1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

يا ترى هنصعد كاس العالم ولا ؟

الموضوع في 'أرشيف المقالات' بواسطة بدوووى, بتاريخ ‏23 أغسطس 2009.

بحث جوجل فى المنتدى

الوسوم:
?

متوقع ايه للمنتخب

  1. هنصعد كاس العالم والشعب هيفرح

    2 صوت
    100.0%
  2. مش هنصعد واشعب هينام متنكد عليه

    0 صوت
    0.0%
  1. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    مش مدرك البلد ديه هتبقى شكلها ايه يوم منصعد كاس العالم سوف يكون هنا فرحة فى الشارع المصرى تضاهى فرحة انتصار السادس من اكتوبر ده مش لاننا شعب تافه لا لاننا شعب افرحنا اقليلة اقوى وده فى الوطن العربى كله علشان كده لما بنحقق انتصار فى الكرة على بطل العالم بتلقى فرحة ما بعدها فرحة علشان صعب نحقق انتصار علمى على الدول الاوربية دى فى اى مجال فى التكنولوجيا ولا الحالة الاقتصادية ولا الجامعات .

    نرجع لموضوعنا تانى علشان منبعدش عنه كتيير احنا دلوقتى فضلنا تلات مباريات مع رواندا وزامبيا خارج ارضنا ومع الجزائر لمبارة الاخيرة على ارضنا المبارة الى ممكن تخلى مصر كلها متنمش من الفرح او برده متنمش من النكد الى هيبان على وشوش الناس لقدر الله لو مصعدناش .

    ليس امام المنتخب المصرى لكى يصعد لهذا الحدث العالمى الذى يتكرر كل اربع سنوات سوى الفوز فى الثلاث مباريات هذا فى الوقت الذى يتراجع فيه مستوى المنتخب المصرى والاعبين وبعد استبعاد زيدان وميدو الى بقى خلاص مش اقدر يقدم حاجة وزكى الى دمغه هتشت علشان يرجع تانى الدورى الانجليزى ومتعب الى مصاب وشوقى الى موجود فى نادى ميدلسبره فى دورى الدرجة التانية الانجليزى ومبيلعبش مع فريقه وعصام الحضرى الى عمال يدخل فيه اجوان فى الاسماعيلى ومستوى المدفعين هانى سعيد وفتح الله الى بقا زى الزفت

    لم اجد فى المنتخب امل سوى فى ثلاثة لاعبين هم القادرين على الصعود بنا ابو تريكة القديس وجمعة واحمد فتحى فهم للعيبة الجدين الذين لا يشغلهم سوى الوصول لكاس العالم واسعاد 80 مليون مواطن

    هذا فى الوقت الذى تتالق فيه لعيبة الجزائر وعندها 14 محترف فى الدوريا الاوربية الانجليزى والفرنسى والبلجيكى ويتالقون فى انديتهم بينما احنا ليس عندنا سوى محترفين شوقى واقولنا انه مبيلعبش وبيدور على نادى وحسنى عبد ربه المحترف فى اهلى دبى

    رغم كل ذلك الا انى عندى امل كبير لان المواطن المصرى عامة لا يعمل سوى اذا احس بانه مزنوق اقوى وضعيف اما اذا احس انه كبير ولا يقدر عليه احد بيخد على دمغه ويرجع

    انشاء الله مصر هتشوف يوم فى شهر ديسمبر اذا صعدنا انشاء الله لم يراه على الاقل الجيل بتاعنا .

    فى النهاية مقدمنش الا اننا ندعى فى الشهر الكريم

    يا رب المنتخب يكسب علشان الشعب يفرح ونغنى اغنية مبروك مبروك مبروك مبروك عليكم وعلينا.
    ...........:SugarwareZ-296:............
    بقلم
    محمود بدوى
     
    آخر تعديل: ‏24 أغسطس 2009
  2. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    ياترى هنصعد كأس العالم ولا لا؟!؟!؟

    بص الحمد لله والله دي نعمه من عند ربنا فنظري على الاقل ان مفيش حد مهما كان نبيه وعالم ببواطن الامور وعنده من الخبره الكتير يقدر يتوقع اي شئ مهما كان صغير او كبير عندنا هنا فمصر بالذات
    لانه ببساطه اي واحد هيتوقع حاجه لازم يكون عنده معطيات ودلائل ومعلومات يبنى عليها توقعه واعتقاده باللي هيحصل
    ومع العلم ان العبد لله مبيعرفش فالكوره خاااااالص ولا بيعرف يلعبها اللهم اني عارف اسماء اللعيبه ودي كمان عرفتها بالعافيه لزوم السن بقى واللي حوليه

    بس فرأي ان محدش يقدر يقول لا المنتخب بمستواه ده واستبعاد ميدو(اللي اساسا مبرتحلوش لما يكون فالمنتخب لانه لاعب نجم اه بس مبيبحش التعاون والمنتخب ماهو الا تعاون بين كل اللعيبه قبل ما نقول المهاره والخبره)
    وطبعا التالي الخواجه زكي(انا بحترم الاعب ده لاني بحس انه بيكافح والله فالكوره بس كلاعب فالمنتخب فين وفييييييين على ما تحس انه بيأثر ولا ليه دور....ده راي)
    الجميل زيدان ...الله اعلم ظروفه ايه بس انا عندي احساس(بيجي كتير متخدش فبالك) ان مهما حصل باذن الله هيرجع للمنتخب قريب لان هو بخلاف انه نجم فعلا هو بيبان عليه على الاقل انه بيحب المنتخب وبيحاول يعمل حاجه....الله اعلم ايه سبب غيابه الحقيقي محدش يقدر يقول بالظبط ولا المعلم شحاته نفسه بس باذن الله راجع راجع

    المنتخب ده زي ما انت قلت يا بدوووي فعلا زيه زي اي حاجه فالدنيا لازم اللي يكونوا فيه قبل ما يكونوا بيعرفوا يلعبوا وحريفة كوره انه يحبوا المنتخب ويحبوا الحلم اللي كلنا بندور عليه وبيتحرق دمنا واحنا بنتفرج عليهم وهما بيلعبوا
    الناس دي زي ما انت قلت بجد لو لعبوا لعب رجاله لعب حرب لعب ناس حاسه بحلم كل الملايين دي واملهم اللي حطينه عليهم
    انا ساعتها اقولك ااااااااااااااااااااااه هنطلع كأس العالم وهنقدم عرض يليق باسم فريق الفراعنه
    اللي عمره ما هيكون اقل من الاسم ده مهما كان

    واللي انا متأكد منه...ان كبير فراعنه مصر حسن شحاته عارف كل كلمه وعارف كل حرف بنقوله عن ده وهو اكتر واحد فعلا نقدر نقوله انت مسؤوليتك حلمنا ده وان شاء الله هيحققه

    ولو لا قدر الله محصلش (وانا بستبعد الفكره دي....يارب)...........

    هنقوله شكرا يا معلم.....كنت معلم بس التوفيق مكنش من نصيبك

    ده رأي......فهمت حاجه؟؟!؟!؟!؟
     
  3. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    انا بقول ان شاء الله هنصعد باذن الله ولو ان الجزائر منافس عنيد بس اعتقد ان حسن شحاته ادها ويستاهل الثقه ..


     
  4. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    انا بقى بقول.........
    اننا نحط مخطط من دلوقتي.......
    لو ان شاء الله مصر كسبت المباريات الجايه باذن الله ومكنش فاضل غير متش الجزائر........
    يبقى نطلع وفد من المنتدى يشيل يافطه كده كبيييييييييره فالاستاد ونشجع المنتخب ونعمل دعايه للمنتدى باذن الله................


    ان شااااااااااااااااااااااء الله..........
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License