1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

كلام جديد وتعريف مشوق للكلية

الموضوع في 'منتدى الحوار العام' بواسطة بدوووى, بتاريخ ‏22 أغسطس 2009.

بحث جوجل فى المنتدى

  1. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    هذا الكلام لن تقراه فى اى مكان اقبل كده لانه من تاليفى وكتبته وان كنت فى اجازة سنة تانية يعنى بقاله سنتين وهيعجبكوا انشاء الله وهيفيد الطلبة الجداد

    1-[FONT=&quot] [/FONT]نظرة عامة عن الكلية وتعريفها من واجهة نظرى
    2-[FONT=&quot] [/FONT]علاقة الطالب بالكلية ما هى؟ (يوم فى حياة طالب تخطيط )
    3-[FONT=&quot] [/FONT]علاقة الطالب باعضاء هيئة التدريس
    4-[FONT=&quot] [/FONT]بماذا تاثرت شخصيتى منذ دخولى الكلية (التغيرات الحادثة فى شخصيتى )
    5-[FONT=&quot] [/FONT]تقيم للمواد التى دراستها ومدى الاستفادة والمخرجات التى خرجت بها من كل مادة.
    6-[FONT=&quot] [/FONT]مميزات وعيوب الكلية
    7-[FONT=&quot] [/FONT]مؤشرات اثبتت لى انها كلية تستحق الاحترام



    1 – كلية التخطيط العمرانى ما هى ؟

    هى احد كليات جامعة القاهرة المختصة بتدريس التخطيط العمرانى والاقليمى وهى الفريدة من نوعها فى مصر والوطن العربى التى تتخصص فى تلك الموضوعات وهى احد الكليات العملية والتى تعتمد فى تدريسها على التطبيق العملى دائما فى هيئة مشروعات دراسية فى الكلية وخارجها يتعامل فيها الطالب مع الشارع المصرى ويحتك ويتعرف على العديد من المجالات تفيد فى التخطيط العمرانى ( كالاقتصاد – الاجتماع – السياسة – الرياضة – الثقافة العامة وما يدور على الساحة المصرية والعربية والافريقية والعالمية فى جميع المجالات) وعدد سنوات الدراسة بها خمس سنوات وبها اربعة اقسام ( التخطيط الاقليمى – التخطيط العمرانى – التصميم العمرانى – البنية الاساسية )ويتخصص الطالب فى احد الاقسام فى السنة الخامسة.


    2 – علاقة الطالب بالكلية ( يوم فى حياة طالب تخطيط )

    منذ ان التحقت بالكلية وقد تزيد العلاقة بينى وبين الكلية كل يوم عن الاخر وتقل العلاقة بينى وبين منزلى فاصبحت الكلية هى التى يفعل فيها الطالب كل شى يفعل فى الحياة العادية عدا النوم ولو سمح لنا بالنوم فى الكلية سوف نفعل ذلك ولكن لأحتياطات امنية لا يسمح بذلك . فتخيل كيف تكون العلاقة بين واحد وواحد اخر يجلس معه على مدار 18 ساعة من ال24 ساعة فى اليوم كيف تكون.

    يوم فى حياة طالب تخطيط

    بالنظرالى هذا اليوم تتعرف على ما هى هذه الكلية والتى لا يعلم عنها كثير من الناس اى شى ويسموها بعض الناس بل ومسئولين على قدر كبير من العلم (نظير) فعند ذكرها يقولون كليات الهندسة ونظيرتها بالكليات الاخرى يقصدون تلك الكلية
    يبدا يوم الطالب من الساعة التاسعة صباحا بمحاضرة لأحد اساتذة المادة وتمتد على مدار ساعتين او اكثرمن الالقاء المحاضرة والنقاش معنا واخذ اسئلتنا واراءنا فى موضوعات المحاضرة ثم ناخذ راحة لمدة ربع او نصف ساعة ويدخل دكتور اخر يلقى محاضرة مدتها ساعة وناخذ سكشن يليه مدته ساعة
    الى ان تصبح الساعة الواحدة والنصف ناخذ راحة نصف ساعة اخرى ونبدا الساعة الثانية فى التطبيق العملى للمحاضرة والسكشن فى القاعات الدراسية لمدة ثلاثة الى اربعة ساعات (استديو)ثم ينتهى اليوم الدراسى فعليا الساعة السادسة .
    فنبتدى نفكر اننا لم ناكل بعد فنذهب لأحضار اكل من الخارج ثم ناكل مع بعض فى الكلية ونبدا نعمل المشروعات التى تطلب منا فى الكلية والتى تحتم ان نكون مجموعة والمكان الامثل والاقرب لنا جميعا داخل المجموعة والتى تتكون من5-7 افراد فى كل مادة هو الكلية فنجلس فى الكلية من الساعة السابعة الى الساعة الثانية عشر ، كل فرد فى المجموعة يقوم بالمهمة التى يحبها لانه عمل يومى تقريبا نقوم به فأحد الافراد يقوم بالعمل على جاهز الحاسب الالى واخر يذهب للطباعة وشراء الادوات واللوحات التى نحتاجها اثناء العمل واثنان يقوموا بتحليل الشغل واثنان يقوموا بتبيضه على اللوحات التى ستسلم، كلا منا قائد فى عمله ويوجه الاخر وينصحه بالاخطاء التى وقع فيها حتى نحصل على اعلى درجة نظل فى ذلك العمل الى ان يصعد رجل الامن ليقول لنا خلاص ويجب عليا ان اخلى الكلية من الطلبة فنقوم بالكلام معه ونتراجه ان يترك لنا بعض الوقت الاضافى لانهاء العمل فيتركنا نصف ساعة ويصعد مرة اخرى لتنبيهنا فنمشى واذا كنا لم ننتهى من العمل نذهب الى احد منازل افراد المجموعة لنكمل العمل واحيانا يمتد العمل الى اليوم التالى ونذهب الى الكلية ونحن لم ننم ابدا لانهاء العمل على اكمل وجه وياتى اليوم الاخر ونقتتطع منه بعض الساعات فى النوم عقب المحاضرات ثم نبدا بالعمل مرة اخرى .
    وكانت هذه احد ايام الطالب فى الكلية والتى يفعل فيها الطالب كل ما يفعل فى الحياة العادية من اكل وشرب وضحك وحزن وقراءة جرائد والتعرف على الاخبار والعمل وممارسة النشاطات المختلفة كل ذلك يحدث اثناء اليوم داخل الكلية .
    فهى الكلية الوحيدة داخل الحرم الجامعى التى يسمح فيها بالجلوس الى الساعة الثانية عشرليلا وايضا الدخول من باب الجامعة فى اى وقت من اوقات اليوم تقول لرجل الامن تخطيط يسمح لك بالدخول.

    فمن تلك المعلومات السابقة تستطيع ان تاخذ فكرة عن الكلية


    3 - العلاقة بين الطالب وبين اعضاء هيئة التدريس

    لا استطيع ان انسى ابدا عندما انتهيت من الدراسة الثانوية وابتديت الجامعة وسئلت اخوتى بالكليات والجامعات الاخرى عن اسلوب التدريس والمدرسين والرد الذى قالوه لى وما وجدته فى كليتى فقالت لى اختى الكبيرة (كلية الهندسة جامعة المنوفية ) ان نظام التدريس فى الجامعة يختلف عن المدرسة فلا يمكنك النقاش مع الدكتوروالوقوف معه مثلما كان يحدث فى المدرسة مع المدرس وان الكلية لها عميد ذو شان كبير جدا لايمكن الحديث معه واكد لى ذلك اخى (كلية التجارة جامعة القاهرة )والذى قال لى ان العلاقة بينك وبين الدكتور مجرد الحضور فى ميعادك وسماع المحاضرة .

    ودخلت الكلية ووجدت شى اخر وجدت ان الدكتور يتعامل معنا بصورة مباشرة وقف معنا بعد المحاضرة ونتناقش ويمكن ان نتحدث فى اشياء اخرى خارج المحاضرة وان الدكتور مع مرور الوقت اصبح يعرفنا طالب طالب بالاسم وذلك فى اطار علاقة احترام بين الطالب والاساتذ .
    كذلك عميد الكلية الذى يقف معنا فى اى وقت وفى اى مكان ويتناقش معنا بصورة دائمة عن مشاكلنا داخل الكلية كما يشاركنا فى اليوم الرياضى ويلعب معنا الكرة فى ملعب المدينة الجامعية كل ذلك فى اطار علاقة يصاحبها كل الود والاحترام والحب المتبادل بين الطالب والاستاذ
    كذلك المعيدين داخل الكلية يتعاملوا معنا كاخوة كبار ينصحونا باستمرار ويضعونا على الطريق الصحيح .

    كما نتعامل داخل الكلية بحكم جلوسنا اليوم كله بها مع عمال النظافة ورجال الامن وشئون الطلبة والاداريين والمشرفين على المكتبة والمعامل فنتقابل معا فى المسجد ونصلى صفا واحد فنعرفهم واحد واحد وهم يعرفونا ايضا لدرجة ان اى احد غريب يدخل الكلية يعرفه رجل الامن جيدا .

    كما يتعامل الطلابه مع بعضهم البعض فيعرف طالب الفرقة الثالثة جميع الطلاب فى المرحلة التى بها وايضا فى جيع السنوات السابق والتالية له فالطلاب يعرفون بعض جيدا من طالب الفرقة الاولى الى طالب الفرقة الخامسة .


    - كيف تاثرت شخصيتى بالكلية وما العوامل التى ساعدت على ذلك ؟

    اصبحت اجيد التعامل مع الناس كلهم بجميع الاعمار والمهن المختلفة والمستويات الاجتماعية المختلفة وساعد على ذلك تعملى فى الكلية مع جميع فئات المجتمع طوال اليوم كما ذكرت سابقا . كما اقوم اثناء الدراسة بعمل مسح عمرانى لمناطق مختلفة اتعمل فى تلك المناطق مع الناس واخرج منهم بمشاكلهم اليومية والمعشية اثقلتنى تلك الدراسات بالسهولة والجراءة فى التعامل مع الناس وكانت تلك الدراسات فى مادة تاريخ ونظريات عمران 1 الجزء العملى ،ومادة نظم العمران ومادة عمران ومعمار محلى 2 عند تصميم استراحة.

    كما جعلتنى الكلية أطلع على جميع المجالات على الساحة المصرية والعالمية من اقتصاد وسياسة ورياضة .............الخ .لان علم التخطيط يتعلق بتلك المجالات جميعها واخذ تلك المعلومات عن طريق النت اوالتلفزيون بمشاهدة البرامج كبرنامج البيت بيتك اوبرنامج العاشرة مساء والذين يتعرضون لكافة الاحداث التى تحدث على الساحة المصرية والعربية والعالمية ويستضيفوا اساتذة فى كفة المجالات نستفيد من خبراتهم .

    كما نزعت الكلية من داخلى بعض السلبيات التى كانت تتراكم بداخلى من التعليم داخل المدراس المصرية كالاعتماد الكلى على المدرس والكتاب المدرسى وملخصات الاستاذ والحفظ والتلقين فاصبحت اعتمد على نفسى اعتماد كلى فلا يوجد كتاب مخصص فيجب ان احضر المحاضرة وادونها وادخل المكتبة لاكمل المعلومات عن الموضوع الذى عرضه الاستاذ كما تعتمد الكلية بشكل اساسى على المشروعات العملية ، كما نزعت من داخلى الخوف من السؤال والمناقشة من خلال مناقشة المشروعات بشكل مستمر وعرضها امام كبار الاساتذة.

    كما تعلمت مهارات اخرى لم اكن اتعلمها قبل دخولى الكلية كالحاسب الالى والتعامل معه فلم اكن اعرف كيف يفتح جاهز الحاسب الالى قبل دخولى الكلية اصبحت خلال عامين من دخولى الكلية ان اتعامل جيدا مع الجهاز واعمل على جميع انواع البرامج بطريقة جيدة.

    [FONT=&quot]تعلمت ايضا مدى اهمية المكتبة فى حياتى بعد ان كانت المكتبة من واجهة نظرى ايام المدرسة عبارة عن مجموعة قصص بها حكايات مسلية فعند دخولى الكلية عرفت مدى خطورة واهمية المكتبة والكتاب فى تلقى العلم لدرجة انها عندما تغلق نشعر بالاحباط ونرجوا ان تفتح وقت كبير من الوقت

    [/FONT]
    5– تقيم للمواد التى دراستها ومدى الاستفادة منها كمخرجات (الفرقة الاولى – الثانية – الثالثة التيرم الاول) .

    ( مواد ونظم الانشاء: وهى تهتم بالقيام بعمل الرسومات التنفيذية الكاملة للمبنى وقد قمت بعمل مشروع كامل فى نهاية المادة لاحد الفيلل السكنية يحتوى على لوحات مساقط افقية – واجهات – قطاعات- لوحات صرف صحى وصرف مطر ولوحات كهرباء)

    ( تعبير واظهار : وهى تهتم باظهار اللوح المعمارية وفيها القيام بعمل المناظير المعمارية والظل للمبانى كما تهتم بتعليم استخدام الادوات الهندسية والرسم الحر جيدا)

    ( المساحة الارضية : التعامل مع الخرائط ومقاييس الرسم المختلفة ونقاط الاحداثيات واستخدام جهاز التدوليت كما درسنا المساحة الجوية وعرفنا كيفية اخذ الصورة الجوية ومعرفة برنامج GPSوبرنامج GIS)

    ( الحاسب الالى : تعلم العمل على الحاسب الالى من البداية حتى تعلمنا برامج word ,excel و برنامج الاتوكاد 2D)

    (اللغة الانجليزية : وهى مادة مكملة نتعلم فيها بعض المصطلحات التخطيطية باللغة الانجليزية )

    (نماذج وتحليل رياضية : التعامل مع المعادلات والنماذج الرياضية المختلفة )

    ( نظريات معمار (1) ، (2) : الجزء الاول منها تعلم الخطوات التى تمر بها العملية التصميمية بداية بمقابلة العميل والتعرف على الموقع حتى الانتهاء من العملية التصميمية وتعلم الطرق المختلفة للتصميم ، الجزء الثانى معرفة العصور المختلفة التى مرت بها العمارة بداية بالعصر الفرعونى الى العصر الحديث والعمارة التفكيكية ومعرفة خصائص وسمات عمارة كل عصر ومميزاتها )

    (عمران ومعمار محلى (1) ، (2) : تعلم التصميم Design بداية بالمبانى السكنية وقد قمت باعداد مشروع لتصميم فيلة سكنية مرورا بتصميم المدارس والكافتريات ثم قمت بعمل مشروع تصميم استراحة على طريق سريع)

    (جغرافيا عمران :معرفة نظريات مختلفة لتوزيع الخدمات على التجمعات العمرانية والتطبيق العملى على احد مدن ومراكز الجمهورية)

    (جغرافيا سكان : التعرف على خصائص السكان الاجتماعية والاقتصادية ومعدلات نمو السكان والزيادة الطبيعة ومصادر التعداد والبيانات المختلفة وكيفية اعدادها والتطبيق العملى على احد مراكز الجمهورية ).





    (انسان وبيئة 1,2 : تعلمنا علاقة الانسان بالبيئة المحيطة وتاثر المسكن بالظروف الطبيعية والمناخية التى يوجد فيها ودرسنا حالة البيوت الاسلامية وتاثرها بالظروف المحيطة حولها , كما تعرفنا على الدراسات التى تحدث فى الموقع لاختيار موقع معين او لتقيم موقع معين لانشاء مدينة مثل الدراسات المناخية والحياة الحيوانية والنباتية ودراسات الطبوغرافيا والميول والرياح .........الخ )

    ( تصميم عمرانى :التعرف على مفاهيم الادراك المختلفة للحى البصرى ومعرفة عناصر الصورة الذهنية للمدينة 6 elements والتطبيق على احد الاحياء فى مشروع عملى ( الصورة الذهنية لحى السيدة زينب ، كما دراسنا الفراغ الخارجى والتحليل الكامل لجميع عناصره ومواضع القوة والضعف فيه .التطبيق عملى على احد الفراغات بالهرم)

    (شبكات نقل وحركة : معرفة عناصر الطرق المختلفة واختلاف دراجات الطرق ووظيفة كل طريق وسرعته والتصميم الهندسى له والتقاطعات والمنحنيات والمحطات مع التطبيق على مشروع للقرى القائمة والمقترحة,كما تعرفنا على مبادى واسس تصميم المطارات من حيث اختيار الموقع والتوجيه والعناصر الحاكمة للعمران مع التطبيق على مشروع


    ( تنمية اقليمية 1:عمل دراسات على احد اقاليم المدن والخروج من الدراسات العمرانية والسكانية والخدمات بمؤشرات ونقوم بعمل بدائل ونقيم تلك البدائل واختيار البديل الامثل ونقوم بعمل المخطط الذى يحتوى على برنامج الخدمات واحجام السكان واحجام التجمعات والقاعدة الاقتصادية وتدرج الطرق وتوزيع الادوار للقيام بدور تنموى......... الخ .)

    ( تربة واساسات : التعرف على انواع التربة المختلفة والمشاكل التى تسببها وكيفية معالجتها وتصنيف التربة ومكونتها ومعرفة انواع الاساسات المختلفة ومتى يستخدم كل نوع وعمق ونوع الاساس المناسب والتعرف على الجاست بانوعها )

    ( اقتصاد عمران : مناقشة المشاكل العمرانية بصورة اقتصادية كارتفاع سعر الارض والعرض والطلب ومشاكل نقل العاصمة وما يترتب على ذلك ومشكلة الفقر الحضرى ومعرفة كيف نشات التجمعات العمرانية )

    [FONT=&quot]( نظم العمران : معرفة الانماط المختلفة للنسيج العمرانى وتدرج شبكات الطرق وتدرج الخدمات والاسكان والفرق بين الحضر والريف والتطبيق على احد احياء القاهرة كالمهندسين [/FONT]


    6- عيوب ومميزات الكلية
    اولا : العيوب
    الضغط الشدشد على الطلبة فى كمية التسليمات والشغل فلا نجد راحة اثناء الدراسة حتى اننا لاناخذ اجازات تقريبا .
    عدد الطلبة يزيد فى الكلية كل سنة عن السنة التى تسبقها وبالتالى تقل فرصة الطالب فى سؤال الاستاذ والنقاش معه فكان عدد الطالبة الذين يلتحقون بالكلية 50طالب اصبح 250 طالب اى زاد الى الضعف .
    عدم وجود وقت كافى لممارسة نشاطات اخرى بصورة كبيرة فيوجد نشاطات داخل الكلية كالجمعيات العلمية والمسرح والرياضة ولكن يتم ذلك فى صورة ضعيفة وذلك لضغط الشغل الدائم داخل الكلية وياتى هذا الضغط لان علم التخطيط علم له علاقة بجميع العلوم لذلك ياخذ وقت فى دراسته.
    عدم معرفة الناس بالكلية فعنما اقول لاحد كلية تخطيط عمرانى يقول لى هندسة يعنى فلا يعلم الناس عن الكلية اى شئ
    ثانيا : المميزات
    العلاقات التى ذكرتها من قبل بين الطالب واعضاء هيئة التدريس والعمال وجميع الطلبة فى الفرق الاخرى
    عدم وجود كتاب دراسى لاى مادة وهذا يميزها عن معظم الكليات الاخرى فهذا يجعل الطالب يعتمد على البحث والاطلاع
    دراسة المادة العلمية بصورة صحيحة وجيدة
    التطبيق العملى على كل حالة دراسية ندراسها بمشروع
    الالتزام فى مواعيد المحاضرات
    الاطلاع على مجالات الحياة المختلفة التى تفيد فى التخطيط كالسياسة والاقتصاد والرياضة

    - مؤشرات اثبتت لى انها كلية تستحق الاحترام
    عندما اتيت اجازة الصيف للفرقة الثانية وذهبت الى احد مكاتب العمارة والديكور لاقوم بالتدريب فيه اثناء الاجازة الصيفية كان المهندس الاستشارى الذى اتدرب فى مكتبه مبهور بكمية المعلومات التى عرفتها عن العمارة ولم يصدق انى قد تعلمت ذلك خلال سنتين فقط فعندما كان يتحدث عن اى مشروع يجدنى اشترك معه فى المناقشة فكان يسالنى كثيرا عن الكلية والمواد التى دراستها خلال السنتين .
    كما شعرت بفخر شديد بانى فى تلك الكلية عندما كنت اجلس فى مكتب به مهندس معمارى ومهندس موقع ومهندسة فنون جميلة قسم ديكور وكنت انا الوحيد فى كلية تخطيط ولسه فى سنة ثانية ولم اقل عنهم شى رغم خبرتهم السابقة وتخرجهم ان احدهم كان ياخذ راى باستمرار فى الشغل فكان ينقصنى خبرة العمل فقط ، ثم انتهت الاجازة وبدات الدراسة وانا
    شديد الفخر والاعتزاز بتلك الكلية .

    :yasser-atrees (207):yasser-atrees (207):yasser-atrees (207):yasser-atrees (207):yasser-atrees (207):yasser-atrees (207):yasser-atrees (207):yasser-atrees (207):yasser-atrees (207)


    ارجو ان اكون قد وفقت فى ان اتحدث بكل موضوعية عن الكلية وتعريفها وارجوا ان تسامحوا اخطائى لانى كنت ساعتها لسه فى سنة تانية وارجوا ان تعم الفائدة بهذا الموضوع او البحث الذى وودت ان اكتبه حينها حبا فى الكلية ورغبتا فى فعل شئ ولو بسيط عن الكلية





     
    bedo2050 ،ahmed ebrahime و اسراء فتحى معجبون بهذا.
  2. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    نظام الدراسة الجديد الساعات المعتمدة

    دى ملفات مهمة هتفيد جدا الطالب الجديد فى الكلية يجب ان يقرائها جيدا

    تحتوى الملفات على لائحة الكلية الجديدة بتاعت الساعات المعتمدة ونظام الدراسة وكمان استمارات اختيار المواد واستمارات التظلم وحاجات تانية تخص الطلبة الى اتطبق عليهم النظام الجديد

    عفواً ، يجب عليك التسجيل اولاً لمشاهدة الروابط . عفواً ، يجب عليك التسجيل اولاً لمشاهدة الروابط . عفواً ، يجب عليك التسجيل اولاً لمشاهدة الروابط .
    عفواً ، يجب عليك التسجيل اولاً لمشاهدة الروابط .
    [/عفواً ، يجب عليك التسجيل اولاً لمشاهدة الروابط .
    ]عفواً ، يجب عليك التسجيل اولاً لمشاهدة الروابط .
    ]عفواً ، يجب عليك التسجيل اولاً لمشاهدة الروابط .
    عفواً ، يجب عليك التسجيل اولاً لمشاهدة الروابط .
     
    آخر تعديل: ‏22 أغسطس 2009
    أعجب بهذه المشاركة اسراء فتحى
  3. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    جميل جدا يابدوى والله وكلام يفتح النفس بالنسبه للى لسه داخلين ..

    اما الناس القديمه فكل واحد خلاص عنده الfeed back الخاص:D

    هو الملفات فيها ايه ؟
     
  4. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    اولا تحياتي الخااااااااالصه ليك يا بدووووي

    بجد تسلم ايدك على كل كلمة كتبتها مش لحاجه

    الا لانها بجد واضحه ومباشره وجبت الخلاصه يا هندسه .


    ثانيا..........

    انت فاضل تضيف نظام الايحه الجديد لموضوعك متهيقلي
    اللي رفعته عالمنتدى

    واتمنى اتمنى.....ان الموضوع يتثبت باذن الله


    مع اني مش من الكلية......بس شوقتني ليها

    تسلم ايدك........رمضااااان كريم

    :yasser-atrees (348):yasser-atrees (348):yasser-atrees (348):yasser-atrees (348):yasser-atrees (348)


    وااااااضح ان ردي اتأخر......بس مش هغيره


     
  5. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    انا ضايف الليحة الجديدة فى الروابط علشان هى ملفات pdf
     
  6. دعاء عبد الباري

    دعاء عبد الباري

    إنضم إلينا في:
    ‏5 أكتوبر 2007
    المشاركات:
    1,073
    الإعجابات المتلقاة:
    6
    نقاط الجائزة:
    38
    الوظيفة:
    طالبة
    شكرا جدا ليك يا بدوي لكتابتك المعلومات دي عن الكلية وانت فعلا وفقت في نقل كل حاجة عن الكلية ابتداءا باليوم الدراسي لغاية المعلومات اللي بنستفدها من المواد اللي بندرسها
     
  7. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    أنا جايب دلوقتى 382 و أنا محتار جدا و أنا مش عارف أختار مابين كلية التخطيط العمرانى وما بين الهندسة الكترونية منوف أرجو الرد من فضلكم و أنا كنت عايز أعرف حاجة هو دلوقتى خريج كلية التخطيط العمرانى يقدر يشتغل زى المهندس المعمارى فى الشغل يعنى مثلا لو واحد دلوقتى مثلا عايز يعمل عمارة ينفع يروح لمهندس التخطيط العمرانى ولا لأ
     
  8. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    ايوا يا مينا احنا بنطلع من الكلية نعرف نشتغل الشغل بتاع عمارة وهتعرف تصممها وتنفذها كمان ولو اقريت الكلام الى انا كتبه فوق بتاع المواد الى درسنها هتعرف ان كلامى صح

    احنا بنعمل عمارة زى ما انت عاوز وناس كتيير بتطلع من الكلية تشتغل الشغلنة دى بس الناس الشطرة الى بتتخرج من الكلية بتشتغل فى حاجات اكبر من كده بكتيير يعنى بتشتغل مثلا فى تخطيط مدينة جديدة زى 6 اكتوبر او بتشتغل فى تصميم القرى السياحية والحاجات دى

    وبعدين بخصوص الشغل متخفش الى بيتخرج من كليتنا بيشتغل انشاء الله
     
    آخر تعديل: ‏23 أغسطس 2009
  9. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    طيب معلش أنا كنت عايز أعرف دلوقتى أنا دلوقتى أختار كلية التخطيط العمرانى ولا أختار كلية الهندسة الالكترونية عشان أنا محتار جدا فى الموضوع دة ومش عارف أختار يعنى أية الاحسن فى المستوى و مجال الشغل و كدة يعنى معلش رد عليا يا بدوى عشان الوقت عندى ضيق جدا عشان التحويل و كدة يعنى أنا مستنى ردك و شكرا على الرد اللى أنت رديتة عليا
     
  10. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    طب خلينا معاك وحدة وحدة
    اولا انت من سكان القاهرة ولا الاقليم يعنى لو انت من القاهرة او الجيزة هتكون الكلية بتاعتنا احسنلك

    ثانيا واهم انت عاوز تبقى مهندس ايه عمارة ولا اتصالات ولا كهرباء ولا الكترونيات

    لو انت عاوز تبقى مهندس معمارى وتبقى فى كلية هندسة قسم عمارة بنصحك برده تخش كليتنا لان خريجينا بيبقوا متماكنين عنهم وده بشهادة دكترة العمارة الى بيدرسوا عندنا

    لو انت مش غاوى تبقى مهندس معمارى وعاوز اى حاجة تانية ممكن تخش هندسة الكترونية وتجيب تقدير كويس اول سنة فى اعدادى وبعدين تحول فى اى هندسة تانية وتخش القسم الى انت عاوزه بس دى هتبقى مجذفة لان مش سهل تجيب فى هندسة الكترونية جيدا جدا او امتياز فى اعدادى

    انما كليتنا لو خشتها هتبقى خلاص اتجوزت العمارة جواز ابدى لا راجعة فيه يعنى لاما تكمل فى الكلية علطول لاما تحول برده بعد اول سنة هندسة قسم عمارة فقط

    ثالثا بتحب تدرس بالعربى ولا الانجليزى لو انجليزى يبقى الكترونيات احسن لان مينفعش تدرس غير بالانجليزى بينما كليتنا الدراسة فيها بالعربى وقليل الانجليزى الى فى بعض المواد

    فى الاخر لو انت فى دماغك حاجة معينة زما اقلتلك يعنى نفسك تبقى مهندس اتصالات مثلا ومصمم خش الكترونية واجتهد علشان توصل لهدفك

    لو انت مش فى دماغك حاجة معينة ومحتار بين الكترونية وعمارة
    اولا المستوى مينفعش نقارن لان ده مجال وده مجال تانى خالص
    مجالات الشغل احنا شغلنا بيبقى فى مكاتب العمارة والتخطيط ودى منتشرة فى كل مكان واكتر الناس بتشتغل فيها
    او فى الهيئات الحكومية زى هيئة المجتمعات العمرانية هيئة المساحة والهيئة العامة للتخطيط العمرانى والوزرات زى وزارة الاسكان والمجتمعات العمرانية والمرافق والخدمات او فى المحليات والوحدات المحلية

    وزما اقولت ابقل كده الى اتقلى من عميد كليتنا انه مفيش واحد لغيت دلوقتى طلع من الكلية ومشتغلش

    مجالات الشغل بتاعت الكترونية ولونى معنديش خبرة فيها بيتيقلى فى شركات التلفيزونات والتلاجات والحاجات بتاعت جولدى والعربى بس مش عاوز افتيلك فيها

    بس اخيرا لازم يبقى ليك ميول معينة عمارة او الكترونية وانا اقلتلك الى اعرفه ومش عاوز احجب على رايك واختيارك يعنى لازم يبقى ليك راى يعنى انا من وانا صغير الى كان يسالنا عاوز تبقى ايه اقوله مهندس معمارى .

    فى حاجة نسيت اقولهالك برده فى الفرق بين كليتنا واى كلية عملية تانية ان الدراسة عندنا على اد ما هى مجهدة جدا بس سهلة اقوى ومفيهاش تعقيدات وده لان فى كليتنا مفيش كتب ودش ومعدلات وكده زى الكليات التنية يعنى الدراسة فى الكليات التانية اشبه بنظام الثانوية العامة بس مع الفرق ان فى الثانوية العامة فى مدرسين بتسعدك عندنا نظام تانى خالص
     
  11. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    هو أنا على فكرة أنا روحت هندسة الكترونية النهاردة هى الكلية حلوة لكن فى موقع مش كويس و أنا على فكرة أنا من القاهرة و أنا أحتمال بكرة أروح كلية التخطيط العمرانى عشان أنا كل شوية أروح عشان أخد فكرة عن الكلية دى هو أنت بتروح أمتى عشان أنا ممكن أققابلك بس قولى أنت رايح أمتى هو أنت فى سنة كام و بعدين أنا سمعت أنى أنا ممكن أحول الى كلية الهندسة لكن ممكن أحول الى قسم مدنى هل الكلام دة مظبوط ولا لأ
     
  12. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    معلش أنا بتعبك معايا
     
  13. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    معلش انا مش بروح الكلية فى الاجازة علشان مشغول فى حاجات تانية وانا كل الى ممكن كنت اقولهلك لو اقبيلتك مكتوب فى الموضوع بكافة التفاصيل وبعد متقرا الموضوع افتح الملفات المرفقة واقراها لو عملت كده هتبقى عارف معلومات عن الكلية اكتر من ناس موجودة فيها علشان الليحة الى فى الملفات دى لسه جديدة معمولة 2008 وبخصوص التحويل لمدنى الى متاكد منه وشوفت صحابى عملوه انهم حولوا قسم عمارة بس حوار مدنى ده اقول مرة اسمع عنه وبيتيقلى مينفعش بس لو عاوز تتاكد اكتر اسال بتوع شئون الطلبة
     
  14. mena sarwat

    mena sarwat New Member

    إنضم إلينا في:
    ‏31 يوليو 2009
    المشاركات:
    20
    الإعجابات المتلقاة:
    0
    نقاط الجائزة:
    1
    معلش أنا مضايقك فى الموضوع دة أنا دلوقتى روحت هندسة الكترونية منوف زيارة النهاردة و أنا كنت عايز أعرف أنت فى سنة كام دة أول حاجة وتانى حاجة أنا كنت عايز أشوفك عشان أعرف منك كل حاجة عن الكلية دى أنا أحتمال أروح الكلية بكرة و أنا على فكرة أنا من محافظة القاهرة وعشان كدة أنا متردد فى دخول كلية الهندسة الالكترونية وياريت ترد عليا قريب يا بشمهندس بدوى
     
  15. nosa

    nosa

    إنضم إلينا في:
    ‏23 أغسطس 2009
    المشاركات:
    100
    الإعجابات المتلقاة:
    2
    نقاط الجائزة:
    18
    طب انا عندي استفسار .. دلوقتي انا اتقبلت في كلية فنون تطبيقيه و عملت تحويل لكلية تخطيط عمراني ممكن اتقبل فيها ولا لا .. على فكره انا جايبه 381 و ده الحد الادنى للكليه السنادي .. و عايزه اعرف هي الكليه دي ممكن اجيب فيها امتياز ولا الموضوع ده صعب ......... معلش انا اسالتي كتيره
     
  16. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    انا رايح سنة خامسة اخر سنة .

    وبعدين انا مش مضايق ولا حاجة بس انا بجد ظروفى الصبح بتبقى وحشة ومفضاش خالص غير باليل

    واقولتلك بجد مش هتلقى حد يقولك معلومات ولا هتحصل على معلومات عن الكلية فى الوقت ده اكتر من الكلام بتاع تعريف الكلية فى اول الموضوع وكمان الفيلات بتاعت الليحة الجديدة

    حتى لو رحت الكلية وسالت بتوع شئون الطلبة مش هيزودولك معلومة عن الى انا كتبه

    معلش انا عارف انك محتار وخاصة ان الكلية بتاعتنا مجهولة والى يعرفها اقليلين اقوى وكلنا كان دخلنها فى الاول كده ومش فهمين حاجة يمكن انت دلوقتى عارف عننا زمان علشان الاول مكنش فى منتدى زى ده

    بس انا متاكد بما انك بتسائل ومهتم كده لو خلت الكلية هتحبها اقوى وهتبقى سعيد انك دخلتها وان ربنا رزقك بيها
     
    آخر تعديل: ‏24 أغسطس 2009
  17. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    ايوا اقدم جيبه مجموع الكلية محدش يقدر يقولك مش هتتقبلى خلاص اقدام حولتى وجيبه مجموعة اعتبرى نفسك دخلتيها .

    ثانيا : ايوا الكلية ممكن تجيبى فيها امتياز كل الحكاية انك تجتهدى وتسلمى كل الى يقولولك عاليه وتحضرى هما اقليلين الى بيجيبوا امتياز يعنى بيبقى 1 او 2 او 3 بالكتيير من كل دفعة

    لو عاوزة تتاكدى اتفرجى على نتيجة سنة اولة الى اقبلك هتلقى ناس جايبه امتياز هتلقى النتيجة فى المنتدى
     
  18. bedo2050

    bedo2050 New Member

    إنضم إلينا في:
    ‏9 يوليو 2009
    المشاركات:
    1
    الإعجابات المتلقاة:
    1
    نقاط الجائزة:
    3
    الوظيفة:
    accountant
    الإقامة:
    egypt
    واكد لى ذلك اخى (كلية التجارة جامعة القاهرة )والذى قال لى ان العلاقة بينك وبين الدكتور مجرد الحضور فى ميعادك وسماع المحاضرة .
    يا جامد يا شديد يا حودة ايه الابداع ده عايزين نشوف حاجات من دي كتير
    مع كل حبي واحترامي وتقديري وتمنياتي القلبية بالشفاء والتفوق يا بدوووووي
     
    أعجب بهذه المشاركة بدوووى
  19. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    شكرا يا باشا يا احسن اخ وعوزين نشوفك علطول فى المنتدى
     
  20. nosa

    nosa

    إنضم إلينا في:
    ‏23 أغسطس 2009
    المشاركات:
    100
    الإعجابات المتلقاة:
    2
    نقاط الجائزة:
    18
    هي ايه المواد اللي هندرسها في الفرقه الاولى ان شاء الله؟
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License