1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

كلام جديد وتعريف مشوق للكلية

الموضوع في 'منتدى الحوار العام' بواسطة بدوووى, بتاريخ ‏22 أغسطس 2009.

بحث جوجل فى المنتدى

  1. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    أنا معلش كنت عايز أسالك سؤال كدة أية الفرق بين المهندس المدنى و المهندس المعمارى و مهندس التخطيط العمرانى يعنى مييين اللى من الاخر يقدر يشتغل شغل مييييين و أنا كنت عايز أسأل على حاجة و تجاوبنى عليها بصراحة أنا مثلا دلوقتى أنا مقدم فى شركة عشان أشتغل فيها أنا مثلا و الاتنين التانييين المعمارى والمدنى أو أنا و المهندس المعمارى بس مييين اللى بيتقبل فينا ؟؟؟
    عشان هنسة العمارة بتعطى بكالريوس هندسة لكن التخطيط العمرانى مش بيعطى بكالريوس هندسة لكى بيدى بكالريوس تخطيط عمرانى وعشان كدة أنا بسألك مييين اللى بيتقبل لما تروح تقدم فى شركة
     
  2. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    مواد التيرم الاول

    مدخل وتاريخ التخطيط العمرانى
    رسم هندسى
    فيزياء وتطبيقات هندسية
    مساحة وخرائط
    احصاء
    حقوق انسان او قضايا دولية معاصرة

    وبعدين اقولت ابقل كده نزلوا الفيلات دى هتلاقوا المواد الى هتدرسوها والدرجات واسلوب الدراسة والمواد فيها ايه نبذة عن كل مادة ومعلومات كتيرة هتفيدكوا

    عفواً ، يجب عليك التسجيل اولاً لمشاهدة الروابط . عفواً ، يجب عليك التسجيل اولاً لمشاهدة الروابط . عفواً ، يجب عليك التسجيل اولاً لمشاهدة الروابط .
    عفواً ، يجب عليك التسجيل اولاً لمشاهدة الروابط .
    [/عفواً ، يجب عليك التسجيل اولاً لمشاهدة الروابط .
    ]عفواً ، يجب عليك التسجيل اولاً لمشاهدة الروابط .
    ]عفواً ، يجب عليك التسجيل اولاً لمشاهدة الروابط .
    عفواً ، يجب عليك التسجيل اولاً لمشاهدة الروابط .
     
  3. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    المهندس المدنى : بيشتغل فى تصميم حسابات الخرسانة المسلحة يعنى الاعمدة والكمرات والسملات اى حاجة بتتعمل من الخرسانة .
    بمعنى انه بيجيلوا مثلا بيت او مصنع او شركة بيحسب الاحمال الى هتكون فى كل مكان من دول لان طبعا المصنع مثلا بيكون فيه ميكانات وحاجات ثقيلة اكتر من البيت مثلا فكل مبنى ليه احمال غير التانية وعلى اسسهم بيقول انه عاوز اعمدة بمساحات كذا وطبعا بيحسب الكمرات واى حاجة خاصة بالخرسانة .

    المهندس المعمارى بيجيلوا واحد يقوله عندى حتة ارض وعاوز ابنى عليها فيلة او عمارة او مدرسة اى مبنى
    فبيصمم المبنى وبعد ما بيصممه يبعت الرسم بتاع المبنى للمهندس المدنى علشان يحسب ويقول مكان الاعمدة وهتحتاج حديد اد ايه واسمنت اد ايه وكده .

    المخطط العمرانى : 1- بيصمم القرى السياحية او مثلا تصميم جامعة او مجمع مدارس او مجمع طبى او ادارى بمعن اى محموعة مبنى مع بعض بينما المهندس المعمارى بيصمم مبنى واحد بيت او عمارة او مدرسة .
    2 - بيخطط المدن الجديدة زى 6 اكتوبر او الشيخ زايد
    او المدن الموجودة بيعيد تخطيطها زى مثلا مدينة القناطر
    3 - بيعمل تخطيط للقرى زى قرى الصعيد والمراكز بتاعتها
    4- بيعمل خطط مستقبيلة للمحافظات والاقليم
    بيعمل شبكات المياه والصرف والاتصالات والكهرباء والغاز بتاعت المدينة

    بخصوص مين بشتغل شغل مين اولا المهندس المدنى شغله بعيد شوية عن الاتنين التانين يعنى صعب اقوى المخطط العمرانى او المعمارى يعملوا شغله او هو يعمل شغلهم مع اننا درسنا فى الكلية الموضوع بتاع المهندس المدنى بس مش بالتفاصيل اقوى يعنى خدنا فكرة بس .

    المهندس المعمارى شغله الاساسى زما شرحتهولك فوق ومينفعش يشتغل شغلنا الا ميبقى مثلا دكتور او مهندس كبير علشان يعرف يشتغل شغل تخطيط

    المخطط احنا علمونا فى الكلية حاجات كتيرة فى مجالات مختلفة عن بعضها ونعرف نشتغل شغل المعمارى
    وبيخرج كتيير من عندنا يشتغلوا شغل المعمارى لانه بيبقى سهل بالنسبلهم علشان زما اقلتلك المعمارى بيصمم على نطاق مبنى واحد .

    وبردوا المعمارى بيدرسوا بعض مواد تخطيط بس مش بيبقوا متمكنين فيه لانه علم كبير لازم يدرس فيه مواد كتيرة واحنا بندرس مواد معمارى بس بنطلع شطرين علشان بيدرسهولنا اساتذة عمارة وهو حاجة سهلة فنعرف نشتغله .

    بس علشان تبقى فاهم ان التلاتة ده غير ده غير ده
    وان الناس الشطرة الى بتتخرج من عندنا هى الى بتشتغل فى شغل التخطيط والناس الى بتتخرج بالعافية بيشتغلوا شغل عمارة.

    وان لو التلاتة اتقدموا لشغل مين هيشتغل طبعا على حسب طبيعة الشغلنة لو خرسانة هيبقى بتاع مدنى
    لو عمارة هيبقى هتلقى المعمارى والمخطط العمرانى هينفسوا عليها الى عنده خبرة اكتر من التانى هشتغل لو شغل تخطيط طبعا هيخدوا بتاع تخطيط .

    وبخصوص ان بكالريوس هندسة لكن التخطيط العمرانى مش بيعطى بكالريوس هندسة لكن بيدى بكالريوس تخطيط عمرانىانت بعد ما بتخلص بتبقى تبع نقابة المهندسين وبيتكتب فى كارنيه النقابة شعبة عمارة
    يعنى بتبقى مهندس برده ومن اول يوم هتخش الكلية هيقولولك يا بشمهندس متخفش انت بس
     
  4. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    أنا كنت عايز أسالك سوال هو أنت كنت داخل التخطيط العمراني عشان مجموعك مجبش الهندسه ولا أنت داخلها بمزاجك معلش أنا عارف اللي أنا مضايقك معايا بس معلش أستحملني
     
  5. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    لا انا كنت عارف الكلية اقبل ما ادخلها علشان صاحب اخوى كان فيها وكان مكلمنى عليها بس كتبت كل الهندسات الى فى القاهرة زى حلوان عين شمس و شبرا بس وبعد كده تخطيط عمرانى فمجموعى مجبش اى هندسة فى القاهرة فروحت تخطيط عمرانى بس كان لقيه زميلى فى الدفعة كان ليهم هندسات كتيير وجم عندنا
     
  6. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    أنا ناس كتير بتقولي علي أن الكتروني أحسن عشان بتأخد بكالوريوس هندسه و شغلها كمان كويس لكن تخطيط بيقولولي أني شغلها مش منتشر أوي عشان مش ناس كتير يعني بتعمل مدن وكده و بيقولولي أن المهندس المعماري هيفضلوه عنك في شغل العماره و أنا حابب مجال التخطيط لكن خايف بعد ما أتخرج في الاخر معملش حاجة و معلش أنا عارف اللي أنا بتعبك معايا و كمان بيقولولي أن الالكتروني يشتغل في أي حاجه عشان مجاله واسع معلش أنا عارف اللي أنا مضايقك معايا
     
  7. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    1-الكتروني أحسن عشان بتأخد بكالوريوس هندسه
    طب امال احنا بناخد ايه ما احنا بنطلع مهندسين برده والدولة نفسها بعترف بينا كمهندسين من خلال انضممنا لنقبة المهندسين شعبة العمارة كل الحوار ان عندنا بتقال بكالريوس تخطيط عمرانى علشان الاسم كبير لوحده مش هينفع نقول هندسة تخطيط عمرانى واقليمى بس بينما الكترونية اسم صغير بيقولوا برحتهم هندسة الكترونية فى الاخر ده بيطلع مهندس وده بيطلع مهندس وبيقبوا تبع نقابة واحدة بس المجال مختلف
     
  8. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    -2--شغلها كمان كويس لكن تخطيط بيقولولي أني شغلها مش منتشر أوي عشان مش ناس كتير يعني بتعمل مدن وكده.

    مين اقلك الكلام ده الى اقلهولك ليعرف الكلية ولا شاف حد من خاريخيها ولا يعرف هى بدرس ايه اساسا ده مبدايا كده

    لان احنا مش بنشتغل بتوع مدن بس احنا بنشتغل حاجات كتيير جدا يعنى اذا كان بتاع هندسة الكترونية مجاله منتشر شوية احنا مجالنا منتشر عشرين شوية طبعا هتستغرب من الكلام ده وهقولك الدليل
    بتاع هندسة الكترونية ده فى الاول والاخر هو بيشتغل الكترونيات هينفع يشتغل كهرباء مثلا طبعا مينفعش هو بيطلع علشان يشتغل الكترونيات فى اى شركة بقى او مصنع .

    احنا بقى انا هعدلك المجالات الى فى دمغى دلوقتى والى اتخرجوا من كليتنا بيشتغلوها ولو ان ممكن انت فى اسمى متعرفهاش علشان تخصاصات دقيقية زى مثلا فريق عمل استراتيجيات اقاليم مصر كنت هقولك اكتر من كده .
    هقولك على الشغلانات العادية الى الناس كلها عارفها
    مهندس معمارى
    مهندس موقع
    مهندس مساحة متخصص فى اعداد الخرائط ( هيئة المساحة )
    مهندس تخطيط عمرانى ( هيئة التخطيط العمرانى )
    والى انت مش فاهمه ان احنا مش بنخطط المدن الجديدة بس الى انت بتقول مش منتشرة احنا كمان بنخطط المدن القديمة الحاجات المبنية زى القاهرة والجيزة واسكندرية وعد بقى وشوف مصر اد ايه
    طبعا انت مش هتستوعب الكلام ده علشان لسه متعرفوش
    مهندس لاند سكييب بتوع تصميم الحدائق
    مهندس تخطيط قرى زى قرى الصعيد والدلتا
    مهندس تخطيط شبكات زى الاتصالات والكهرباء والصرف الصحى والغاز
    مهندس بيئة تبقى متخصص فى المحميات الطبيعية والحاجات بتاعت البيئة والتنمية المستدامة
    مهندس ديمواغرافيا بتوع التعدادت يعنى عدد سكان الجمهورية ونسبة البطالة والامية والفقر والجهل
    مهندس تصميم قرى سياحية
    مهندس تصميم اربن دايزين يعنى بصمم مجموعة مبانى زى الجامعة مثلا
    مهندس لوضع استراتيجيات وافكار ومخططات وبدائل لمحافظات مصر

    وحاجات تانية كتيير

    امال ليه الناس الى بتتخرج بيشتغلوه والدكترة بيقولولنا ان مفيش بطالة من خريجى كليتنا علشان وسقين انهم لازم يشتغلوا لان مجلتنا كتير جدا

    وبعدين انت فكرك ان لو مدينة مثلا بتبنى بيشتغل فيها كام مهندس تخطيط مهندس واحد لا طبعا بيشتغل فيها مش اقل من 20 مهندس تخطيط كبار كل واحد متخصص فى حاجة معينة فى المدينة وكل واحد من العشرين معه على الاقل عشرة مهندسين تخطيط اصغر مساعدين .
     
    آخر تعديل: ‏31 أغسطس 2009
  9. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    3-المهندس المعماري هيفضلوه عنك في شغل العماره

    يا حبيبى دلوقتى انا صاحب مكتب عمارة وتخطيط ومعظم المكاتب بتبقى اسمه كده مكتب كذا للعمارة والتخطيط وجالى واحد عارف تخطيط كويس وعارف عمارة شوية وواحد تانى عارف عمارة كويس ومش عارف حاجة فى تخطيط اكيد هاخد بتاع تخطيط

    افترضنا طيب ان المكتب ده صاحبه متخصص فى العمارة اكتر يعنى مكتب عمارة بس ساعتها ممكن نتكلم يعنى ايه هيفاضل بينكوا من حاس ايه

    الى عارف يشتغل فيكوا على برامج اكتر من التانى ودى كورسات كلنا بنبقى متعلمنها ابقل ما نخرج من الكلية
    الى عنده خبرة اكتر من التانى يعنى اتخرج اقبله واشتغل او اتدرب فى اماكن اقبل كده وهكذا
     
    آخر تعديل: ‏31 أغسطس 2009
  10. ابن بلد

    ابن بلد New Member

    إنضم إلينا في:
    ‏29 أغسطس 2009
    المشاركات:
    11
    الإعجابات المتلقاة:
    0
    نقاط الجائزة:
    1
    تسلم يا غالى

    الموضوع فعلا يستحق الاشاده و انت شخص محترم و تستحق كل خير :SugarwareZ-003:
    انا طالب فى كلية التخطيط العمرانى الفرقه الاولى (2009/2010)
    انا كنت عاوز اتعرف على شخص مثلك من زمان لانى عاوز استفسر عن حاجات كتير جدا فى الكليه ولان الناس بصراحه خوفونى من الكليه دى و كرهونى فيها
    و بصراحه انا مستريحلها نفسيا
    يا ريت اعرف اوصلك لانى عاوز اتكلم معاك فى حاجات كتير
    ممكن تكلمنى على الاميل بتاعى من فضلك ahmed_mohey_2008@yahoo.com
     
  11. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    أصلى أنا كنت قابلت واحد فى كلية التخطيط العمرانى و قاللى اللى أنا مش هينفع أشتغل شغل العمارة لان دة مجالة مختلف و مينفعش تقارن بينهم هما الاتنين لكن أحنا بندرس مواد المهندس المعمارى لكن مش هنعرف نشتغل شغلة أوى و أنا كنت عايز أعرف أنت بتدرب فى أية دلوقتى قصدى فى مكتب أية و أنا كنت عايز أعرف لو أنا كنت عايز أحول الى كلية الهندسة أية الشروط و أية كليات الهندسة اللى أنا ممكن أروحلها أى جامعة ولا لازم تكون جامعة مخصصة أنا عارف صدقنى اللى أنا مضايقك بس أنا حيران جدا عشان ناس كتير متعرفش كلية التخطيط العمرانى و أول مايسمعة هندسة الكترونية يقولولى على طول روووووح أول سنة و أستحملها بالطول و لا بالعرض و بعد كدة حوووول
     
  12. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    لا معلش ياحمد كلمنى هنا احسن واستفسر اى استفسار عن الكلية واى اسئلة انت عاوزها هنا مش علشان حاجة والله اكتر من ان الناس كلها تقرا اجابة الاسئلة ديه علشان ناس كتيير غيرك هيسئلوها وانا نفسى كنت بسائلها وانا داخل الكلية ولسه الى جايين بعد كده يسئلوها فخلينا هنا احسن وعلى العموم انا اميلى

    m.badawy87@yahoo.com
    m.badawy87@hotmail.com

     
  13. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    مكتب اسمه مكتب زيوار للعمارة والديكور واهو المكتب ده يعم ملوش اى علاقة بالتخطيط اخره المبنى والديكور الى جوه وبدرب فيها من وانا كنت فى سنة تانية وكنت شغال شغل عمارة زى المهندس الى متخرج جنبى وانا كنت لسه طالب وكان بيدنى فلوس وانا بدرب اكيد مفيش مهندس استشارى صاحب مكتب هيجيب حد ياعقده على جهاز ويديلوا فلوس اخر كل شهر وهو مبينتجش.

    وعلشان تبقى عارف ان الى بيطلع فاشل من الكلية يعنى بيتخرج بمبقول بالافية هو الى بيشتغل شغل عمارة لانه سهل ومتوافر جدا
    بس الناس الشطرة الى بتتخرج بتقدير وبتبقى شطرة فى مواد تخطيط بيشتغلوا شغل تخطيط وده شغل اكبر واحسن ميت مرة من شغل عمارة

    تخيل انت لو واحد بيشتغل فى عمارة وواحد تانى بيشتغل تخطيط قرية ولا مدينة ولا محافظة ولا اقليم ولا تصميم قرية سياحية ايه اكبر
     
  14. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    بخصوص التحويل من كليتنا ده بيبقى بعد سنة اولى وبيبقى فى قسم عمارة بس وبخصوص اه هى الجامعات الى بحولها مش عارف والله اسئل شئون الطلبة فى النقطة دى يفيدوك اكتر منى
     
  15. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    اقولك حاجة انت لو فى نيتك تحول لكلية معينة بعد كده روح الكترونية احسن انما لو عاوز تخش كلية وتعقد فيها علطول خش كليتنا احسن ده الى ممكن اقولهولك
     
  16. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    انا قرات كل موضوعاتك على ملتقى مخططي مصر و عجبتنى اوى
    لو سمحت ممكن تفهمنى حاجه ...... ايه الفررق بين مهندس التخطيط و المهندس المعمارى طالما انهم بيتسجلوا فى نقابة المهنديسن قسم عماره؟

    ايوا يا احمد اكيد فى فرق و وكتبته اقبل كده فى رودودى على اسئلة مينا بس السؤال دلوقيت ليه بنكتب فى شعبة واحدة فى النقابة

    الاجابة لان خريجين تخطيط لغيت دلوقتى عددهم اقليل اقوى وفى عدد معين للنقابة علشان تفتح شعبة جديدة فى النقابة فبيشوفوا ايه اقرب حاجة للتخصص بتعنا ويضيفونا ليه واقرب حاجة هى شعبة عمارة وفى شعب كتيير غيرنا كده فى النقابة مزدوجة مش احنا بس
     
  17. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    أصلى أنا كنت عايز ابقى خريج كلية الهندسة وكنت عايز أدرس أعدادى عشان أختار القسم اللى أنا عاوزة لكن أنا مجتليش الهندسة بتاعت المطرية على درجتيييين أنا كنت محتار أدخل أية لكن أنا لقيت التخطيط العمرانى أنا دخلت عليها و شوفت أية أخبارها لقيتها كويسة بس لقيت ناس كتير جدا بتقولى عمرك ما هتتساوى بامهندس ولما أقول لحد اللى أنا بتساوى بالمهندس اللى طيب لييية دلوقتى مش بيدولك بكالريوس همدسة زى كلية الهندسة ولما بقولهم أن التخطيط بتعمل المدن والحاجات التانية قاللى يعنى مفيش فرق بينك وبين المهندس؟قولى بقى أرد عليهم اققولهم أية
     
  18. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    طيب هو أنت لما تيجى تشتغل مش بيبقى بالبكالريوس اللى فى أيدك طيب أنا دلوقتى مش معايا بكالريوس هندسة لكن معايا كارنية النقابة بس لكن دة أنا مش هستفيد بية لماا أشتغل وهو أنت دلوقتى لييييييك نفس المميزات بتاعت المهندس زى النوادى وكدة؟؟؟؟
     
  19. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    للاسف انا مش من المدينة علشان انا من القاهرة فمش هعرف افيك كتيير بس انا دخلت طبعا المدينة كتتير علشان شغل المجموعة بتاع الكلية ممكن اقولك الى اعرفه يعنى هى عبارة عن ان كل 2 بيكونوا فى اوضه وغالبا بيكونوا من كلية واحدة ودفعة واحدة فى سرير دورين فى الوضة كل واحد ليه سرير وكل واحد ليه مكتب وكرسى مساحة الاوضة صغيرة يدوبك على اد الحاجات ديه والحركة وخلاص . بالنسبة للاكل فى غدا وعشاء تقريبا على ما سمعت ان الفطار اتلغى وبقوا يدوا اكله فى العشاء مستوى الاكل متوسط المطعم حاجة كبيرة اقوى كده وبتقف طبور بتاع من ربع لنص ساعة علشان تاخد الكل.
    الميزة الى شفتها فى المدينة انك بتخرج وتدخل فى اى ميعاد انت عاوزه عكس اى مدينة فى جامعة تانية فى معاد محدد للدخول والخروج

    على العموم الرجل صاحب المنتدى فهد الصحراء اقعد فى المدينة وهيفيدك اكتر منى
     
  20. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    يا سيدى الرد ابسط مما تتخيل اقولهم انا فى الاخر ببقى تبع نقابة المهندسين يبقى ازى مش هتسوى بالمهندس اذا كان فى ناس بتبقى مش تبع نقابة المهندسين زى كلية خريجى فنون تطبيقية وبيقبوا مهندسين

    اما احنا الدولة بتعترف بينا مهندسين والنقابة بتعترف بينا وانت مش مصدق عاوز اه تنانى علشان تصدق
    وبخصوص النوادى والمزايا بتاعت النقابة انا باستفاد بيها من دلوقيت من اول ما دخلت الكلية وبدخل نادى نقابة المهندسين فرع الزمالك بكارنيه كليتى الى مش عجبك

    والنقابة معندهاش مهندس ونص مهندس اقدام اسمك اكتب تبع النقابة خلاص زيك زى اكبر مهندس فى النقابة
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License