1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

جمعاوي على الاخر اول يوم رمضان!!!

الموضوع في 'منتدى الضحك و الفرفشة' بواسطة ahmed ashry, بتاريخ ‏16 سبتمبر 2007.

بحث جوجل فى المنتدى

  1. ahmed ashry

    ahmed ashry

    إنضم إلينا في:
    ‏20 أغسطس 2007
    المشاركات:
    436
    الإعجابات المتلقاة:
    0
    نقاط الجائزة:
    16
    الوظيفة:
    مهندس تخطيط ان شاء الله
    الإقامة:
    مصر- محافظة حلوان الجديدة

    ربنا ما يوريكو الي انا شوفته:
    اول إمبارح دبتها في السحور شويه وكبست عزيزة ع الآخر عادي وايه يعني بس المشكلة اني امت الصبح متاخر علي معاد المحاضرة وملحقتش افضيها قبل م انزل ومحستش ببطني وهي بتلعب الا وانا محشور في الاتوبيس قولت لنفسي يمكن يكون ده من زنقت الاتوبيس وكل حاجة ح تعدي بسلام بمجرد م يحدفوني في المحطة ...وزي كل يوم منزلتش من الاتوبيس الا بقوة الدفع محركتش رجلي بس قولت عايز انزل
    لقيت نفسي منطور لوحدي كده علي الرصيف (مش موضوعنا)
    الازمة الحالية في بطني لسه بتلعب كنت خلاص علي الاخر قعدت اصبر نفسي وقول ( استحمل يا واد يا جمعاوي دول بيقولوا إنك جدع, امسك نفسك امال متكسفناش)
    برضه ملهاش حل لازم افضيها قبل ام اخوش المدرج والا حتبقي حوسة علي الاخر
    وبعزيمة الجبال واصرار الرجال قررت بلا سابق انذار ان اخوض التجربة لاول واخر مرة وربنا ميحوجناش لحمامات الجامعة مرة تانية قولوا آمين..
    متقولوا آمين............(ايوة كدة)
    رغم ان الحمام حسب علمي ف الدور الاخير رغم ان الدور الاخير ده يعني مش التاني ولا التالت ولا الرابع ولا حتي الخامس ده السادس قررت اخودها جري عشان الحق نفسي وبعد ام نفسي اتقطع كانت المفاجأة مغلق لاعمال الصيانة جتنا نيلة في حظنا الهباب
    ايه ده بطني آآآآآآآآآآآآآآآآه مش قادر خلاص علي الأأأأأأأأأأأأأأأأأخر
    بقيت ماشي مش عارف رجليه وخداني علي فين يجي كده عشر خطوات لقيت نفسي قدام حمام جريت بسرعة نحيته والفرحة بتجري معايا ومع اول خطوة ليه جوه الحمام سمعت اصوات مسرسعة بتنده عليه من كل مكان مفهمتش منها الا( اطلع بره يا قليل الادب بتعمل ايه في حمام البنات )
    انا اسف مخدتش بالي وانا الي فاكر نفسي حستريح يادي المصيبة ام صاجات جمعاوي في حمام البنات اما انفد بجلدي اما البس جناية
    طلعت اجري والدمعة بتجري علي خدي صعبان عليه نفسي (مش حقلبها دراما متخفوش) الدموع ديه مش م الشتيمه ديه عشان انا جيبت اخري انا ع الاخر يا ناس اختها زحلقة علي الطرابزين من الخامس عشان الحق اعملي منظر والا ديه حتبقي فضيحة ملهاش حل.
    مفيش غيره المنجد الوحيد حمام العميد دخلت مبني العميد واخدت اسانسير العميد(طبعا محدش شفني)
    ووصلت لاملي الوحيد جمب مكتب العميد جيت عشان اخش حمامه لقيت عم ابو عيد (فراش العميد الراجل كبير ابو عصاية جري ورايه ولا اللي داخل ماراثون )
    وقال:انت يا استاذ رايح فين
    قولت عم عيد راجل حببنا حيرضي يفك ازمتي بس قولت مش حيفك ازمته هو الا نصف جنيه اكراميه.
    قالي اوكي بس تجيبلي أذن من العميد
    اعمل ايه الواحد مضطر والمضطر بيركب الصعب اختها جري علي العميد ودخلتله
    ويارتني مدخلت لسه بقول للسكرتاريه فين سيادة العميد
    قالت وبكل شجاعة سيادته دخل الحمام
    سعتها محستش بنفسي راحت فين وحسيت براحه تامة وبطني بطلت تلعب
    اصل خلاص الازمة تحلت واتفكت ومتقولش ازاي انتوا مش شامين ولا ايه...................
     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى ahmed ashry...
    ننتظر منك المزيد من المواضيع ياahmed ashry...
    حفظك الله اخىahmed ashry...
     
  3. whataboutyou

    whataboutyou

    إنضم إلينا في:
    ‏18 أغسطس 2007
    المشاركات:
    665
    الإعجابات المتلقاة:
    0
    نقاط الجائزة:
    16
    الإقامة:
    Egypt
    ليه كده يا عشري ليه احنا عملنا ليك ايه
    :SugarwareZ-001:
     
    آخر تعديل: ‏17 سبتمبر 2007
  4. ahmed ashry

    ahmed ashry

    إنضم إلينا في:
    ‏20 أغسطس 2007
    المشاركات:
    436
    الإعجابات المتلقاة:
    0
    نقاط الجائزة:
    16
    الوظيفة:
    مهندس تخطيط ان شاء الله
    الإقامة:
    مصر- محافظة حلوان الجديدة
    هو انتم لسه شوفتو حاجة؟
     
  5. فهد الصحراء

    فهد الصحراء Administrator طاقم الإدارة مدير الموقع

    إنضم إلينا في:
    ‏1 ديسمبر 2006
    المشاركات:
    1,858
    الإعجابات المتلقاة:
    34
    نقاط الجائزة:
    48
    اية دة الريحة ملت المنتدى على الاخر

    بس حلو الحتة بتاعة ( اصوات مسرسعة )

    سلام
     
  6. ahmed ashry

    ahmed ashry

    إنضم إلينا في:
    ‏20 أغسطس 2007
    المشاركات:
    436
    الإعجابات المتلقاة:
    0
    نقاط الجائزة:
    16
    الوظيفة:
    مهندس تخطيط ان شاء الله
    الإقامة:
    مصر- محافظة حلوان الجديدة
    ايه خدمة بس اوعدك المرة اللي جية هجيب معايا بيفرن
    شكرا جزيلا على الردود الجميلة
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License