1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

طب قولي ايه المعجزة

الموضوع في 'قسم الشعر' بواسطة لبنى أحمد نور, بتاريخ ‏5 فبراير 2009.

بحث جوجل فى المنتدى

الوسوم:
  1. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    مستني تحصل معجزة..
    جايز تكون مش معجزة..
    ممكن تقول واقع محال..
    بالذمة في واقع محال؟
    دول كلمتين مش عكس بعض؟
    لكن مسيرهم يوم لبعض..
    لما القمر يرسم نهار..
    والشمس ترفض الإنتحار..
    في غروب يتيم..
    مشهد جميل..لكن أليم..
    والضل يرفض وحدته..
    تبقي الخطاوي مخدته..
    والصوت يطل..
    من الف وردة والف ضل..
    ويقول"بحب"..
    واهو يبقي ده واقع محال..
    بالذمة في واقع محال؟
    يمكن تقول دي معجزة..
    لكن هأقولك معجزة..
    أما حبيبتي بتبتسم..
    صورة في عيوني بتترسم..
    وانسي الوجود..
    وبشوف ولادتي في لحظتي..
    بالذمة مش دي معجزة؟
    خد دي كمان اهي معجزة..
    اديتها وردة لضيها..
    انا قولت يمكن زيها..
    اتاريها ضحكت ع الشذي..
    رسمت جمالها علي الندي..
    والزهرة ماتت من هنا..
    وربيع جديد جه من هنا..
    بالذمة دي مش معجزة؟
    واللهي اكبر معجزة..
    واهي دي كمان ميت معجزة..
    بصت في ساعتي في يوم كده..
    والساعة وقفت للأبد..
    مش عايزة تنسي اللحظة دي..
    قولتلها كام؟
    قالت سكوت..
    مش لازمة تعرف وقتي انا..
    سيبني في حبي وهمي انا..
    يكفي عليك اللحظة دي..
    بالذمة دي مش معجزة..؟
    طب شوف كمان دي معجزة..
    نزلت دموعها في يوم كده..
    علي ارض محرومة الدموع..
    من يومها مش شايف رجوع..
    م الحتة دي..
    الا وايدين متشبكة..
    وقلوب كمان متشبكة..
    بركة حلاوة دمعها..
    خلت مكانها بذور لعشق..
    والعشق حافر اسمها..
    بالذمة دي مش معجزة؟
    طب شوف يا سيدي المعجزة..
    مسكت في يوم مني القلم..
    كتبت كلام مش شايفه انا..
    حبر الغرام السري ده..
    ورق الغرام الوردي ده..
    من يومها وبنفس القلم..
    برسم دموعي علي الورق..
    ولحد ما الورق اتحرق..
    وحريق ونار..
    خدت القرار..
    جبت القلم..
    طفي الحريق..لكن اتحرق..
    بالذمة دي مش معجزة؟
    طب قولي ايه المعجزة

    كانت هذه قصيدة لشاعر بارع في فن صناعة الكلمات
    بالعامية وبالفصحى معا
    معتز هاني ..
    معجزة حقيقية .. اتمنى ان تستمتعوا بمتابعته على مدونته
    المسحوب من لسانه

    يمكنكم البحث عنها باستخدام كلمات من القصيدة

    او بكتابة العنوان كالتالي

    peaceyaman.blogspot

    ثم دوت كوم


     
    آخر تعديل: ‏5 فبراير 2009
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى unique...
    ننتظر منك المزيد من المواضيع ياunique...
    حفظك الله اخىunique...
     
  3. snow white

    snow white

    إنضم إلينا في:
    ‏2 فبراير 2009
    المشاركات:
    317
    الإعجابات المتلقاة:
    0
    نقاط الجائزة:
    16
    جميل جدا جدا الكلام ده يا يونيك
    ان شاء الله هدخل الموقع وابقى اقولك بقى ايه اللى عجبنى تانى
    الف شكر:SugarwareZ-003:
     
  4. دعاء عبد الباري

    دعاء عبد الباري

    إنضم إلينا في:
    ‏5 أكتوبر 2007
    المشاركات:
    1,073
    الإعجابات المتلقاة:
    6
    نقاط الجائزة:
    38
    الوظيفة:
    طالبة
    شكرا يونيك علي المجهود ان شاء الله هابقي اشوف المدونة
     
  5. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    العفو يا جماعة

    ان شاء الله تعجبكم

    هتلاقوا في شعره صور وتركيبات غير مسبوقة

    يستحق المتابعة فعلا
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License