حتى البنات شالوا الشرط دة من الشروط اللى بتكون فى
    اى عريس متقدم دة لو لسة فى ناس نفسها مفتوحة وبتتقدم!!
    على فكرة مش تستغرب انت كدة اكيد اكيد فى مصـــــــر


    ولما تيجى تعدى الشارع وتلاقى العملية دى صعبة مووت
    دة لو مش كان مستحيل لانك بالنسبة لسواقين الميكروباص
    حاجة كدة آخرها تكون تحت كاوتش العربية لو حصل بعد الشر
    بعد الشر يعنى يبقى انت اللى غلطان وماشى تايه ودماغك مش فيك
    وبعدين انت فاكر تعدية الشارع دى سهلة كدة مش محتاجة يعنى ختم
    وزارة الميكروباصات وتوقيع 2 سواق من اللى بيبقوا عاملين دماغ دول
    يبقى انت اكيد اكيد فى مصـــــــــر


    ولما تركب اى ميكروباص او اتوبيس وكل اللى تعرف تشوفه
    هوه سورى يعنى قفــــا اللى اودامك يبقى انت اكيد اكيد فى مصــــــــر


    ولما تحاول تدفع فاتورة التليفون وتلاقى
    الكمبيوتر عطلان وطبعا لاننا دولة متقدمة جدا جدا
    مش هتلاقى الا كمبيوتر واحد بس ومهنج - من هنج يهنج فهو مهنج - يعنى
    مش ليه مزاج يشتغل ولو اتعطفوا علينا وشغلوه تقف طنط اللى فى اول الصف
    تدفع الفاتورة لاصحابها وقرايبها وجيرانها تاخد لوحدها ساعة الا ربع
    ما احنا شعب طيب اوى والخير بيجرى فى دمنا وعروقنا
    يبقى انت اكيد اكيد فى مصــــــــــر


    ولما تدخل اى مصلحة حكومية وتلاقى الموظفين مش لاقيين شغل يعملوه
    غير قراية الجرايد والمجلات واسرار الطبيخ وكيف تسعدين زوجك؟
    يبقى انت اكيد اكيد فى مصــــــــر


    حاولت توقف تاكسى؟
    لما تبقى عايز توقف تاكسى يبقى لازم تستشير رأى حضرة الاستاذ
    المحترم سواق التاكسى فى المكان اللى انت عايز تروحه ويابختك وتبقى
    مامتك دعيالك لو المكان اللى انت عايز تروحه مناسب لمزاج حضرته
    دة غير بقى الاجرة اصل انت مش واخد بالك انت قاعد لوحدك على الكرسى
    مش فى حد على رجلك انت فاكر نفسك فى ميكروباص ولا ايه يعنى احمد
    ربنا وبوس ايدك وش وضهر لانك اكيد فى مصــــــــــر

    لما تبقى خاطب بقالك 3 او 4 سنين ولسة مش عارف تتجوز
    يبقى انت اكيد اكيد فى مصــــــــر


    يا جماعـــــة انا اكيـد اكيـد بحب مصر مش عشان هيا بلدى والكلام ده
    لا عشان فيها أهلى وناسى
    عشان بس مش حد يتهمنى بالخيانة العظمى
    بس صراحــة مش عاجبنـــــى اللى فيها
    ومع انـها احســن مكــان فى الدنيــــا
    لكن ................ للأسف ..........


    أنا مستني ردودكم الجميلة
     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى mr.mag...
    ننتظر منك المزيد من المواضيع ياmr.mag...
    حفظك الله اخىmr.mag...
     
  3. فاعل خير

    فاعل خير المشرف العام

    إنضم إلينا في:
    ‏21 يوليو 2007
    المشاركات:
    496
    الإعجابات المتلقاة:
    0
    نقاط الجائزة:
    16
    شكرا على الموضوع الاجمل
     
  4. mr.mag

    mr.mag

    إنضم إلينا في:
    ‏17 ديسمبر 2006
    المشاركات:
    421
    الإعجابات المتلقاة:
    2
    نقاط الجائزة:
    18
    الوظيفة:
    طالب
    الإقامة:
    مصر


    و شكرا على مشاركتك الأروع ...
     
  5. whataboutyou

    whataboutyou

    إنضم إلينا في:
    ‏18 أغسطس 2007
    المشاركات:
    665
    الإعجابات المتلقاة:
    0
    نقاط الجائزة:
    16
    الإقامة:
    Egypt
    لما تبقى عايز توقف تاكسى يبقى لازم تستشير رأى حضرة الاستاذ
    المحترم سواق التاكسى فى المكان اللى انت عايز تروحه ويابختك وتبقى
    مامتك دعيالك لو المكان اللى انت عايز تروحه مناسب لمزاج حضرته


    بجد - مع غض النظر عن الحجات الأخرى - الحاجة دي بتفرسني امال انت سؤاق تكسي ليه علشان تروح بمزاجك
     
  6. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    بعد الكلمات الجميلة دي

    الواحد يضحك و لا يعيط

    مش مشكلة

    انت اكيد في مصر
     
  7. mr.mag

    mr.mag

    إنضم إلينا في:
    ‏17 ديسمبر 2006
    المشاركات:
    421
    الإعجابات المتلقاة:
    2
    نقاط الجائزة:
    18
    الوظيفة:
    طالب
    الإقامة:
    مصر
    والله عندك حق unique....
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License