1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

قصيده كلب الست لاحمد فؤاد نجم

الموضوع في 'قسم الشعر' بواسطة snow white, بتاريخ ‏5 فبراير 2009.

بحث جوجل فى المنتدى

  1. snow white

    snow white

    إنضم إلينا في:
    ‏2 فبراير 2009
    المشاركات:
    317
    الإعجابات المتلقاة:
    0
    نقاط الجائزة:
    16
    قصيدة كتبها ساحر العامية وعصفور السجون لما كلب الست ام كلثوم سيدة الغناء العربى عض واحد من العامة واتجنن فى عقله وراح عمل محضر للست ام كلثوم وياعينى عليه وعلى اللى جراله ايامها الدنيا انقلبت عليه والحكومة بهدلته
    فى الزمالك من سنين
    وف حما النيل القديم
    قصر من عصر اليمين
    ملك واحدة من الحريم
    صيتها اكتر م الادان
    يسمعوه المسلمين
    والتتر والتركمان
    والهنود والمنبوذين
    ست فاقت ع الرجال
    فى المقام والاحترام
    صيت وشهره وتل مال
    يعنى فى غايه التمام
    قصره يعني هى كلمة
    ليها كلمه فى الحكومه
    بس ربك لجل حكمه
    قام حرمها م الامومه
    والامومه طبع ثابت
    جوه حوا من الزمان
    تعمل ايه الست جابت
    فوكس رومي وله ودان
    فوكس دا عقبال املتك
    عندة دستة خدامين
    يعنى مش موجود فى عيلتك
    شخص زية يا اسماعين
    واسماعين دا يبقى واحد
    م الجماعة التعبانين
    اللي داخوا فى المعاهد
    والمدارس من سنين
    حب يعمل واد فكاكة
    يمشي حبة فى الزمالك
    والقيامة والفتاكة
    يرموا طبعا ع المهالك
    عم سمعة من قيامتة
    حب يعمل فيها فلة
    بعد ما الوظ بيجامتة
    اشترى حتة مجله
    قول مشي يقرا فى حكاية
    من حكايات الغرام
    واندماجة فى القرايه
    خلا مشيه مش تمام
    ع اليمين يحدف بعيد
    خطوتين ويروح شمال
    لمحه فوكس من الحديد
    قال دا صيد
    سهل حلال
    هب نط فى كرشه دوغري
    جاب بيجامته لحد ديلها
    اسماعين بدال ما يجري
    قال يا رجلي
    رجلى مالها ؟
    بص شاف الدم سايح
    من عاليها ومن واطيها
    وياللى جاي
    وياللي رايح
    المجله مش لا قيها
    حبه واتلموا الظنايا
    اللى هما البوابين
    والحكايه والروايه
    قال لهم
    دا كلب مين؟؟
    كلب مين !!
    ما كلب مينشى
    سمعه لبخ حبتين
    قال واحد منهم
    امشى
    اللى جابك عنده مين؟
    قال دا شارع يا مواشي
    والجميع بيمر منه
    اللى راكب
    اللى ماشى
    مستحيل نستغنى عنه
    كلمه من دا
    وكلمه من دا
    ظاطو واترسمت فضيحه
    قول نهايته
    القصد من دا
    اسماعين اكل الطريحه
    راحو قسم الشرطه طبعا
    والنيابه كفيله بيهم
    واترموا فى الحجز جمعا
    لما ييجي الدور عليهم
    حبة والشاويش امين
    قال : سعيد النقشيندي
    قام غريم عم اسماعين
    قال له:
    محسوبك يا افندي
    قام سي سمعه
    يروح معاه
    الشاويش قال :
    غور بدمك
    راح تعوصنى
    وفوق قفاه
    كف طرقع
    داهيه ف امك
    تفتكر يفضل سي سمعه
    قد ايه فى القسم نايم ؟
    استضافه الحجز جمعه
    يا بلاش
    ادي العزايم
    شاف بلاوي
    ما تتحكيش
    م الديابه المسجونين
    قال يا عالم
    يا شاويش
    يا نيابه
    يامسئولين
    خلصوه بعد المناهده
    جثه من جحر الديابه
    هى يمكن ساعه واحده
    كان فى مكتب النيابه
    قال له مالك يااسماعين
    قال لة زي البمب ... مالي ؟
    قال له عضك فوكس فين
    قال له سيبنى اروح لحالي
    انت شوف سي فوكس يمكن
    خد تسمم
    غصب عني
    الوكيل قال برضة ممكن
    والشاويش
    قعد يغنى
    انت فين والكلب فين
    انت قدة يا اسماعين
    طب دا كلب الست يا ابني
    وانت تطلع ابن مين
    بشري لصحاب الديول
    واللى له اربع رجول
    بشرى لسيادنا البهايم
    من جمايس او عجول
    اللى صاحبه يا جماعه
    له غناوي
    فى الاذاعه
    راح يدوس فوق الغلابه
    والنيابه .. بالبتاعه

     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى snow white...
    ننتظر منك المزيد من المواضيع ياsnow white...
    حفظك الله اخىsnow white...
     
  3. دعاء عبد الباري

    دعاء عبد الباري

    إنضم إلينا في:
    ‏5 أكتوبر 2007
    المشاركات:
    1,073
    الإعجابات المتلقاة:
    6
    نقاط الجائزة:
    38
    الوظيفة:
    طالبة
    مشكووووووووورة جدا علي القصيدة
     
  4. Memo2010

    Memo2010

    إنضم إلينا في:
    ‏20 ديسمبر 2007
    المشاركات:
    477
    الإعجابات المتلقاة:
    0
    نقاط الجائزة:
    16
    الوظيفة:
    انسان يعيش ويتعايش
    الإقامة:
    مصراوى
    شكرا جدا جدا على القصيده الرائعه دى
    :yasser-atrees (348):yasser-atrees (348):yasser-atrees (348):yasser-atrees (348)
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License