1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

كل سنة وإنتى متبنّجة يابلد !!!

الموضوع في 'منتدى الضحك و الفرفشة' بواسطة ahmed ashry, بتاريخ ‏1 يناير 2008.

بحث جوجل فى المنتدى

  1. ahmed ashry

    ahmed ashry

    إنضم إلينا في:
    ‏20 أغسطس 2007
    المشاركات:
    436
    الإعجابات المتلقاة:
    0
    نقاط الجائزة:
    16
    الوظيفة:
    مهندس تخطيط ان شاء الله
    الإقامة:
    مصر- محافظة حلوان الجديدة

    هو الناس ماشيه متنّحه كده ليه؟؟ هو إيه اللى جرى فى البلد دى بالظبط مالنا كده ماشيين نايمين على نفسينا دا الواحد مستهيأله إن شويه شوية والناس هتشخّر وهيّه ماشيه..بصوا كده من حواليكوا هتلاقوا مليون دليل ودليل على الكلام بتاعى ده
    الصورة الأولى
    واحد ملو هدومه واقف فى المنشية بيشاور لأى عربيه رايحه سيدى جابر المفروض لما هيشاور لتاكسى أو ميكروباص هيقول إيه؟ صح هيقول (سيدى جابر سيدى جابر ) عمنا ده كان واقف فى عز المنشية وعمال يشاور لأى عربيه عشان يروحّ عارفين كان بيقول إيه؟ (منشيه منشيه) وسلامى للمواهب الشبابيه.
    الصورة التانيه
    واحد صاحبى رن جرس الشقة عندنا :السلام عليكم جمعاوى موجود

    لأ مش موجود​

    رد صاحبى المركّز قوى وقال:

    طب لما يصحى قولوا إنى إتصلت بيه​
    (ربنا يكفيكوا شر الحشيش المضروب)
    حياتنا أصبحت مليانه بمواقف كتير زى كده.. طبعا بنضحك عليها وبتعدى عادى خالص وممكن تحصل فى أحسن العائلات..لكن لأ لأأيها الشعب.. الموضوع مش شويّة مواقف ممكن تحصل فى أحسن العائلات.. الموضوع زاد عن حدّه وبقى كبير قوى.. لما بيسألوا مرة واحد من المطحونين أقصد أقول المواطنين عن رأيه فى اعلان مصر لحالة الطوارىء على طول قال :
    مين طوارىء دى قريبة لطارق السعيد ولا إيه ..
    ومن حقنا ندور على اللى عمل فينا كده واللى من مصلحتو إننا نفضل كده على طول نفضل مبرشمين على طول ومزبهلين على طول ومصدّرين الطرشة لكل اللى بيجرى حوالينا
    مفيش غيرها الحكومة النضيفة بتاعتنا هيّه اللى ليها مصلحه إن الشعب يفضل نايم على طول ..بنّجتنا وقعدت تتسحب فى نصاص الليالى على كعوب رجليها لجل متتسرمح على حل شعرها والشعب الغلبان نايم فى سابع نومه وبياكل فول مع الشياطين.باعوا البلد من حوالينا وإحنا نايمين حرقونا فى القَطر وبرضه نايمين غرقونا فى البحر ولسه نايمين..
    إيه مالك أيها الشعب دإنت لو كنت قاتيل كان زمانه صحصح..

    طبعا إكيد فيه ناس مش عاجبها الكلام ده وعاوزه ترد وتقول أنتو كل مصيبة عاوزين تشيّلوها للحكومة مش كفايه إنها بتغسل المواعين.. وبتنشر الغسيل.. وبتدعك الحمام.. وبترضّع البط وبتزغّط العيال..متشيلوا الحكومة من نافوخكو .
    أنا مش هتكلم ياريت أنتوا ترده عليه عشان يدوبك الواحد يقول النشيد الوطنى الجديد ويخشّ يكمل نوم جنب الشعب.​
    النشيد بيقول:
    ذهب الليل طلع الفجر والشعب يعفّر
    يشرب جوزه ويشرب بنجو ومن صدره يكركر
    شعبنا تايه قوى على الآخر ودايما متبنّج
    ناس سرحانة وناس تعبانه ودايما بتهنّج
    ويّا حكومه نضيفة ظريفه بتسرق على كيفها
    واللى ف مرة يقول مش عاجبوا راح تديله حقنه​
     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى ahmed ashry...
    ننتظر منك المزيد من المواضيع ياahmed ashry...
    حفظك الله اخىahmed ashry...
     
  3. marmar

    marmar New Member

    إنضم إلينا في:
    ‏29 نوفمبر 2007
    المشاركات:
    95
    الإعجابات المتلقاة:
    0
    نقاط الجائزة:
    6
    الوظيفة:
    talebaa
    الإقامة:
    MASER
    thanx begad ................... 7elw
     
  4. ahmed ashry

    ahmed ashry

    إنضم إلينا في:
    ‏20 أغسطس 2007
    المشاركات:
    436
    الإعجابات المتلقاة:
    0
    نقاط الجائزة:
    16
    الوظيفة:
    مهندس تخطيط ان شاء الله
    الإقامة:
    مصر- محافظة حلوان الجديدة
    الشكر لله
    تصدقي انا كان نفسي حد يقرا الموضوع ده والحمد لله
    بجد بجد شكرا على ثقتك انك تدخلي الموضوع اللي محدش رد عليه
    شكرررررررررررررررررا
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License