1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

نكت على الماشى

الموضوع في 'منتدى الضحك و الفرفشة' بواسطة boce, بتاريخ ‏7 ديسمبر 2009.

بحث جوجل فى المنتدى

الوسوم:
  1. boce

    boce

    إنضم إلينا في:
    ‏18 يوليو 2009
    المشاركات:
    219
    الإعجابات المتلقاة:
    0
    نقاط الجائزة:
    16
    الوظيفة:
    طالبة وهبحث عن شغل
    الإقامة:
    Egypt
    أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح من الناحية الأخري.:yaeh am not durnk:
    __________________________

    صعيدي لغي موعده مع الدكتور لأنة مريض
    __________________________

    مره واحد بلديتنا طوبه جت في صدره بص وراه
    __________________________
    واحد بلدياتنا عمل 2 إيميل، واحد دوت كوم للشتاء وواحد نص كوم للصيف
    _______________________
    مره واحد بلديتنا كان بيدق مسمار فى الحائط فالمسمار وقع منه فقال له :تعالى
    فلم يجي, فقال له: تعالي فلم يجى. فراح بلديتنا رامي على المسمار شوية مسمامير
    وقال: هاتوه.
    _____________________
    اربعه بلدياتنا بيلعبو علي الطريق السريع الي العربيه تخبطه مرتين يطلع بره
    ________________________
    عشرين واحد من بلدياتنا غرقوا في غواصه ليه؟؟ سمكه خبطت عليهم!!
    _______________________
    واحد بلدياتنا عازم صحابه على السطح ليه؟ أصدقاء سطحيين
    ___________________
    واحد بلدياتنا رجع من امريكا قاعد بيحكي لأبوه وأمه الحاجات الغريبة اللى
    شافها .
    - دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
    الأرض.
    أمه سألته: طيب مات ؟؟
    ابوه رد عليها: ثلاث أيام لا يأكل ولا يشرب .. أكيد يموت
    _______________________
    واحد بلدياتنا عنده ارق ومش عارف ينام....قال له صاحبه عندي لك طريقة للنوم
    مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
    راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
    جـاه النوم … قـام غـسـل وشه ورجــع للـسـريـر يـكـمـل الـعـد
    ____________________
    بلدياتنا تاجروا في الموز خسروا علشان
    بيرمو الموز المعوج
    ______________________
    واحد بلدياتنا في مسابقة من سيربح المليون اتصل بصديق وقال له الو محمدين
    معانا 30 ثانية رايك احذف اجابتين ولا استخدم الجمهور!
    ________________________
    بلدياتنا مبيعرفشى يعوم وقع فى البحر مات محروق
    ____________________
    واحد بلدياتنا وقع في خلاط الأسمنت طلع منه قال يخرب بيت الملاهي.
    ______________________
    مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة
    البقال نعم عندى فقال الطفل طيب بكام
    _____________________
    واحد بلدياتنا رجع من السفر لقى الشقة مليانه صراصير.. غير قفل الباب
    _____________________
    واحد بلدياتنا اشتري كمبيوتر... شال الماوس وحط جاموسة
    ___________________
    بلدياتنا أول مرة يشوف واحد فلبيني قال يا بخته ده شبعان نوم
    ______________________
    واحد بلدياتنا راح يتمشى جابوه من على الحدود
    ______________________
    مرة واحد بلدياتنا عرف ان الجلد موضة مشى عريان
    ___________________
    جماعة بلدياتنا عملوا أتوبيس بالعرض عشان يركبون كلهم قدام
    ____________
    اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير
    هناك ، دخلو قعدو جمب واحد فى الصوان بيدخن قال الاول : انفاس معدودة وقال
    التانى : كلنا لها رد الراجل : محدش واخد منها حاجة
    ___________________
    مره واحد بلدياتنا ركب دماغه عمل حادثه
    _______________
    مرة واحد بلدياتنا نزل في محطة الرمل رجلة غرزت
    ________________
    واحد بلديتنا اتعزم على حفلة تنكرية بعت اخوه
    ___________________
    واحد بلدياتنا دخل جنينة الحيوانات ودخل راسه في قفص الاسد، الحارس جري عليه
    قاله انت بتعمل ايه، قاله ايه يابا يعني هناكله.
    ___________________
    واحد بلديتنا كبر دماغه معرفش يخرجها من التيشرت


    منقول

    احلى تحيه لاجدع ناس.. الصعاديه اصحاب الاصاله وخفة الدم واتمنى ميزعلوش منى:have a nice day:


    ودية بأة نكت جامدة و نكت بايخة ... معاكو ربنا


    1.واحد قبل ما يموت جمع ولادة التلاتة وحب يوصيهم يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم

    2.مره خمس صعايده داخلين امتحان فجالهم سؤال ما هي عدد ارجل المعزه؟ كلهم قعد بقي يسالوا الدحيح بتاعهم مكنش بيرد عليهم بعد الامتحان بيسالوا انت مكنتش بترد ليه قالهم اصل المراقب كان جنبي معرفتش اطلع المعزه

    3.اربعه صعايدة بيلعبو علي الطريق السريع الي العربيه تخبطه مرتين يطلع بره

    4.صعيدي بالغلط دخل متحف للفن الحديث
    توقف عند احد اللوحات وسأل أحد المنظمين جنبه
    ايه الشكل المرعب ده، هو ده الفن اللي بتسموه حديث؟
    رد المنظم : دى مراية يا أستاذ

    5.مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح

    6.تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

    7.قابلت مذيعة اثنان مساطيل
    سالت الاول : مصر بالنسبالك ايه ؟
    فقال: مصر دى امى.
    ثم سالت الثانى :وانت مصر بالنسبالك ايه؟
    قال:مأدرش اتكلم عن أم واحد صحبى

    8.واحد سكران اتصل على مصر للطيران بيسأل الرحله من القاهره للندن هاتخد اد ايه فرد عليه الاستعلامات وقاله ثانيه واحدة قاله السكران طب شكرا

    9.سألو واحد بخيل طحن: تعمل ايه لو الدنيا برد؟ قال:
    أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

    10.واحدة بت بقول لأبوها
    قالت البنت بابا في شاب ابن ناس ومافيهوش ولا عيب عايز يجي يخطبني
    طبعآ وافق الاب
    جه الشاب وقعد مع الاب وكان في فمه لبانه قاله الاب انت عجبتني قوىوما فيكش ولا عيب
    بس هل دى مناسبه تمضغ فيها لبانه؟
    قاله بس ياعمي ضرورية بعد السيجارة قاله هو أنت بتدخن؟ قاله على خفيف مع كاس الويسكي
    قاله وبتشرب كمان قاله احيانآ لما بلعب قمار قاله فين بقى بتلعب القمار؟
    قاله فى الكباريه
    قاله ومن امتآ بتروح على الكباريهات؟ قاله من وقت ما طلعت من االسجن قاله وليه دخلت السجن؟
    قاله ضربت واحد بالسكينة ومات
    قلو وليه موِتته؟ قاله لاني طلبت ايد بنته وما وافقش
    قاله الاب على بركة ألله يللا نقرا الفاتحة.......

    11.واحد ماشى ورا وحدة قالها
    الحلوة وراها مشوار قالتلة لا وراها حمار

    12.مرة واحد صعيدى وقع فى حفرة نزلولوه
    حبل علشان يربط نفسه و يشدوه بعد ما طلعوه لقوه مشنوق و رابط الحبل فى رقبته

    13.مره واحد صعيدى عاوز يفسح
    عروسته في شهر العسل فسحها في منحل


    14.واحد مسطول خبط شرطى بالعربية فااتصل 122 و قالهم
    احب ابلغكم انكم بقيتم 121

    15.مسئول بيقول لمسئول ايه اخبار
    الصوره الى على علبه السجاير قله ناس كتير بطلتها يا ريس قله الحق نزلها على رغيف العيش

    16.مرة واحد عصبى ضرسه وجعه راح للدكتور
    الدكتور قاله انت بتشكى من ايه قال له انت شايف الضرس ده قاله ايوه قاله شيل كل الضروس الى حوليه وسيبه زى الكلب لوحده


    17.مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت
    له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

    18.مره 2 مساطيل ماشيين مع بعض راح
    واحد سال التانى هو التعلب بيولد ولا بيبيض راح قاله دا مكار توقع منه اى حاجه

    19.مره واحد عدى على جماعه بيحششوا قالهم
    حرام عليكم قالولوا وعليكوا الحرام

    20.مرة واحد مسطول قطع
    راس اخوه وهو نايم وقال هيتجنن لما يصحى وميلقهاش

    21.مرة واحد سأل صاحبه
    ما الفرق بين المصيبه والقدر؟ فقاله: القدر انك تكون ماشى انت وخطيبتك على شارع الكورنيش وحماتك تقع فى النيل والمصيبه لو طلعت تانى

    22.طالب بيقول للأستاذ انت ممكن
    تضربنى عشان حاجه معملتهاش قاله لا طبعا قاله طيب انا معملتش الواجب

    23.مره واحد صعيدى قابل واحده اجنبيه سالها
    انتى منين قالتله: وات ؟ what ?
    قالها: اجدع ناس الوتاوتة

    24.مره في قعده حشاشين مش معاهم كبريت بعتو
    وأحد منهم يدور على كبريت خرج من باب ودخل من باب تاني وسألهم عن كبريت قالولوا أحنا لسه باعتين واحد
    منقول بردة
    و اللي عندة نكت تانية يضيف [​IMG]:grin:
     
  2. GREAT STORM

    GREAT STORM المشرف العام

    إنضم إلينا في:
    ‏9 فبراير 2007
    المشاركات:
    1,143
    الإعجابات المتلقاة:
    0
    نقاط الجائزة:
    36
    الوظيفة:
    رايس منتدى قد الدنيا
    الإقامة:
    Cairo, Egypt, Egypt
    هههههههههه اية النكت الجمدة دي يابوسي تسلمي يابشمهندسة على الموضوع الجميل دة
     
  3. Eng.kareem

    Eng.kareem

    إنضم إلينا في:
    ‏2 أغسطس 2009
    المشاركات:
    108
    الإعجابات المتلقاة:
    1
    نقاط الجائزة:
    18
    الوظيفة:
    مخطط المستقبل
    هههههههههههههههههههههههه:grin::grin:
    طب ولو العربية الى خبطته اتكسرت بيدفععوا تعويض
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License