1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

روميــو وجوليـيــت 2010 .....

الموضوع في 'منتدى الضحك و الفرفشة' بواسطة Elnada, بتاريخ ‏1 أغسطس 2007.

بحث جوجل فى المنتدى

  1. Elnada

    Elnada المشرف العام

    إنضم إلينا في:
    ‏30 مارس 2007
    المشاركات:
    929
    الإعجابات المتلقاة:
    0
    نقاط الجائزة:
    16

    ### روميـــــــــــــو وجولييــــــــــــــــــــــــــت###

    ** 2010 **


    يا رب تعجبكو .. انا عارفه انها طويله

    بس .. جمييييييييييييييله

    --------------------------------------------------------------------------------

    هو: تتجوزيني ؟


    هي: أفندم ؟


    هو : بقولك تتجوزيني ؟

    هي : .................!!!!!!!!

    هو : تتجوزيني ؟

    هي: لأ


    هو : ليه ؟


    هي: بصراحة كدة شكلك مش عاجبني



    هو: إزاي يعني ؟


    هي: يعني .. أصل أنا ليا مواصفات معينة لفارس أحلامي


    هو: مواصفات معينة ؟ .. هو انتي هتتجوزي عربية؟


    هي:لأ ! .. بصراحة كده .. إنت مش فارس أحلامي اللي باتمناه




    ***********************************
    كمان اسبوعين



    ـ هو : تتجوزيني ؟


    هي: إيه ده ؟ شكلك اتغير


    ـ هو : إيه رأيك ؟


    ـ هي:واو .. شعرك بقة ناعم ! .. دي باروكة ؟


    ـ هو : أيوة


    ـ هي: ودي عدسات خضراء ؟


    ـ هو : أيوة


    ـ هي: واو ! .. بس بجد .. بقيت وسيم .. واو ! ده انت بقيت شبه نيكولاس كيج


    ـ هو :مين عباس كيج ده ؟


    ـ هي: عباس ؟!! ياي .. إيه عباس دي ؟ اسمه نيكولاس



    ـ هو :مين نيكولاس ده ؟


    ـ هي: بقة مالكشي في السيما وجاي تكلمني ؟ .. ياي



    ***********************************
    كمان شهر


    ـ هو : تتجوزيني ؟


    ـ هي: انت لسه ليك عين تكلمني ؟


    ـ هو : أيوة .. أنا عرفت مين بنكرياس كيج ده


    ـ هي: أولاً : اسمه نيكولاس كيج


    ـ هو : أيوة أيوة .. كنت هاقول اسمه صح .. بس اختصرته .. ده ممثل


    ـ هي: ممثل إيه ؟


    ـ هو : ممثل أمريكاوي



    ـ هي: أمريكاوي ؟! .. إخّييي ! .. اسمه أميريكان يا بابا .. ما تبقاش دونكي



    ـ هو :دونكي دي تبقى شتيمة ؟



    ـ هي:أوف كورس





    ***********************************
    بعديها ب كام شهر


    ـ هو : تتجوزيني ؟


    ـ هي: عندك عربية موديل كام ؟


    ـ هو : موديل دي تبقى شتيمة ؟




    ***********************************
    بعدها ب ايام




    ـ هو : تتجوزيني ؟


    ـ هي: قوللي الأول .. حاطط أنهي نغمة في الموبايل بتاعك ؟


    ـ هو : نغمة دي تبقى شتيمة ؟





    ***********************************
    بعدها ب اسبوع


    ـ هو : تتجوزيني ؟



    ـ هي: ما قلتليش .. إنت بتشتغل إيه ؟


    ـ هو : أنا -بلا فخر- عاطل


    ـ هي: عاطل ؟ .. ياي


    ـ هو : مش أحسن من اللي ما بيشتغلش ؟


    ـ هي: لأ



    ـ هو : يعني مش هتتجوزيني ؟


    ـ هي: لأ



    ـ هو : كدة أنا أزعل


    ـ هي: ما تزعلش يا بابا .. خليك فريش



    ـ هو : ماشي .. ماشي .. بس قوليلي


    ـ هي: إيه ؟


    ـ هو : فريش دي تبقى شتيمة ؟





    ***********************************
    كمان اسبوع( اوووووووف دنا زهقت و هو مزهقش )


    ـ هو : تتجوزيني ؟


    ـ هي: لقيت شغل ؟


    ـ هو : أيوة طبعًا .. سنتين وأنا بادور .. أخيرًا لقيت


    ـ هي: وإيه هو ؟


    ـ هو : سواق تاكسي


    ـ هي: ياي ! .. مش مكسوف وانت بتقولها ؟


    ـ هو : فيها إيه ؟ العمل شرف .. وكلها كام سنة وأجمع مبلغ كويس


    ـ هي:شرف ؟ جتك القرف




    ***********************************
    وكمان فترة قصيرة


    ـ هو : تتجوزيني ؟


    ـ هي:جمعت مبلغ كويس ؟


    ـ هو : طبعًا .. مبلغ كبير جداً


    ـ هي: قد إيه يعني ؟


    ـ هو : ألف جنيه



    ـ هي: نعم ؟!!! .. ألف جنيه دول تروح تسرح بيهم ببطاطا



    ـ هو : يعني موافقة ؟


    ـ هي: روح اتنيّل




    ***********************************
    بعدها ب ايام معرفش عددها


    ـ هو : تتجوزيني ؟


    ـ هي: عندك شقة ؟


    ـ هو : طبعًا .. أوضة على السطوح


    ـ هي: نعم ؟


    ـ هو : إيه المشكلة ؟! .. أحسن ما ننام في الشارع
    تتجـ

    ـ هي: في الشارع ؟! .. إيه الألفاظ السوقية دي ؟ ياي ! .. لازم يا بابا

    تجيب شقة



    ـ هو : طيب .. كلها كام سنة وأجيبلك أحسن شقة في الدنيا


    ـ هي: وهتجيبها في جاردن سيتي ولا في الزمالك ؟


    ـ هو : لا .. في الأهلي .. هيهع هيهع هيهع




    ***********************************
    ( بعد سنوات)


    ـ هو : تتجوزيني ؟


    ـ هي: جبت الشقة ؟


    ـ هو : أيوة .. الحكومة بتبني شقق للشباب وأنا خدت شقة .. صحيح

    إنها اتأخرت لسبع سنوات .. لكن المهم إنها جات



    ـ هي: فانتاستيك



    ـ هو : بس الشقة ناقصة حاجة


    ـ هي: إيه هي ؟


    ـ هو : مفيهاش حمام



    ـ هي: امشي من قدامي ! .. مش طايقاك [​IMG]





    ***********************************
    وبعد فترة


    ـ هو : تتجوزيني ؟


    ـ هي: إنت تاني ؟


    ـ هو : جبتلك حمّام إنما إيه [​IMG]


    ـ هي: خليه ينفعك



    ـ هو : ليه بس ؟ .. ده ينفع لينا احنا الاتنين


    ـ هي: وأنا مالي ؟


    ـ هو : مش عاجبك .. مش مشكلة .. أكتبه باسمك



    ***********************************
    وبعد سنيييييييييييييييييييييييين



    - هو : هتتجوزيني ولا أولع فيكي ؟ [​IMG]


    ـ هي: ومالك محروق كدة ؟


    ـ هو : حكايتنا طولت قوي .. طولت أكتر من اللازم


    ـ هي: أوكي .. بس ممكن أعرف حاجة ؟


    ـ هو : إيه ؟


    ـ هي: إنت ليه متمسك بيا أوي كدة ؟


    ـ هو : أصل .. أصل



    ـ هي: أصل إيه ؟


    ـ هو : أصل أنا بحُبك

    (بضم الحاء) [​IMG]



    ـ هي: بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين



    خليك روش وقول


    I love you



    ـ هو : ماشي .. بس قوليلي


    ـ هي: نعم ؟


    ـ هو : روش دي تبقى شتيمة ؟



    ***********************************
    وبعد كذا سنه



    ـ هو : تتجوزيني ؟



    ـ هي: بصراحة .. في حاجة كنت عاوزة أقولهالك من زمااااااان



    ـ هو : إيه ؟


    ـ هي: أنا بصراحة .. مش شايفة إن في حد في العالم يستاهلني



    ـ هو : يا سلام ! .. ليه ؟ [​IMG]


    ـ هي: عشان أنا جميلة .. خفيفة الدم .. رشيقة .. رقيقة [​IMG]



    ـ هو : رقيقة ؟! [​IMG] .. ده انت بدأتي تقشفي




    ـ هي: فشر



    هو : فوقي لنفسك .. العمر بيجري


    ـ هي: أنا مصرة على رأيي



    ـ هو : يعني إيه ؟


    ـ هي: يعني اقطع معايا



    ـ هو : بعد كل السنين دي ؟! .. بعد كل الحب ده ؟ [​IMG]

    هي: بلاش تراجيديا من فضلك



    ـ هو : ماشي .. بس قبل ما أمشي عاوز أسألك سؤال واحد بس


    ـ هي: إيه هو ؟


    ـ هو : تراجيديا دي تبقى شتيمة ؟





    ***********************************

    وبعد سنوااااااااااااات




    ـ هو : تتجوشيني ؟

    ـ هي: إيه ؟


    ـ هو : تتجوشييينييييييي ؟

    ـ هي: إنت مين ؟


    - هو : أنا حبيبك يا هبلة .. البشي النضارة عشان تشوفيني [​IMG]


    ـ هي: طيب شاعدني عشان ألاقي النضارة



    ـ هو : آهي على الترابيزة قدامك


    ـ هي: فين ؟


    ـ هو : لا دي نظارتي أنا


    ـ هي: أيوة لقيتها



    ـ هو : البشيها بقة


    ـ هي: ططييبب



    ـ هو : عينيكي فوق شوية .. ده بقك


    ـ هي: طيب لبشهالي إنت



    ـ هو : عقبال ما البشك الدبلة [​IMG]


    ـ هي: ما تكشفنيش .. كنت بتقول إيه بقى ؟


    ـ هو : كنت بقول تتجوشششيييينيييييي ؟


    ـ هي: أكوشك ؟ .. إزاي ؟


    ـ هو : يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟


    ـ هي: دي شتيمة ؟


    ـ هو : لاااااء .. بقولك تتجوشيني ؟


    ـ هي: آه !! .. أجوشك



    ـ هو : بالضااااابط .. هاه ؟


    ـ هي: شيبني أفكر



    ـ هو : أشيبك تفكري ؟! .. ده انت هتموتي خلاش


    ـ هي: لا .. شيبني أفكر بش



    ـ هو : ربنا يوفقك


    ـ هي: إيه ؟


    ـ هو : ربنا يوفقك


    ـ هي: بتقول إيه ؟


    ـ هو : ربنا ياخدك [​IMG]





    ***********************************
    على فراش الموت..


    ـ هو : تـ … كوح .. كوح .. تتـ .. كوح كاح كيح .. تتكو .. كوح .. كوح

    تتكوشـ .. كوح كوح .. يني ؟


    ـ هي: مش شامعة [​IMG]



    ـ هو : بـ .. قوللـ .. كوح .. كوح .. بقولك .. تـ .. تـ .. كوح .. كوح

    تتجوشيـ .. ؟ كوح .. كوح



    ـ هي: أجوش مين ؟


    ـ هو : هووو.. و.. ا .. كووح كوح كاح .. هوا إنتي .. كوح كوح .. معرفتيـ ..ش .. كوح كوح كيح .. ميـ .. كوح .. مين ؟

    ـ هي: إيه ؟



    ـ هو : لا .. كوح .. أبدًا .. كوح .. كنت … كح كح .. بأكح [​IMG]


    ـ هي: كنت بتكح ؟!!!! .. شلامتك .. ما قلتليش ليه ؟


    ـ هو : كوح .. إنتي .. لشة .. عارفـ .. ـة .. كوح كوح



    ـ هي: بتقول إيه ؟


    ـ هو : يا .. ولية .. كوح كوح .. ردي .. كوح كوح .. عليا .. تـ .. تـ .. جو .. شيـ .. كوح كوح كوح كوح .. نـي ؟

    ـ هي: أجوشك ؟!! .. طب بش خد الدوا الأول



    ـ هو : يا وليـ .. ـة .. كوح .. كوح .. أنا .. كوح .. كوح .. هتجوشيـ .. كوح كوح كوح .. ـــك ؟


    ـ هي: أيوة يا حاج .. موافقة


    - هو :موافقة إنك تتكوشني ..أخيـ…. كوح كوح .. راااااً !! .. كوح كوح [/color]- كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع



    ـ هي: يا حاج .. يا حاج


    لااااااااااااااااااااااااااااااااااااااااااااااااااااااااااااااااااااااااااااااا
    ااااااااااااااااااء



    [​IMG] [​IMG] [​IMG] [​IMG] [​IMG] [​IMG] [​IMG]
    [​IMG]
     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى F.u.r.p...
    ننتظر منك المزيد من المواضيع ياf.u.r.p...
    حفظك الله اخىf.u.r.p...
     
  3. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    ياااااااااه
    الحمد لله .. الراجل مات مرتاح ..:SugarwareZ-003:



    شكرا ..:yasser-atrees (348)
     
  4. فهد الصحراء

    فهد الصحراء Administrator طاقم الإدارة مدير الموقع

    إنضم إلينا في:
    ‏1 ديسمبر 2006
    المشاركات:
    1,858
    الإعجابات المتلقاة:
    37
    نقاط الجائزة:
    48
    هههههههههههههههههههههههههههههههههههههههههههههههههه


    بجد جامدة جدا

    شكرا ليكى على الحكاية الجامدة دى

    و زى ما قال الأخ أو الأخت عفواً ، يجب عليك التسجيل اولاً لمشاهدة الروابط .

    الحمد لله .. الراجل مات مرتاح ..:SugarwareZ-003:
     
  5. Elnada

    Elnada المشرف العام

    إنضم إلينا في:
    ‏30 مارس 2007
    المشاركات:
    929
    الإعجابات المتلقاة:
    0
    نقاط الجائزة:
    16
    الله يرحمه بقى ،،،،،،،،، وشكرا لمروركم الجميل ،،
     
  6. GREAT STORM

    GREAT STORM المشرف العام

    إنضم إلينا في:
    ‏9 فبراير 2007
    المشاركات:
    1,143
    الإعجابات المتلقاة:
    0
    نقاط الجائزة:
    36
    الوظيفة:
    رايس منتدى قد الدنيا
    الإقامة:
    Cairo, Egypt, Egypt
    مشكوره على الموضوع الجامد ده

    وننتظر منكي المزيد

    ان شاء الله
     
  7. Elnada

    Elnada المشرف العام

    إنضم إلينا في:
    ‏30 مارس 2007
    المشاركات:
    929
    الإعجابات المتلقاة:
    0
    نقاط الجائزة:
    16
    باذن الله ،،،،،،،

    وشكرا للمرووووووور
     
    آخر تعديل: ‏1 أغسطس 2007
  8. فاعل خير

    فاعل خير المشرف العام

    إنضم إلينا في:
    ‏21 يوليو 2007
    المشاركات:
    496
    الإعجابات المتلقاة:
    0
    نقاط الجائزة:
    16
    والله العظيم انا تعبت من قراءة الموضوع بس والله جامد جدا
     
  9. Elnada

    Elnada المشرف العام

    إنضم إلينا في:
    ‏30 مارس 2007
    المشاركات:
    929
    الإعجابات المتلقاة:
    0
    نقاط الجائزة:
    16
    هههههههه

    معلش يا عابر مش كان قصدى اتعبكو
     
  10. whataboutyou

    whataboutyou

    إنضم إلينا في:
    ‏18 أغسطس 2007
    المشاركات:
    665
    الإعجابات المتلقاة:
    0
    نقاط الجائزة:
    16
    الإقامة:
    Egypt
    جميلة بس انا كنت هموت قبل ما تخلص
    :SugarwareZ-036:
     
  11. soly

    soly مشرف مشرف

    إنضم إلينا في:
    ‏13 أغسطس 2007
    المشاركات:
    270
    الإعجابات المتلقاة:
    0
    نقاط الجائزة:
    16
    الوظيفة:
    planning
    الإقامة:
    egypt
    مو...... .كوح .........كوح......ضوع .....كوح.......كوح جم........كوح......كوح .......ييييل
    فعلا
    :yasser-atrees (348)
     
  12. Memo2010

    Memo2010

    إنضم إلينا في:
    ‏20 ديسمبر 2007
    المشاركات:
    477
    الإعجابات المتلقاة:
    0
    نقاط الجائزة:
    16
    الوظيفة:
    انسان يعيش ويتعايش
    الإقامة:
    مصراوى
    جامده جدا
    الا هى الصبحيا امتى
     
  13. spider22s

    spider22s

    إنضم إلينا في:
    ‏17 سبتمبر 2007
    المشاركات:
    299
    الإعجابات المتلقاة:
    0
    نقاط الجائزة:
    16
    الوظيفة:
    1/5 مهندس
    الإقامة:
    القاهرة الجديدة
    المهم هى ماتت من الزعل ولا لسه معندهاش دم:yasser-atrees (5):
     
  14. a7med7arb

    a7med7arb New Member

    إنضم إلينا في:
    ‏26 ديسمبر 2007
    المشاركات:
    82
    الإعجابات المتلقاة:
    0
    نقاط الجائزة:
    6
    الوظيفة:
    بشمهندش عاجلا ام آجلا
    الإقامة:
    egyption 4 ever
    كان لازم ينتحر من بدري
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License