1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

من رباعيات عم صلاح جاهين!!!!!!!!!!

الموضوع في 'قسم الشعر' بواسطة اسماء الله, بتاريخ ‏29 أغسطس 2008.

بحث جوجل فى المنتدى

الوسوم:
  1. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    *ورا كل شباك ألف عين مفتوحين
    و انا وانتي ماشيين ياغرامي الحزين
    لو التصقنا نموت بضربة حجر
    و لو افترقنا نموت متحسّرين
    عجبي
    *******
    *نوح راح لحاله والطوفان استمر
    مركبنا تايهه لسه مش لاقيه برّ
    آه م الطوفان وآهين يا بر الأمان
    إزاي تبان والدنيا غرقانه شرّ
    عجبي
    *******
    *على رجلي دم.. نظرت له ما احتملت
    على إيدي دم.. سألت ليه؟ لَمْ وصلت
    على كتفي دم.. وحتى على راسي دم
    أنا كلي دم.. قتلت؟.. ولاّ اتقتلت
    عجبي
    *******
    *ينبوع وفي الحواديت أنا سمعت عنه
    إنه عجيب.. وف وسط لهاليب.. لكنه
    شقيت كما الفرسان طريقي.. لقيت
    حتى الخنازير والكلاب شربوا منه
    عجبي
    *******
    *ياقرص شمس مالهش قبة سما
    ياورد من غير أرض شب ونما
    ياأي معنى جميل سمعنا عليه
    الخلق ليه عايشين حياه مؤلمة
    عجبي
    *******
    *شاف الطبيب جرحي وصفله الأمل
    وعطاني منه مقام يادوب ما اندمل
    مجروح جديد ياطبيب وجرحي لهيب
    ودواك فرغ مني.. وإيه العمل؟
    عجبي
    *******
    *أعرف عيون هي الجمال والحسن
    واعرف عيون تاخد القلوب بالحضن
    وعيون مخيفة وقاسية وعيون كتير
    وباحس فيهم كلهم بالحزن
    عجبي
    *******
    *إيش تطلبي يانفس فوق كل ده
    حظك بيضحك وانتي متنكده
    ردت قالت لي النفس: قول للبشر
    ما يبصوليش بعيون حزينة كده
    عجبي
    *******
    *إقلع غماك يا تور وارفض تلف
    إكسر تروس الساقية واشتم وتِف
    قال: بس خطوة كمان.. وخطوة كمان
    يااوصل نهاية السكة ياالبير تجف
    عجبي
    *******
    *ياحزين ياقمقم تحت بحر الضياع
    حزين أنا زيك وإيه مستطاع
    الحزن ما بقالهوش جلال ياجدع
    الحزن زي البرد.. زي الصداع
    عجبي
    *******
    *انا كل يوم أسمع.. فلان عذّبوه
    أسرح في بغداد والجزاير واتوه
    ما أعجبش م اللي يطيق بجسمه العذاب
    واعجب من اللي يطيق يعذّب أخوه
    عجبي
    *******


     
    آخر تعديل: ‏29 أغسطس 2008
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى اسماء الله...
    ننتظر منك المزيد من المواضيع يااسماء الله...
    حفظك الله اخىاسماء الله...
     
  3. eng lolo

    eng lolo

    إنضم إلينا في:
    ‏23 سبتمبر 2007
    المشاركات:
    150
    الإعجابات المتلقاة:
    0
    نقاط الجائزة:
    16
    الإقامة:
    احلي مكان في العالم
    *شاف الطبيب جرحي وصفله الأمل
    وعطاني منه مقام يادوب ما اندمل

    مجروح جديد ياطبيب وجرحي لهيب
    ودواك فرغ مني.. وإيه العمل؟
    عجبي
    ******

    شكرا ليكي يا اسماء
     
  4. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    العفو يا لولو :yasser-atrees (15):

    اتمنى انه يكون عجبك!
     
  5. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    ياحزين ياقمقم تحت بحر الضياع
    حزين أنا زيك وإيه مستطاع
    الحزن ما بقالهوش جلال ياجدع
    الحزن زي البرد.. زي الصداع
    عجبي

    :yasser-atrees (348)
     
  6. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    العفو يا يونيك وشكرا لمرورك الكريم
     
  7. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    والله سبقتينى يااسماء كنت هاجيبه


    أنا شاب لكن عمري ألف عام

    وحيد لكن بين ضلوعي زحام

    خايف و لكن خوفي مني أنا

    أخرس و لكن قلبي مليان كلام

    عجبي !!!!

    *************************************

    عجبتني كلمة من كلام الورق

    النور شرق من بين حروفها و برق

    حبيت أشيلها ف قلبي .. قالت حرام

    ده أنا كل قلب دخلت فيه اتحرق

    عجبي !!!

    ************************************


    في يوم صحيت شاعر براحة و صفا

    الهم زال و الحزن راح و اختفي

    خدني العجب و سألت روحي سؤال

    أنا مت ؟ و لا وصلت للفلسفة

    عجبي !!!
    *********************************
    .. دي مزكرات و كتبتها من ســـــــــنين

    في نوتة زرقا لون بحور الحنيــــــــــــن

    عترت فيها .. رميتها في المهمـــــــلات

    وقلت صحيح أما صحيح كلام مخبولين

    عجبي !!
    ********************************
    دخل الشتا وقفل البيبان ع البـــيوت

    وجعل شعاع الشمس خيط عنكبوت

    وحاجات كتير بتموت في ليل الشــتا

    لكن حاجات أكتر بترفض تمــــــوت

    عجبي !!

    *******************************

    فتحت شباكي لشمس الصبـــــــــــــــــاح

    ما دخلش منه غيــــــــــر عويل الريـــاح

    و فتحت قلبي عشان ابوح بالألـــــــــــــم

    ما خرجش منه غير محبه و سمــــــــاح

    عجبي !!!!

    ******************************
    انا الذي عمري اشتياق في اشتيـــاق

    و قطر داخل في محطة الـــــــــفراق

    قصدت نبع السم وشربت ســـــــــم

    من كتر شوقي وعشمي في التريـــاق

    عجبي !!!
    ********************************

    ولدي نصحتك لما صوتي اتنبــــــــــــح

    ما تخفش من جني و لا من شبـــــــــح

    و ان هب فيك عفريت قتيل إسألـــــــــه

    ما دافعش ليه عن نفسه يوم ما اندبح

    عجبي !!

    *****************************
    عيني رأت عصفور ووياه ابـــــــــنه

    بيحدفه في الريح و ياخده ف حضنه

    نوبتين و تالت نوبه – عجبي عليهم –

    كانوا سوا بيرفرفرا و يغنـــــــــوا

    عجبي !!!!



    ****************************


    خرج ابن آدم من العدم قلت : ياه
    رجع ابن آدم للعدم قلت : ياه
    تراب بيحيا ... وحي بيصير تراب
    الأصل هو الموت ولا الحياه ؟
    وعجبي

    عفواً ، يجب عليك التسجيل اولاً لمشاهدة الروابط .

    ضريح رخام فيه السعيد اندفن
    و حفره فيها الشريد من غير كفن
    مريت عليهم .. قلت يا للعجب
    لاتنين ريحتهم لها نفس العفن
    وعجبي

    عفواً ، يجب عليك التسجيل اولاً لمشاهدة الروابط .

    ياما صادفت صحاب و ما صاحبتهمش
    و كاسات خمور و شراب و ما شربتهمش
    أندم علي الفرص اللي أنا سبتهم
    و إلا علي الفرص اللي ما سبتهمش
    وعجبي
    عفواً ، يجب عليك التسجيل اولاً لمشاهدة الروابط .

    و الكون ده كيف موجود من غير حدود
    و فيه عقارب ليه و تعابين ودود ؟؟
    عالم مجرب فات و قال سلامات
    ده ياما فيه سؤالات من غير ردود
    وعجبي
    عفواً ، يجب عليك التسجيل اولاً لمشاهدة الروابط .

    أنا شاب لكن عمري ألف عام
    وحيد لكن بين ضلوعي زحام
    خايف و لكن خوفي مني أنا
    أخرس و لكن قلبي مليان كلام
    وعجبي
    عفواً ، يجب عليك التسجيل اولاً لمشاهدة الروابط .
    يا باب يا مقفول ... إمتي الدخول
    صبرت ياما و اللي يصبر ينول
    دقيت سنين .. و الرد يرجع لي : مين ؟
    لو كنت عارف مين أنا .. كنت أقول
    وعجبي
    عفواً ، يجب عليك التسجيل اولاً لمشاهدة الروابط .
    أحب أعيش ولو في الغابات
    أصحي كما ولدتني أمي و أبات
    طائر .. حوان.. حشرة .. بشر ..بس أعيش
    محلا الحياة.. حتى في هيئة نبات
    وعجبي
    عفواً ، يجب عليك التسجيل اولاً لمشاهدة الروابط .
    سهّير ليالي و ياما لفيت و طفت
    و ف ليه راجع في الضلام قمت شفت
    الخوف ... كأنه كلب سد الطريق
    و كنت عاوز أقتله .. بس خفت
    وعجبي
    عفواً ، يجب عليك التسجيل اولاً لمشاهدة الروابط .
    كان فيه زمان سحليه طول فرسخين
    كهفين عيونها و خشمها بربخين
    ماتت لكين الرعب لم عمره مات
    مع إنه فات بدل التاريخ تاريخين
    وعجبي
     
  8. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    نوح راح لحاله و الطوفان استمر

    مركبنا تايهه لسه مش لاقيه بر

    آه م الطوفان وآهين يا بر الأمان

    إزاي تبان و الدنيا غرقانه شر

    عجبي !!






    علي رجلي دم .. نظرت له ما احتملت

    علي إيدي دم.. سألت ليه ؟ لم وصلت

    علي كتفي دم.. و حتي علي رأسي دم

    أنا كلي دم .. قتلت ؟ ..... والا اتقتلت

    عجبي !!



    انا كل يوم أسمع ........ فلان عذبوه

    أسرح في بغداد و الجزاير واتوه

    ما أعجبش م اللي يطيق بجسمه العذاب

    و اعجب من اللي يطيق يعذب أخوه

    عجبي !!!




    ينبوع و في الحواديت أنا سمعت عنه

    إنه عجيب .. و ف وسط لهاليب لكنه

    شقيت كما الفرسان طريقي .. لقيت

    حتي الخنازير و الكلاب شربوا منه

    عجبي !!!!



    يا قرص شمس ما لهش قبة سما

    يا ورد من غير أرض شب و نما

    يا أي معني جميل سمعنا عليه

    الخلق ليه عايشين حياه مؤلمة

    عجبي !








    إيش تطلبي يا نفس فوق كل ده

    حظك بيضحك و انتي متنكده

    ردت قالت لي النفس : قول للبشر

    ما يبصوليش بعيون حزينة كده

    عجبي !!



    يا حزين يا قمقم تحت بحر الضياع

    حزين أنا زيك و إيه مستطاع

    الحزن ما بقالهوش جلال يا جدع

    الحزن زي البرد ... زي الصداع

    عجبي !!!!





    في يوم صحيت شاعر براحة و صفا

    الهم زال و الحزن راح و اختفي

    خدني العجب و سألت روحي سؤال

    أنا مت ؟ و لا وصلت للفلسفة

    عجبي !!!



    الفيلسوف قاعد يفكر سيبوه

    لا تعملوه سلطان و لا تصلبوه

    ما تعرفوش إن الفلاسفه يا هوه

    اللي يقولوه بيرجعوا يكدبوه

    عجبي !!!




    علي بعد مليون ميل من أرضنا

    من الفراغ الكوني بصيت أنا

    لا شفت فرق بين جبال و بحور

    و لا شفت فرق ما بين عذاب أو هنا

    عجبي !!



    إنسان أيا إنسان ما أجهلك

    ما أتفهك في الكون و ما أضألك

    شمس وقمر و سدوم و ملايين نجوم

    و فاكرها يا موهوم مخلوقه لك

    عجبي !!




    نظرت فوق للنجوم و انا ساير

    رجليا عترت في الحفر و الحجاير

    بقيت أقول و انا ع التراب: يا سلام

    مش بس عبره أخذت لكن عباير

    عجبي !!!





    - يا نجم .. نورك ليه كده بيرتجف ؟

    هو انت قنديل زيت ؟ أو تختلف

    - أنا نجم عالي .. بس عالي قوي

    و كل ما انظر تحت اخاف انحدف

    عجبي !!!!



    السم لو كان في الدوا منين يضر ؟

    و الموت لو عدونا .. منين يسر؟

    حط القلم في الحبر و اكتب كمان

    .. و العبد للشهوات .. منين هو حر؟

    عجبي !!!




    وقفت بين شطين علي قنطــــــــــــــــــرة

    الكدب فين و الصدق فيـــــــــــن يا تري

    محتار ح اموت .. الحوت خرج لي وقالي

    هو الكلام يتقــــــــــــاس بالمســـــــــــطرة

    عجبي !!!








    نسمة ربيع لكن بتكوي الوشـــــــوش

    طيور جميلة بس من غير عشـــوش

    قلوب بتخفق إنما وحـــــــــــــــــدها

    هي الحياه كده .. كلها في الفاشوش

    عجبي !!!!



    يا طير يا عالي في الســــــما طظ فيك

    ما تفتكرشي ربنا مصطــــــــــــــــفيك

    برضـــــــــــك بتاكل دود و للطين تعًًًًودً

    تمـــــــــص فيه يا حلو .. و يمص فيك

    عجبي !!!




    كروان جريح مضروب شعاع م القمر

    سقط من السموات فؤاده انكســـــــــر

    جريت عليه قطه علشان تبلعـــــــــــه

    أتاريه خيال شعراء و مالهـــــوش أثر

    عجبي !!!





















    جالك أوان ووقفت موقف وجـــود

    يا تجود بده يا قلبي يا بده تجــــود

    ما حد يقدر يبقي علي كل شـــــــئ

    مع إن – عجبي – كل شئ موجود

    عجبي !!!



    نصحتك يابنى لما صوتى اتنبح
    متخافش من جنى ولا من شبح
    ولو طلعلك عفريت قتيل اسأله
    مدافعش ليه عن نفسه بوم ما اندبح

    عجبي !!



    أنا كنت شئ و صبحت شئ ثم شــئ

    شوف ربنا .. قادرعلي كل شـــــــئ

    هز الشجر شواشيه ووشوشني قال :

    لابد ما يموت شئ عشان يحيا شئ

    عجبي !!




    يا مشرط الجراح أمانة علـــــــــــيك

    و انت ف حشايا تبص من حواليــك

    فيه نقطة سوده في قلبي بدأت تبان

    شيلها كمان .. و الفضل يرجع إليك

    عجبي !!!



    تسلم يا غصن الخوخ يا عود الحطـــــــــب

    بييجي الربيع .. تطلـــــــــــع زهورك عجب

    و انا ليه بيمضـــــــــــي ربيع وييجي ربيع

    و لسه برضك قلــــــــــــــــــبي حتة خشب

    عجبي !!!






    .. دي مزكرات و كتبتها من ســـــــــنين

    في نوتة زرقا لون بحور الحنيــــــــــــن

    عترت فيها .. رميتها في المهمـــــــلات

    وقلت صحيح أما صحيح كلام مخبولين

    عجبي !!




    دخل الشتا وقفل البيبان ع البـــيوت

    وجعل شعاع الشمس خيط عنكبوت

    وحاجات كتير بتموت في ليل الشــتا

    لكن حاجات أكتر بترفض تمــــــوت

    عجبي !!




    - الدنيا من غير الربيع مــــــــيته

    ورقة شجر ضعفـــــــانه و مـــفـــــتــته

    - لا يا جدع غلطان تأمل وشوف

    زهر الشتا طالع فــــــــي عز الشـــــتا

    عجبي !!!




    ياللي انت بيتك قش مفروش بريش

    تقوي عليه الريح .. يصبح ما فيش

    عجبي عليك حواليك مخالب كـــــبار

    و ما لكش غير منقار و قادر تعيش

    عجبي !!!!



    سمعت نقطة ميه جوه المحيـــــــط

    بتقول لنقطه ما تنزليش في الغويط

    أخاف عليكي م الغرق .. قلـــــت أنا

    ده اللي يخاف م الوعد يبقي عبيط

    عجبي !!!



    بحر الحياه مليان بغرقي الحياه

    صرخت خش الموج في حلقي ملاه

    قارب نجاه .. صرخت قالوا مفيش

    غير بس هو الحب قارب نجاه

    عجبي !!!












    كرباج سعاده وقلبي منه اجلد

    رمح كأنه حصان و لف البلد

    و رجع لي نصل الليل و سألني .. ليه

    خجلان تقول انك سعيد يا ولد

    عجبي !!!



    زحام و أبواق سيارات مزعجـــــة

    للي يطول له رصيف.. يبقي نجـــا

    لو كنت جنبي يا حبيبي أنــــــــــــا

    مش كنت أشوف إن الحياة مبهجة

    عجبي!!






    يا ميت ندامه ع القلوب الخـــــــــــلا

    لا محبة فيها و لا كراهـــــــــــه ولا

    حتي يا قلبي الحزن ما عادش فيـــــك

    معلهش .. لك يوم برضه راح تتملا

    عجبي !!



    مرحب ربيع مرحب ربيع مرحبــــــــــه

    يا طفل يا للي ف دمي ناغا وحبــــــــا

    علشان عيونك يا صغنن هويــــــــــــت

    حتي ديدان الأرض و الأغربــــــــــــــة

    عجبي !!!



    فتحت شباكي لشمس الصبـــــــــــــــــاح

    ما دخلش منه غيــــــــــر عويل الريـــاح

    و فتحت قلبي عشان ابوح بالألـــــــــــــم

    ما خرجش منه غير محبه و سمــــــــاح

    عجبي !!!!




    غمست سنك في السواد يا قلـــــــــــــــم

    عشان ما تكتب شعر يقطر ألــــــــــــــــم

    مالك جرالك إيه يا مجنون ... و ليــــــــه

    رسمت ورده وبيت و قلب و علـــــــــــم

    عجبي !!!
     
    آخر تعديل: ‏7 سبتمبر 2008
  9. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    كرباج سعاده وقلبي منه اجلد

    رمح كأنه حصان و لف البلد


    و رجع لي نصل الليل و سألني .. ليه

    خجلان تقول انك سعيد يا ولد

    عجبي !!!
    شكرا اسماء واسراء
    وعجبي
     
  10. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    الف شكر ليكى يا اسراء دايما بتسبقينى بكرمك

    وشكرا على مرورك يا كريزى
     
  11. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    شكرا ليكى ع الموضوع الجميل
     
  12. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    العفو يا اسراء

    شكرا على مرورك الاجمل
     
  13. ahmed kamal

    ahmed kamal

    إنضم إلينا في:
    ‏21 يوليو 2008
    المشاركات:
    196
    الإعجابات المتلقاة:
    0
    نقاط الجائزة:
    16
    الوظيفة:
    student
    الإقامة:
    egypt
    أعرف عيون هي الجمال والحسن
    واعرف عيون تاخد القلوب بالحضن

    وعيون مخيفة وقاسية وعيون كتير
    وباحس فيهم كلهم بالحزن
    عجبي

    شكرا شكرا لأسماء واسراء ربنا يخليكو للأدب المصرى
     
  14. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    هههههههههههههههههه

    ميرسى كتير على الرد يا احمد

    ونورت الموضوع بمرورك
     
  15. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    لا تجبر الانسان ولا تخيره
    يكفيه ما فيه من عقل بيحيره
    اللي انهارده يطلبه و يرضاه
    هو اللي بكره هيشتهي يغيره
    و عجبيييييييييي

    الراجل ده مكنش بني ادم ده كان معجزة
    الله يرحمك يا جاهين
     
  16. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    ولا اسمعوا دي
    انا قلبي كورة و الفراودة اكم
    ياما اتنطح و اتشاط و ياما اتعكم
    و اقولو كله هينتهي فالمعاد
    يقول دي ساعتك ولا ساعة الحكم
    عجبي
     
  17. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    طبعا الرباعيات
    ابداع مصرى خالص
    الله يرحمه
     
  18. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    الله يرحمه ويحسن اليه

    منورين الموضوع يا شباب
     
  19. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    طيب خدوا دي بقى................التوقيع طبعا................
     
  20. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    دايما جاهز يا كريزى
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License