1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

قزقزة لب.......يااااااارب

الموضوع في 'منتدى الحوار العام' بواسطة crazyman125, بتاريخ ‏11 يوليو 2009.

بحث جوجل فى المنتدى

  1. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    السلااااامو عليكم جميعا
    الدنيا حر والقعده فالبيت كتمه وتعب على الفاضي
    رنا نخرج ونقعده فحته مليانه هوا
    مفيهاش حيطان تجيب صهد وتحررنا على
    معانا فالقعده
    لب سوبر ولب ابيض
    وكمان لب خشب
    ولو مبتحبش اللب معانا المكسرات والسوداني كمان
    يعني محدش ليه حجه كل اللي هيتقزقز موجود كل انواع التسالي
    واللي عايز يجيب حاجه تاني معاه وهو جاي يجيب مش مشكله
    وعشان نتسلى لازم نتكلم وهنرغي من هنا للصبح......
    عايزين نتكلم فحاجه وندردش فيها ادينا بنتسلى
    لحد ما اللي معانا
    يخلص وتنفض القعده ونتفق علىمعاد تاني

    هااااااااا حد معايا فالقعده دي ولا محدش جاااااااااااااي؟!؟!؟!؟

     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى crazyman125...
    ننتظر منك المزيد من المواضيع ياcrazyman125...
    حفظك الله اخىcrazyman125...
     
  3. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    .......
    طب وهنتكلم فايه ؟!؟!؟
    كل واحد هيقول موضوع كل مره نحاول نتكلم فيهمش مهم ايه الموضوع ولا عن ايه....المهم اننا منبطلش قزقزة لب ولا قرمشةسوداني و
    طيب خلينا نبدأ كده لما نشوف مين اللي معايا فالموضوع ده

    وانا بقى هبدأ قزقزة لب ابيض اصلي بحبه جدا جدا وكمان من صغري مبعرفش اقزقز اللب السوبر اصل انا كنت بسفه مره واحده كده ده حتى كان ممنوع دايما عليه واول ما والدتي تشوفني ماسك لب سوبر كانت بتاخده مني فاتجهت للب الابيض اللي عرفت اقزقزة وادمنته من ساعتها كتير اوي....


    ...............ماااااااااااعلينا

    ........انا بقى عندي موضوع وداوشني اوي وعمال افكر فيه كتير

    هو ينفع زي ما بيتقال كده العبارة دي......

    انا مصاحب ولادي ولا انا مصاحبه بناتي



    ويجي بقى الاب ولا الام تقول انا مبتعاملش مع ولادي بالامر والنهي لا اناخليتهم ياخدوني صاحب ولا صاحبه ليهم يحكولي ويتكلموا معايا ومبيخبوش حاجهعليا خالص .....اصل احنا صحاااااااااب





    طب انا عايز حد بس يفهمني هو الكلام ده هو مصدقه ولا لا....وبيحصل ولالا؟!؟!.....يعني انتوا حاسيين بيه فعلا انه حقيقي وانه ممكن ولا ده مجردكلام بيتقال زي اي كلام وخلاص.......






    ده العنوان بتاع القعده المرادي.......



    ((الاهل ينفعوا يكونوا اصحاب لولادهم؟!؟!))




    يترى مين هيقزقز ولا يقرمش ومين هيشارك............

    هاااااااااااا سمعونا صوتكوا..........


    الموضوع ده طلع عيني على ما عملته.....بقالي يومين بعمله....لما نشوف............
     
  4. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    انا بس جاية اعلن انضمامي لقعدة القزقزة

    فكرة هايلة يا احمد ..

    قزقزوا براحتكم .. راجعالكم تاني
     
  5. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    منوره فالقعده سعتك....اتفضلي هو المكان لسه فاضي ........بس مقلتليش هتاخدي ايه لب ابيض ولا سوبر ولا ايه؟؟؟؟

    ولا يمكن ليكي فالمكسرات والفول السوداني........هاااااااااا.....
     
  6. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    انا شايفه انو ممكن يحصل ليه لأ يعنى .. هو مش كتير بس موجود يعنى ...
     
  7. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    يا اهلا بيكي يا اسراء.........اتفضلي لب سوداني.....اي خدمه.......اتفضلي .........


    بخصوص بيحصل بقى وايه يعني دي.............


    خلينا نشوف كده............

    يعني ببساطه جدا جدا وبدون امثله هل الاب لو زي ما بيقول يعني انا مصاحب ابني ولا الام تقول انا مصاحبه بنتي....تقدر فعلا تعمل بالصحوبيه

    الصحوبيه يعني انصح صاحبي واتفاهم معاهم ونتناقش فاي موضوع مهما كان
    مش وقت ما الابن ما يقتنعش بكلام الاب او البنت متصدقش كلام الام او متنفزهوش يقلبوا بقى ويقولولك انا ابوك انا امك انا عارف مصلحتك ولازم تسمع كلامي ويبدأ استخدام السلاح اللي فايدهم وهو سلطة الابوه في انهم يفرضوا رايهم مهما كان عدم اقتناعنا او تصدقنا ليه لمجرد انهم شايفين اننا غلط ولسه صغيرين ومينفعش نفهم دلوقتي وانهم عارفين مصلحتنا....الخ الخ الخ

    هل بعد كده ينفع الاب فعلا يقول انه صديق ابنه وبيتعامل معاه من منطلق الصداقه


     
  8. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره


    انا شايفه ان لو مفيش عند من اى طرف ممكن نوصل لحل وسط ..

    اصل الناس مش واخده بالها من كل قواعد التعامل :: مركزه على اتنين بس منهم فى اى تعامل بيتم ::

    اربح ==> تخسر ..

    اخسر ==> تربح ..


    مع ان ينفع نطبق قاعده اكسب <==> تكسب ..

    ما اهو اكيد فيه حل وسط يرضينى ويرضيك ..

    مثلا لو اللى بيقترحه الابن ده معقول (( دينيا واخلاقيا )) بس فيه حته مخاطره كده ودى مثلا اللى مخوفه الاب ..

    ايه اللى بيحصل ::

    يااما الاب ينتصر بسلطته ويمنع ابنه ..

    يااما الابن يعند ويعمل اللى فى دماغه غصب عن عين الكل ..

    طب هو مينفعش نلاقى حل وسط ::

    مثلا الابن يعمل اللى هو عايزه باشراف الاب مثلامن بعيدكده لمجرد الاطمئنان بس

    ..او حاجه كده يعنى
     
  9. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    اولا اسف اني خرجت فجأه بس النت فصل عندي وعلى ما رجع بقى........

    مااااعلينا

    يارب ما تكوني خلصتي اللب بس...............
    طيب كويس في شويه لسه اهم.....
    امممممم.......

    كنا بنقول ايه بجا.........اه....افتكرت

    الاول واضح انك متأثره بصلاح الراشد جدا جدا ........

    ولا انا غلطان؟!؟!؟!

    مااااااعلينا.......

    بصي يا اسراء سيبك من كل الكلام النظري ده يعني كلامك كله صح وسليم ودي المفروض الخطوات اللي الانسان يتبعها فتعامله مع شخص بيكون ند ليه فحالة الحوار لان كل واحد بياخد جنب فالراي وبيدافع عنه

    كلامك كله سليم فالجزأيه دي.......

    بس للاسف احنا اولا بنتكلم على امر واقعي حقيقي بيحصل مش نظري ومينفعش نطبق عليه القواعد يعني....ولا ايه؟!؟!؟
    ثانيا......الكلام هنا على علاقة اب وابن او ام وبنت او العكس يعني ببسااااطه خالص حد مسيطر وحد متسيطر عليه.......طب ازاي؟!؟!؟

    ولنفترض انا والدي عرف اني بشرب سجاير(انا مبشربش على فكره لحد يقوم ولا حاجه) وجه كتر خيره زي الجدع كده وقعد يكلمني راجل لراجل ....وصاحب لصاحبه والحوار الغريب ده....وقعد يديني نصايح وازاي انت بتضر نفسك وانت بتمشي فسكه غلط ومش كل حاجه نشوفها نقلداه والكلام ده

    ولنفترض اني بعد كووووووول الكلام ده قلتله انا فاهم كلامك وحاضر هبطل سجاير(مطيع انا صح؟؟!؟!)
    بس انا بقوله كده عشان اصالحه يعني وخلاص وربنا يسهل يعني
    المهم....هو عرف اني لسه بشرب سجاير لسه .....يترى هيعمل ايه

    لو صديق....هيقعد معايا تاني ويكلمني تاني ويحاول يفهم....ويمكن كمان يمارس ضغط بس ده لو صديق بجد اساسا يعني انه لما اجي اشرب سجاير ولا حاجه يقوم من جنبي ويسيبني المهم انه مستحيل يجبرني يجي يمسك السجارة من ايدي ولا ياخد فلوسي ولا كده

    انما الاب بقى....ببساطه خالص....طالما انت مبتسمعش كلامي ملكش فلوس ولا في مصروف
    واي قرش هتخرجه بره لازم تقولي عايزه ليه ولو مش عاجبك شوفلك اب تاني..........انا متهيقلي الكلام بيكون كده.......

    هو ده الواقع يا اسراء الحقيقه اللي بتحصل........مش المفروض يحصل كذا وميحصلش كذا

    انا لسه بقول ان فكره ان ابويه او امي صاحبي او صحبتي دي مجرد كلمة وهميه ملهاش اساسا......
    هاااا رايك ايه؟!؟!؟.........ياريت اخد حبه مكسرات شويه لحسن اللب الابيض زهقني......هااااا
     
  10. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    اولا اسف اني خرجت فجأه بس النت فصل عندي وعلى ما رجع بقى........

    السايت كله كان واقع امبارح اصلا..

    الاول واضح انك متأثره بصلاح الراشد جدا جدا ........

    ولا انا غلطان؟!؟!؟!

    لا خالص انا مبسمعهوش من الاول ولا بقيت باسمع فى التنميه البشريه ..

    بصي يا اسراء سيبك من كل الكلام النظري ده يعني كلامك كله صح وسليم ودي المفروض الخطوات اللي الانسان يتبعها فتعامله مع شخص بيكون ند ليه فحالة الحوار لان كل واحد بياخد جنب فالراي وبيدافع عنه

    والله لو واحد منصف وعاقل وبيسمع كويس هتنازل عن رأيى ان لقيت الرأى التانى اصح وحجته اقوى هو مش تعصب للرأى وخلاص

    بس للاسف احنا اولا بنتكلم على امر واقعي حقيقي بيحصل مش نظري ومينفعش نطبق عليه القواعد يعني....ولا ايه؟!؟!؟

    ان الواحد هيتعلم حاجه ومش حيحاول يطبقها بلاش منه وجع الدماغ
    بقى ..


    ثانيا......الكلام هنا على علاقة اب وابن او ام وبنت او العكس يعني ببسااااطه خالص حد مسيطر وحد متسيطر عليه.......طب ازاي؟!؟!؟

    مش عارفه انت ليه واخد المواضيع كده ياكريزى دى حتى العلاقات بقت ابسط من كده شويه امال لو كنت موجود ايام زمان ايام ما كان الاب بقى هو الكل *الكل فعلا ولا صوت يعلو فوق صوته وفكره المناقشه دى مش مطروحه اصلا كتنت هتقول ايه ؟

    ولنفترض انا والدي عرف اني بشرب سجاير(انا مبشربش على فكره لحد يقوم ولا حاجه) وجه كتر خيره زي الجدع كده وقعد يكلمني راجل لراجل ....وصاحب لصاحبه والحوار الغريب ده....وقعد يديني نصايح وازاي انت بتضر نفسك وانت بتمشي فسكه غلط ومش كل حاجه نشوفها نقلداه والكلام ده

    ولنفترض اني بعد كووووووول الكلام ده قلتله انا فاهم كلامك وحاضر هبطل سجاير(مطيع انا صح؟؟!؟!)
    بس انا بقوله كده عشان اصالحه يعني وخلاص وربنا يسهل يعني
    المهم....هو عرف اني لسه بشرب سجاير لسه .....يترى هيعمل ايه

    ههههههههههههههههه
    يتهيألى ان فيه حاجه غلط ::
    بص ياكريزى :: انت فكرتنى بحديث السفينه

    قال رسول الله صلى الله عليو وسلم " مثل القائم على حدود الله والواقع فيها كمثل قوم استقلوا سفينة فاصاب بعضهم اعلاها واصاب بعضهم اسفلها . فكان الذين فى اسفلها اذا ارادو الماء مروا على من فوقهم . فقالو لو اننا خرقنا فى نصيبنا خرقاً ولم نؤذى من فوقنا ....... فلو تركوهم وما ارادو هلكوا وهلكوا جميعا . وان اخذوا على ايديهم نجوا وانجوا جميعا " صدق رسول الله
    يعنى ده واحد بيشرب سجاير اهو (( زى اللى بيخرم فى نصيبه خرم )) يقولك ما اهو بتاعى ..
    يسيبه بقى لما الموضوع يتطور اكتر من كده وغالبا مبتقفش عند السجاير .. ولا ياخد على ايديه ويحاول يقومه

    وبعدين خلى بالك اننتا قلنا الامور اللى هنتناقش فيها هتكون مش مخالفه دينيا ولا اخلاقيا دى اللى ممكن ناخد وندى مع بعض فيها .. وهو يتحرك شويه عن موقفه وانا اتحرك شويه وبكده الامور تمشى مش لازم ابدا ان حد ينتصر وحد ينهزم ..


    لو صديق....هيقعد معايا تاني ويكلمني تاني ويحاول يفهم....ويمكن كمان يمارس ضغط بس ده لو صديق بجد اساسا يعني انه لما اجي اشرب سجاير ولا حاجه يقوم من جنبي ويسيبني المهم انه مستحيل يجبرني يجي يمسك السجارة من ايدي ولا ياخد فلوسي ولا كده
    على فكره فيه درجات من الصداقه بتوصل النصيحه فيها لقوه ردع ..
    بس برضه ارجع واقول تبع الشخصيه نفسها هو مستعد يسمع اصلا ولا هو اللى فى دماغه وخلاص ..


    انما الاب بقى....ببساطه خالص....طالما انت مبتسمعش كلامي ملكش فلوس ولا في مصروف
    واي قرش هتخرجه بره لازم تقولي عايزه ليه ولو مش عاجبك شوفلك اب تاني..........انا متهيقلي الكلام بيكون كده.......

    طالما طلع مش راجل ومش اد كلمته .. يبقى لا يلومن الا نفسه هو اللى صغر نفسه ..

    طالما ابوه كويس وجاله واتكلموا واتفقوا يبقى خلاص ..

    هو ده الواقع يا اسراء الحقيقه اللي بتحصل........مش المفروض يحصل كذا وميحصلش كذا

    يعنى بس متعممش الاحكام الناس على كل شكل ولون

    انا لسه بقول ان فكره ان ابويه او امي صاحبي او صحبتي دي مجرد كلمة وهميه ملهاش اساسا......
    هاااا رايك ايه؟!؟!؟.........ياريت اخد حبه مكسرات شويه لحسن اللب الابيض زهقني......هااااا

    اهو رأيى ..
     
    آخر تعديل: ‏12 يوليو 2009
  11. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    السايت كله كان واقع امبارح اصلا..

    طووووويب....يعني اخيرا الغلط مش من عندي مره...الحمد لله


    لا خالص انا مبسمعهوش من الاول ولا بقيت باسمع فى التنميه البشريه ..

    انا قلت كده عشان تصنيفك لعلاقات الافراد من الربح والخسارة وكده هو بيعملها بنفس الترتيب يعني وكنت لسه سامعها...مش اكتر
    حصل خير سعتك.......


    والله لو واحد منصف وعاقل وبيسمع كويس هتنازل عن رأيى ان لقيت الرأى التانى اصح وحجته اقوى هو مش تعصب للرأى وخلاص

    ان الواحد هيتعلم حاجه ومش حيحاول يطبقها بلاش منه وجع الدماغ

    عندك حق....فاللي قلتيه.....شكلي بيبان عليه اني على طول متعصب لراي...بس انا بتقبل الراي التاني لو اقنعني بس....انتي عندك حق.....


    مش عارفه انت ليه واخد المواضيع كده ياكريزى دى حتى العلاقات بقت ابسط من كده شويه امال لو كنت موجود ايام زمان ايام ما كان الاب بقى هو الكل *الكل فعلا ولا صوت يعلو فوق صوته وفكره المناقشه دى مش مطروحه اصلا كتنت هتقول ايه ؟


    مش واخد الموضوع جامد ولا حاجه....بس انا الاغلب اللي شايفه
    حوليه كده....انا فتحت الموضوع ده مع صحابي امبارح(اخيرا عرفنا نتكلم فحاجه عدله).....اغلبنا علاقتة باهله متوسطه او اقل كمان

    يمكن الكلام ده فراي واضح فالولاد اكتر يعني انما فالبنات العلاقه اقوى متهيقلي؟!؟!؟


    وكمان يعني انا متهيقلي ان الاغلبيه يعني يا اسراء فعلا لسه فالوسط
    يعني لا هو متفتح اوي ومتفاهم ولا هو مسيطر ومتحكم وهو الاب اللي كلمته ماشيه
    فده اللي عامل شويه لخبطه ودربكة فالعلاقات دي....




    وبعدين خلى بالك اننتا قلنا الامور اللى هنتناقش فيها هتكون مش مخالفه دينيا ولا اخلاقيا دى اللى ممكن ناخد وندى مع بعض فيها ..

    يمكن جه مثال السجاير ده غلط فالطريق بس ده اللي جه فبالي ساعتها مش اكتر......لو ده قصدك يعني



    فالاخر.....هو باين كده اني كنت اوي اوي متعصب للجزأيه دي
    وكمان انا كنت بتكلم على حاجه رخمه شويه وهي ان الجمله دي مش عجباني بتاعة الصداقه وكنت مكلبش فالرأي اوي

    بس هو فعلا زي ما قلتي يا اسراء...ان الموضوع كله وسط يعني بيفرق من حد لحد وبيعتمد على الاشخاص نفسهم




     
  12. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره


    انا قلت كده عشان تصنيفك لعلاقات الافراد من الربح والخسارة وكده هو بيعملها بنفس الترتيب يعني وكنت لسه سامعها...مش اكتر
    حصل خير سعتك.......

    على اساس يسيب فتره للمخ يستوعب ويحاول يطبق بقى :)



    ...بس انا بتقبل الراي التاني لو اقنعني بس....


    كلام جميل


    مش واخد الموضوع جامد ولا حاجه....بس انا الاغلب اللي شايفه
    حوليه كده....انا فتحت الموضوع ده مع صحابي امبارح(اخيرا عرفنا نتكلم فحاجه عدله).....اغلبنا علاقتة باهله متوسطه او اقل كمان

    يمكن الكلام ده فراي واضح فالولاد اكتر يعني انما فالبنات العلاقه اقوى متهيقلي؟!؟!؟

    معتقدش انها فكره فكره ولد وبنت .. انا عن نفسى بحاول امشى امورى بشكل او باخر

    وكمان يعني انا متهيقلي ان الاغلبيه يعني يا اسراء فعلا لسه فالوسط
    يعني لا هو متفتح اوي ومتفاهم ولا هو مسيطر ومتحكم وهو الاب اللي كلمته ماشيه
    فده اللي عامل شويه لخبطه ودربكة فالعلاقات دي....


    اممم ممكن .. عامه كتير مكبر دماغه اساسا ويعرف احوال ولاده بالصدفه !!!!


    بس هو فعلا زي ما قلتي يا اسراء...ان الموضوع كله وسط يعني بيفرق من حد لحد وبيعتمد على الاشخاص نفسهم..

    :SugarwareZ-001:

    انا شايفه انى لو طلعت حتى بمكسب 10 % من اللى انا عايزاه احسن من الخناق والتعصب للرأى وفى الاخر مش هتاخد حاجه خالص ..

    بس بيعوز شويه مرونه ..

     
  13. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    على اساس يسيب فتره للمخ يستوعب ويحاول يطبق بقى :)

    لو سمعتي شريط(كن ايجابيا ) لصلاح الراشد هتلاقي فالبدايه تقسيم الاشخاص زي ما انتي قلتيه كده...


    اممم ممكن .. عامه كتير مكبر دماغه اساسا ويعرف احوال ولاده بالصدفه !!!!

    الاغلبيه فعلا....وبيجوا اوقات كده وتحسي انهم صحيوا ويببداو يهتموا بكل صغيرة وكبيره
    يعني بيقلبوا 180 درجة فجأه ومن وحش اوي اوي لتدخل اوي اوي اوي لدرجة تتعب.....لا كده نافع ولا كده نافع.....فاهمه قصدي ايه؟!؟!؟

    بس بيعوز شويه مرونه ..


    اهي المرونه دي متعب جدا جدا في اواقات......

    يعني قوليلي مثلا تعملي ايه لما والدتك تقولك فوقت عصبيه مش هكلمك تاني خالص لو معملتيش كذا زي ما بقولك وانتي اساسا مش مقتنعه وهي خلاص الموضوع انتهى بالسنباله على انك لازم تسمعي اللي قالته مع انك مش عايزه كده ومش راضيه خالص
     
  14. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره


    لو سمعتي شريط(كن ايجابيا ) لصلاح الراشد هتلاقي فالبدايه تقسيم الاشخاص زي ما انتي قلتيه كده...

    هههههههه طب كويس والله عامه ما اكثرها



    الاغلبيه فعلا....وبيجوا اوقات كده وتحسي انهم صحيوا ويببداو يهتموا بكل صغيرة وكبيره
    يعني بيقلبوا 180 درجة فجأه ومن وحش اوي اوي لتدخل اوي اوي اوي لدرجة تتعب.....لا كده نافع ولا كده نافع.....فاهمه قصدي ايه؟!؟!؟

    ايوه فاهمه ..



    يعني قوليلي مثلا تعملي ايه لما والدتك تقولك فوقت عصبيه مش هكلمك تاني خالص لو معملتيش كذا زي ما بقولك وانتي اساسا مش مقتنعه وهي خلاص الموضوع انتهى بالسنباله على انك لازم تسمعي اللي قالته مع انك مش عايزه كده ومش راضيه خالص

    امممم معتقدش ان فيه موقف يستاهل !!
     
  15. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    امممم معتقدش ان فيه موقف يستاهل !!'

    ام ام ام ام ام امم ام ام امم

    المفروض مفيش موقف يستاهل....

    ماااااااعلينا.........

    بتقولي ايه بقى......
     
  16. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    باين كده اني فاتني كتيــــــــر

    ماشي

    اول حاجة انا متفهمة جدا الاسباب المنطقية اللي بتخليك تقول مافيش
    صداقة او صحوبية بين الام والاب واولادهم بس دي حاجة مش صح
    ومش قاعدة ومش شيء مسلم بيه ولابد منه .. بعد شوية هوضح ليه

    تاني حاجة .. كان فيه مسلسل امريكي باتفرج عليه زمان اسمه
    فول هاوس "يمكن تعرفوه" الاب قال لبنته عبارة دايما باستشهد بيها
    ان الاسر انواع ومافيش عائلة زي التانية .. حاجة بالمعنى ده

    يعني ايه بقى
    يعني اني ممكن اكون انا ووالدتي اصحاب وتكون انت ووالدتك اصحاب
    بس بشكل تاني بنوعية صحوبية مختلفة
    ولو بصينا كويس هنلاقي اننا بنشبه الناس اللي جابونا للدنيا دول جدا
    واننا نقدر نخلق علاقة متفاهمة معاهم ترضينا وترضيهم
    حتى لو ماكانتش نموذجية او زي بقية الناس
    ممكن هنا اذكر مثال خاص بيا كنت في وقت من الاوقات لما اكون
    عايزة اتكلم مع بابا في حاجة ومحرجة منه "مش خايفة منه " كنت
    بجيب ورقة وقلم واكتبله ورقتين وش وضهر واستنى لما ييجي
    اسيبهاله واختفي d:

    حاجة كمان .. يعني ايه اصحاب .؟؟ انت بتقول
    الصحوبيه يعني انصح صاحبي واتفاهم معاهم ونتناقش فاي موضوع مهما كان
    مش وقت ما الابن ما يقتنعش بكلام الاب او البنت متصدقش كلام الام او متنفزهوش يقلبوا بقى ويقولولك انا ابوك انا امك انا عارف مصلحتك ولازم تسمع كلامي ويبدأ استخدام السلاح اللي فايدهم وهو سلطة الابوه في انهم يفرضوا رايهم مهما كان عدم اقتناعنا او تصدقنا ليه لمجرد انهم شايفين اننا غلط ولسه صغيرين ومينفعش نفهم دلوقتي وانهم عارفين مصلحتنا....الخ الخ الخ

    سؤال بس لو الاهل عملوا زي ما بتقول يبقى ايه لازمتهم كفاية الصحاب اللي برا مش كده ؟!! مع ان لو الطرفين بيفكروا صح الاهل والاولاد هتلاقي ان الصحوبية بينهم كاب وابن اقوى واصدق واجمل من اي صداقة تانية

    ايه العقبات اللي بتقف في وجه الصداقة دي ؟
    مين صح ومين غلط
    مين مسيطر ومين مسيطر عليه
    مين ييعند ومين بيعند بالمثل
    مين قديم ومين جديد

    كل ده كله واشباهه حاجات حقيقية في اسر كتير انا معاك
    بس انا شايفة ان مالهاش اي لازمة ولا ليها اي معنى

    مين صح ومين غلط .. دي اصلا مسألة نسبية وبتقابل اي
    بني آدم على الارض ولو غيرنا طريقة تفكيرنا هنلاقي اننا
    مش محتاجين نعرف مين صح ومين غلط وان مش الاب والام
    اللي نحطهم في الميزان طول الوقت ووارد جدا نكون احنا صح وهما
    صح بس كل واحد ليه وجهة نظر لازم التاني يحترمها
    هتقولي ان الاهل مش بيحترموا وجهات نظر ولادهم
    هقولك انهم اتعودوا على كده .. الاهل ربوهم من الاول غلط
    والعيال ما قدروش انهم يكسبوا ثقتهم في ان يبقى ليهم راي
    عاقل وموزون يقدر يحترم ... دي طبعا حاجة بتتشكل في سنين
    وبيبقى صعب انها تتغير في يوم وليلة

    مين مسيطر ومين مسيطر عليه
    طبعا الاب الذكي والام الذكية هما اللي مايدوش الاحساس
    لولادهم ان الموضوع موضوع سيطرة لكن الواقع اننا محتاجين
    لسيطرتهم محتاجين لما نغلط نلاقي اللي يقولنا غلطتوا
    لما نغرق نلاقي اللي يشدنا وينقذنا لما ننسى نلاقي اللي يفكرنا
    وده مش بينتقص مننا حاجة بالعكس صحيح كبرنا وقادرين نسيطر على حياتنا بس الاحساس ان فيه حد كبير خايف علينا ومتابع خطواتنا "بلطف المفروض"
    احساس بيفرق كتير .. هو ده الاستمتاع اللي اتكلمت عليه قبل كده
    انا اعرف ست عجوزة عدت التمانين سنة واولادها منهم اللي عدى الستين
    بس تعالوا شوفوهم لما يقعدوا جنبها .. شيء في منتهى الروعة
    راجل كبير شعره ابيض ولسة محتاج انه يبقى صغير ادام امه
    ممكن يختلفوا ممكن يزعلوا من بعض وضغطهم هما الاتنين يعلى
    بس بتفضل صورة لا تقدر بثمن .. مين المسيطر بقى !!

    لسة عندي كلام كتير .. بس عايزة بريك اقزقز شوية.. ممكن ؟
     
  17. دعاء عبد الباري

    دعاء عبد الباري

    إنضم إلينا في:
    ‏5 أكتوبر 2007
    المشاركات:
    1,073
    الإعجابات المتلقاة:
    6
    نقاط الجائزة:
    38
    الوظيفة:
    طالبة
    اهلا بيكم يا جماعة اظاهر اني اتأخرت شوية
    بس المهم انا اعتقد ان في صحوبية بين الابن والاب وبين البنت والام وممكن يحدث العكس علي حسب الاهل نفسهم مربيين ابناءهم ازاي ومعودينهم علي ايه
    يعني هي مسألة بتختلف من بيت للتاني
    ومفيش قاعدة ممكن نعممها سواء بالسلب او بالايجاب
     
  18. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    متعدييييييييييييش............المهم تلحقي بقى......

    ومتغيبيش تاني........


     
  19. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    ايوة ينفعوا ولو مانفعوش يبقى الاولى محدش غيرهم ينفع

    مين معايا ؟؟؟
     
  20. دعاء عبد الباري

    دعاء عبد الباري

    إنضم إلينا في:
    ‏5 أكتوبر 2007
    المشاركات:
    1,073
    الإعجابات المتلقاة:
    6
    نقاط الجائزة:
    38
    الوظيفة:
    طالبة
    معاكي يا لبني في كلامك لان ان مكنش الاهل بقوا اصحاب اذا اي حاجة تانية هتكون غلط
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License