1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

كيـــــــــــف تصمم .. هااااااااام جدااااا

الموضوع في 'قسم الكتب و الأبحاث و الأسس التخطيطية' بواسطة ayman el5ateb, بتاريخ ‏18 نوفمبر 2009.

بحث جوجل فى المنتدى

  1. ayman el5ateb

    ayman el5ateb New Member

    إنضم إلينا في:
    ‏11 نوفمبر 2009
    المشاركات:
    6
    الإعجابات المتلقاة:
    0
    نقاط الجائزة:
    1
    المحاضره دي لدكتور يسري عزام
    دكتور بقسم الهندسه المعماريه جامعة الاسكندرية
    الكلام ده مهم جدااااااا وبيشرح ازاي تبدأ التفكير في اي مشروع

    الموضوع مش منقول
    هو الشرح للدكتور يسري
    انا بس جمعت الصور ورفعتها والكلام للمحاضره

    انا عملته قبل كده في كذا منتدى للاهميه

    وان شاء الله يعجبكم ونستفيد كلنا

    ============================

    اى مشروع يمكن تنظيم عناصرة الى اجزاء رئيسية وهذا يساعدك على التعامل مع المبنى كأجزاء او كتل تتجمع جنب بعض او فوق بعض او كلاهما المهم نعرف حجم كل جزء علشان كدة تحت مكتوب نسبة مئوية لمساحة كل جزء رئيسى وكل جزء داخلة العناصر اللتى تتبع هذا الجزء بمساحاتها او بعدد الكراسى لو مسرج او مدرج او كافيتريا او مطعم وفى النهاية اجمالى المسطح مع الوضع فى الاعتبار ان هناك مساحتين الاول مساحة المبانى المغلقة والثانية مساحة الفراغات الخارجية مثل انتظار السيارات والممرات الخارجية والحدائق وهكذا

    على سبيل المثال لو حاجه زي كده


    [​IMG]




    مهم جدا التعرف على الموقع لان هذا يساعد على حسن توقيع وتوجية المبنى او مجموعة المبانى ولعل اهم الدراسات التى يجب ان تؤخذ فى الاعتبار العناصر المكتوبة فالمداخل الرئيسية والفرعية للمعمارى مطلق الحرية فى اختيار الشوارع التى تقع عليها تلك المداخل لكن الموجود على هذا الشكل ما هو الا مثال وليس نظرية معمارية بالاضافة الى اهمية العناصر الاخرى الممثلة فى النقل والمرور وحركة الشمس صيفا وشتاءا لان هذا يساعد على حسن توزيع عناصر المبنى وتوجيهه التوجيه المناسب لاستخدامات المبنى




    [​IMG]



    من الدراسات الهامة الدراسة البصرية وان نضع فى اعتبارنا شكل المبنى من اكثر من زاوية من الشوارع المحيطة وايضا من المفيد اننا ندرس الزوايا البصرية من المبنى نفسة للمناطق المحيطة بموقع المشروع علشان لو فية عنصر حلو (حدائق او آثار ) ممكن ندخل الكلام دة بصريا فى الاعتبار اننا نفتح مسطحات زجاجية مثلا نحو هذا العنصر الايجابى -اذا الدراسة البصرية من برة لجوة وايضا من داخل المبنى الى مايحيط المبنى




    [​IMG]


    هناك علاقة قوية بين نوعية مداخل المبنى او مجموعة المبانى فى المشروع لانه يوجد مدخل او مداخل رئيسية للمشروع ومدخل مثلا فى اى بى وهناك مدخل او مداخل خدمة او مدخل عاملين او او او تبعا لنوعية المبنى وايضا يجب دراسة نوعية الشوارع هناك شوارع رئيسية واخرى فرعية ثانوية وايضا اتجاهات حركة السيارات ودخولها وخروجها من ارض المشروع




    [​IMG]



    من العناصر الهامة فى التصميم هى الشكل - وانت متخذ القرار فى اختيار شكل المبنى زى اللبس بالظبط لما آجى اخرج بأفتح الدولاب بلاقى عندى بدلة او قميص وبنطلون او تى شيرت اكيد مش حتلبس كل دول لكن حتختار حاجة منهم - ايضا التصميم يجب ان تختار شكل من الاشكال بصورة مبدئية يتم تطويرها مع مراحل التصميم كما سنرى فى الصور اللى بعد كدة




    [​IMG]






    من حيث الشكل يمكن اختيار الشكل الدائرى ولكن تطور التفكير ممكن ان يتطور مثلما هو مبين فى الاشكال المتتالية المبينة فى الصورة بمعنى ان الشكل او المبنى الدائرى يمكن ان يحتوى على فناء داخلى او يقسم بعد ذلك الى جزئين منفصلين والجزئين احركهما بحيث يكون الشكل عبارة عن جزئين متقابلين او فى ظهر بعض مثل الشكلين الأخيرين




    [​IMG]



    ممكن اختيار شكل المبنى بحيث يكون يكون مربع فى البداية ولكن التطور فى التفكير كما هو مبين فى الصورة بحيث يمكننى تقسيم الشكل الى مبنيين او مثلثين يربطهما ممر مسقوف بسقف زجاجى تأكيدا على الفصل الى مثلثين ولكن الشكل العام للمبنى مازال مسيطر علية فى مجملة الشكل المربع لكن مع تحريك المثلثين اصبح شكل آخر او يتم تقسيم المربع الى مربع صغير وآخر على شكل إل بالانجليزى ويتم التقريب او البعد بين جزئى المبنى مع الربط بينهما بممر كما هو مبين فى الشكلين الأخيرين




    [​IMG]




    يمكن من البداية التعامل مع مبنيين او جزئين كلاهما يتخذ الشكل المربع والشكلين هنا متساويين فى الأبعاد ولكن نلاحظ اختلاف التأثير فى كل شكل بأختلاف العلاقة بين المربعين المتقابلين تماما او متقابلين مع التحريك او مربع على زاوية 45 ومتصل مع المربع الثانى اما فى احد اركانة او على ممر رابط بين المربعين بالرغم من اختلاف زواياهم




    [​IMG]



    هنا المصمم اتخذ القرار من البداية يأختيار شكل المربع فى المبنيين او الجزئين مع اخنلاف ابعادهم اى غير متساويين فى الابعاد او مثلا استخدام شكلين مختلفين مثل المربع مع الدائرة واختلاف العلاقة الهندسية بينهما فمرة العلاقة بينهما وقوع مركز الدائرة عند احد اركان المربع او ان العلاقة الهندسية تتمثل فى اتحاد الشكلين فى محور واحد مار بمركز الدائرة وتلاقى اضلاع المربع اما الشكل العلوى على اليمين فيبين امكانية استخدام ثلاث اجزاء مترابطين لنفس المبنى والاجزاء الثلاثة تعبر عن الشكل المربع ولكن مع اختلاف ابعاد كل مربع عن الآخرين




    [​IMG]




    الكتلة ثلاثية الابعاد هى الأخرى من العناصر الهامة عند دراسة تصميم المبنى فمثلا الشكل المربع ثنائى الابعاد يمكن رؤيته فى البعد الثالث على انه مكعب او هرم رباعى اوهرم مربع ناقص اى ان فى البعد الثالث شكل المبنى يختلف فى كل مرة تماما - ايضا الشكل الدائرى يمكن ترجمته فى البعد الثالث على انه اسطوانة او كرة او مخروط كامل او مخروط ناقص وهكذا



    [​IMG]



    شكل المربعين ثنائى الابعاد يمكن ترجمتهما فى البعد الثالث على اساس ان المربعين متساويين فى الارتفاع او المربع الصغير اقل فى الارتفاع او العكس وواضح انه فى كل مرة التأثير مختلف ما بين التعادل او هيمنة التأثير الرأسى او الأفقى فى الكتل التى يدرسها المصمم من هنا يتضح ايضا قدرة المعمارى على اعطاء تأثيرات مختلفة عند دراسته لكتل المبنى وعدم اكتفاء الطالب بدراسة شكل المبنى ثنائى الابعاد ثم يضطر الى اسقاط المبنى لكى نرسم الواجهات الخارجية وعدم وجود الوقت الكافى لدراسة الواجهات لان الطالب اهمل ذلك طول فترة المشروع وهى نقطة ضعف غالبية الطلبة عند تسليم المشروعات قبل التحكيم



    [​IMG]




    امثلة اخرى تبين اختلاف شكل المبنى فى كل مرة بالرغم من ان المربعين هما نفس الشكل ثنائى الابعاد فيمكن ان ندرس المبنى على اساس وجود كتلة مائلة او منحنية كما هو مبين فى الصورة وهى امثلة تبين امكانية سيطرة الطالب على الشكل الخارجى للمبنى المراد تصميمة واستقرارة فى نفس الوقت على الشكل العام للواجهات الخارجية نتيجة لدراسته للمبنى ثلاثى الأبعاد وعدم الاكتفاء بالدراسة ثنائية الأبعاد




    [​IMG]





    من الدراسات الهامة ايضا فى تصميم المبنى دراسة الفراغات الموجودة بالمبنى والممثلة فى المسطحات الزجاجية والفتحات الموجودة بالمبنى والاشكال المبينة هى بعض الامثلة لمعالجة وتصميم مبنى على شكل مكعب ولكن نتيجة لاستخدام الفتحات والمسطحات الزجاجية اختلف تأثير المبنى تماما من شكل الى آخر ما بين التركيز البصرى نحو جزء محدد هو الفتحة الدائرية فى الشكل رقم 1 او التعادل البصرى فى الشكل رقم 2 او وضوح التأثير الافقى او الرأسى فى فتحات الشكل رقم 4 او التباين الشديد ما بين واجهتى المبنى الخالى من الفتحات فى احدى الواجهات وسيطرة الزجاج فى الواجهة الاخرى والمبين فى الشكل رقم 5 اما الشكل رقم 6 فيبين سيطرة الزجاج بالكامل على كتلة المبنى وذلك فى حالة رغبة المصمم فى انعكاس صورة المبانى المحيطة على واجهات المينى المصمم




    [​IMG]





    بالاضافة الى اهمية الشكل والكتلة ثلاثية الابعاد والفتحات والمسطحات الزجاجية تأتى ثلاث عناصر هامة جدا فى تصميم المبنى وواجهاتة الخارجية وهى اختيار المواد والألوان والملمس لان لكل مادة ملمس وايضا لكل مبنى الملمس المميز له ما بين الناعم عند استخدام االزجاج والرخام والالومنيوم وما بين الدفء عند استخدام الطوب والحجر والخشب وما الى ذلك - كذلك اختيار المسطحات والاتجاة الرأسى او الافقى او المائل او المنحنى فى الاختلاف مابين مواد الواجهة الواحدة تأثيرات لانهاية لها ومتعددة التأثير فى الواجهات الخارجية للمبنى وشكلة الخارجى ثلاثى الابعاد اى المنظور الخارجى للمبنى



    [​IMG]







     
  2. enas

    enas New Member

    إنضم إلينا في:
    ‏13 فبراير 2008
    المشاركات:
    1
    الإعجابات المتلقاة:
    0
    نقاط الجائزة:
    1
    الموضوع حلو اوى ومفيد جدا....شكرا​
     
  3. boce

    boce

    إنضم إلينا في:
    ‏18 يوليو 2009
    المشاركات:
    219
    الإعجابات المتلقاة:
    0
    نقاط الجائزة:
    16
    الوظيفة:
    طالبة وهبحث عن شغل
    الإقامة:
    Egypt
    شكرا على فكرة الموضوع جامد ...لانة كانت نفس البديات بتعتنا فى معمارى أينعم احنا لسة اعدادى هندسة بس معهدنا تخصص معمارى فقط فبيهتموا بالرسم الهندسى شوية وبذات ببتاع جامعة الاسكندرية (اى دونت نو واى ) المهم فى مرة كانو طلبين الاليفيجن لمبنى حراسة وكلة طوب وأكيد لة المديول بتاعة وكانت عدد الطوب 540 طوبة و اية مقياس الرسم كان صغييييييييييييييييييييير أوى (3*6*125) هى دية الابعاد .....كانت صعبة عليا فى البداية (يوم مش هنساة :yuush:)


    بس أنا عندى مشكلة هو لية دايما بيدونا التصاميم على المكعبات وكدة بينما فى اعدادى هندسة بيدوهم أشكال تانية مختلفة تماما.مش لواجهات المبانى كلها حاجات مختلفة ؟؟؟؟


    هل دة ممكن يكون نقص عندنا احنا ولا كل واحد لة اسلوبة ؟؟؟

    أة صحيح بس احنا لسة فتحات الزجاج ونوع الرخام والملمس والكلام دة!!!!! وكمان بتاع تحليل الموقع ...أكيد حلو وحاجة مسلية صح؟؟؟
     
    آخر تعديل: ‏20 نوفمبر 2009
  4. فهد الصحراء

    فهد الصحراء Administrator طاقم الإدارة مدير الموقع

    إنضم إلينا في:
    ‏1 ديسمبر 2006
    المشاركات:
    1,858
    الإعجابات المتلقاة:
    37
    نقاط الجائزة:
    48
    ماشاء الله

    بجد موضوع تحفة أكثر من رائع جزاك الله كل الخير يا زميلى العزيز

    و يا بوسى زى ما أنت قلتى كل واحد و لة أسلوبة

    أعدادى هندسة بيتعلم الرسم بشكل عام يعنى معمارى و مدنى و ميكانيكى و إلكترونيات ..... إلخ

    و أنتم متخصصين فى المعمارى أكثر

    دة على حسب أعتقادى
     
  5. ayman el5ateb

    ayman el5ateb New Member

    إنضم إلينا في:
    ‏11 نوفمبر 2009
    المشاركات:
    6
    الإعجابات المتلقاة:
    0
    نقاط الجائزة:
    1

    اه اكيد
    بس مش فاهم يعني ايه بيدوكو التصاميم على مكعبات ؟؟
    مش المفروض الديزين بتاع المشاريع بيبقى كل واحد مختلف ولا ايه بالظبط
     
  6. boce

    boce

    إنضم إلينا في:
    ‏18 يوليو 2009
    المشاركات:
    219
    الإعجابات المتلقاة:
    0
    نقاط الجائزة:
    16
    الوظيفة:
    طالبة وهبحث عن شغل
    الإقامة:
    Egypt
    أة.......بس أكتريتهم على شكل مكعبات ..طبعا اذا شلنا الاضافات
    يعنى مثلا الهوم ورك المرة دية مكعب مفرغ لية شكل على مسجد ولة قبة ومئذنة
    بس صراحة لسة هاعملة ف العيد هو الشكل مش مفهوم شوية بس أصلهم يدوب ادونا الايزومترك و طالبونا بالتعمق وهم مبيعلموناش حاجة ف السكشن (يدوب بنرسم بس ) علشان كدة بسأل أى حد قدامى ع كدة منين أنا هتعلم مهارات جديدة ؟منين هحس بالفرق بين طالب ثانوية وطالب هندسة فاهم هو ازاى بيعرف يشتغل كويس وعدل ومضبوط !!!!
     
  7. boce

    boce

    إنضم إلينا في:
    ‏18 يوليو 2009
    المشاركات:
    219
    الإعجابات المتلقاة:
    0
    نقاط الجائزة:
    16
    الوظيفة:
    طالبة وهبحث عن شغل
    الإقامة:
    Egypt
    مجرد تقريب للشكل فبحس انها كلها تؤول للمكعبات؟؟؟؟
    هو انتو أكيد بتشتغلوا أحسن صح؟؟
    وبعدين يا بشمهندس حسن هى مش المفروض يكون ف الاخر كلها تؤول لطريق وهدف واحد ؟
    (كل الطرق تؤدى الى روما ) بس بحس انى مبتعلمش علشان كدة ببأة قعدة ف المرسم قرب حد من صنايع وبحاول أتعلم منة (وصلت لدرجة وضع اللوحة ) بس أصلهم جامدين وبيخلصوا بسرعة وعلى فكرة هم كريستين بس أنا بتعلم ودة أهم حاجة قدامى.....
     
  8. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    رااااائع .. شكرا جزيلا .. وننتظر المزيد
     
  9. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    اظهارك رائع جدا .. ما شاء الله .. مش الصور دى بتاعتك ؟؟
     
  10. أحمد جيمى

    أحمد جيمى New Member

    إنضم إلينا في:
    ‏22 مارس 2008
    المشاركات:
    2
    الإعجابات المتلقاة:
    0
    نقاط الجائزة:
    1
    bgaaaaaaaaaad gamed moooooooooooooooot
    baaaaaaas yaaaaaaaaah ba2a law kan dah men sana fatet
    ana 5alas 4 sorry 5alst design
    ma3nksh 7aga urban design allah yekrmk ?:D


    :grin:
     
  11. ayman el5ateb

    ayman el5ateb New Member

    إنضم إلينا في:
    ‏11 نوفمبر 2009
    المشاركات:
    6
    الإعجابات المتلقاة:
    0
    نقاط الجائزة:
    1

    لا الاسكتشات دي الدكتور هو اللي عاملها برضو
    ايش جاب لجاب :d
     
  12. ayman el5ateb

    ayman el5ateb New Member

    إنضم إلينا في:
    ‏11 نوفمبر 2009
    المشاركات:
    6
    الإعجابات المتلقاة:
    0
    نقاط الجائزة:
    1

    loooooooooool
    bs kda ya basha enta to2mor :D
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License