1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

برنامج هيا بنا نحلم

الموضوع في 'منتدى الضحك و الفرفشة' بواسطة semsem, بتاريخ ‏25 سبتمبر 2008.

بحث جوجل فى المنتدى

الوسوم:
  1. semsem

    semsem New Member

    إنضم إلينا في:
    ‏10 أغسطس 2008
    المشاركات:
    81
    الإعجابات المتلقاة:
    0
    نقاط الجائزة:
    6
    الوظيفة:
    مهندسه بعد 4 سنين ان شاء الله
    الإقامة:
    مصر
    موعدكم احبائى المشاهدين مع الشيخ أته ...
    يوميا بأذن الله .......
    هنقرفكم كل يوم ....
    عايز تفسر حلمك....
    متستناش .......
    مع برنامجنا ... هنفسرك ال نفسك فيه ... احلم انتا بس ... وسيب الباقى علينا .... وعلى الله ...
    فأن الاعمار بيد الله .....
    متنساش ...يوميا فى الفتره المفتوحه....من 3 الظهر الى 4 الفجر....


    ,,,,,,,,,,,,,,,

    اعلان اخر



    مع برنامجكم هيا بنا نحلم
    مع كل حلم ... تفسيرين هديه..
    يوميا ... وأكيد انتوا عارفين الباقى لأن القناه معندهاش اعلانات غير الاعلان ده.



    .................


    البدايه

    فيلم رعب بطوله الضلمه
    عووووووووووووووووووووووووووووووووووووووووووووووو

    ثم يبدأ البرنامج

    الاشخاص هم: 1- الشيخ أته ، 2-المذيعه الاموره ، 3- والمتصل


    ..............

    - اهلا بكم اعذائى المشاهدين فى حلقه جديده مع الشيخ أته المعروف طبعا عنه انه يفسر الاحلام...
    احكيلنا يا شيخ من امتى وانتا بتفسر احلام

    - من وأنا صغير والله يا موزمزيل ... دايما امى الله يرحمها ويبشبش القنبله ال تحت رأسها .. كانت تحلم وانا افسرها احلامها.

    - يعنى موهبه من عن ربنا ...

    - الحمد لله

    - طب نأخذ اتصال ونقول الو الو الو

    -- الو سلامو عليكم

    -عليكم السلام

    -- أزيك يا شيخ أته

    - الحمد لله

    -- عامل ايه

    - تمام

    -- ايه اخبارك

    - كله بخير

    --طيب الحمد لله ، انا كنت بتصل بس أطمن.

    - اهلا بيكى يا حاجه فى أى وقت

    --طب والست الوالده عامله ايه

    - الله يرحمها ... صحتها اتحسنت ,,, وبتسلم عليكى

    -- الله يسلمها يا خويا ،باى باى بقى احسن سايبه الحله على النار

    -باى


    .......


    - نأخذ اتصال تانى ونقول الو الو الو ...

    -- الو سلامو عليكم

    -وعليكم السلام

    --ازيك يا شيخ أته

    - الحمد لله

    -- انتا مش فاكرنى ولا أيه

    -لا والله

    -- ولا انا فكراك

    - طب حولى تفتكرينى كده يا حاجه

    -- ايوه ، ايوه ، مش انتا أته ابن قلقاس.

    -صح ، بس ليه الاحراج ده "قلقاس" الله يرحمك يا بابى

    -- مش فكراك برضه

    - مش ، مهم لما تفتكرى الشيخ يا حاجه تبقى عاودى الاتصال..

    --اوكى ، ماشى

    - طب مش عاوزه حاجه يا حاجه ، اجيبهالك وأنا جاى...

    -- 200 كيلو بطاطس من السوق وانتا جاى ، احسن سمعت ان سعره هيغلى.....



    .................................................. .................................................. .................................................. ....



    ملحوظه: هذا الموضوع لا يقلل ابدا من التفسير ، لان التفسير فتوه شرعيه 100%....
    واذا كان هذا يحدث فى اى برنامج فهذا ليس خطأى.......



    برنامج هيا بنا نحلم

    - اعدائى اللدودين .... قصدى .... اعذائى المشاهدين .... معكم من قناتكم المفضله برنامج هيا بنا نحلم .... ومعنا الشيخ أته مفسر الاحلام ، نرحب بيه معانا.

    - شكرا ، ربنا يخلينى ليكوا ..

    - ما هو يا شيخ أته سر هذه الموهبه ؟

    -لازم تمارسها كتير علشان تأخذ خبره.

    - حتى الاحلام فيها خبره يا شيخ أته.

    - طبعا.

    -طب لو الواحد عايز يطلع مفسر احلام قد الدنيا زى حضرتك ،يعمل ايه!!! ....

    -طبعا الشباب مش لاقى شغل ، فيقولك افسرى احلام ، ده طبعا مش صح ، ومش كميل ...

    -اذا ما الذى يفعله الشباب لكى يكون مفسر احلام ناجح ....

    - طبعا لازم يأخذ درس خصوصى عندى .

    - والحصه بكام يا شيخ.

    - ب 150 جنيه.

    - ليه هى كيمياء يا بلاش.

    -وفى تخفيض للطلبه 10 % ..

    - وكمان اوكازيون للطلبه ..

    - طبعا ، لازم نشجع الطلاب صغير السن للتفسير عشان لما يكبروا يبقوا يفسروا براحتهم ....



    .....


    - ونستقبل اتصال تليفونى ونقول الو الو الو......

    -- الو سلامو عليكو.

    - وعليكم السلام

    -- برنامج هيا بنا نحلم.

    -ايوه يا حاجه ، خير انشاء الله ، فى حلم ولا حاجه.

    -- لا انا كنت عايزه بس اسأل هو فين برنامج هيا بنا نلعب.

    - حضرتك هتمشى يمين هتلاقيه على شمال الناصيه الجايه.

    -- الناصيه الجايه .

    - اه شمال بقى

    -- طب هى الأجره كام يابنى...

    - خلى عنك خالص يا حاجه.

    -- ربنا يخليك يابنى.

    - جنيه يا حاجه.

    -- الله يخدك.

    - باى يا حاجه.




    ............


    - ونأخذ اتصال تليفونى ونقول الو الو .....

    --الو ، شيخ أته معايا

    - ايوه

    -- انا حلمت خير ـ الهم ما اجعله خير ـ قال ايه .. كنت يا شيخ فى شارع فاضى ومفهوش حد ، وانا قعدت اصرخ واقول يا طلعت يا عطوه يا زكريا... محدش رد عليا من العيال ... اهئ اهئ سبونى لوحدى .. حاكم ان طلعت ده ابنى الكبير وعطوه برضه ابنى ، اما بقى زكريا فيبقى ابنى برضه ، انما مش دى المشكله ، المشكله بقى انى فجأءه لقيت نفسى فى البيت ولقيت 3 كلاب فى البيت بينونو ... اه والله يا شيخنا بينونو ...زى ما بقولك كده ....

    - حضرتك مجوزه صح .

    -- صح ، عرفت ازاى.

    - هذا من فضل ربى، وعندك 3 اولاد.

    -- ازاى عرفت يا شيخ.

    - الرؤيه بتقول كده يا حاجه ، هذا من فضل ربى.

    -- انتا شكلك مكشوف عنك الحجاب.

    - لما كنت ماشيه فى الشارع الفاضى ده معرفتيش اسمه ايه .

    -- لا .

    - طب معلش الحلم الجاى تبقى اسألى عم حسن بتاع الكشك هــ تلقيه على ايديك اليمين فى الحلم ، وبعدين هـ بقى افسرك الحلم ... عشان اسم الحلم ركن اساسى من اركان التفسير.

    -- يلا باى.


    - نعود لحضرتكم مع الشيخ أته بعد الاعلان.



    ........





    الاعلان


    اول لما تحس انك حلمت ....
    اتصل على 0900 0900
    وقلنا على حلمك.
    وهنوصلك تفسير حلمك لحد البيت ..
    والشيخ أته بنفسه هيسمع الحلم ، وابقى قابلنى لو فسرهولك .
    ومتنسوش 0900 0900 ، معانا هتحلم براحتك.






    عودنا

    نظام سبيس تون
    هندخل كوكب الاحلام

    - ورجعنا لكم اعذائى المشاهدين ...... ومعاكم انا الشيخ أته...

    - ومعانا اتصال تليفونى ونقول الو الو

    -- الو سلامو عليكو .

    - وعليكم السلام يا حبيبى.

    -- الشيخ أته.

    -ايوا معاك يابنى ، اى خدمه.

    -- مش هنا برضه برنامج هيا بنا نحلم .

    - بأذن الله ، أركب...

    -- أركب ايه يا شيخ هو برنامج ولا اتوبيس...

    - قصدى قول.

    --اقول ايه.

    - هو مين ال هيقول دلوقتى...

    -- مين ، اه !!! ..انا هقول على حلمى...

    -حلمى.. ، انا ولا اعرف حلمى ولا حسام ولا حتى حازم ولا بديهم دروس خصوصيه ولا حاجه... انا برئ يا بيه.

    -- دروس ايه بس ، مش ده برنامج هيا بنا نحلم...

    - اه صحيح ، معلش يابنى اصلى عامل دماغ عاليه..

    --طب ، هو فين المذيعه ..

    - نايمه والله يابنى ، سهرانه طول الليل ...

    -- يا راجل..

    - اه والله ، مطبقه بقالها يومين...

    -- المهم يا شيخ..، انا حلمت خير اللهم ما اجعله خير ...

    - خير يابنى

    -- ان انا لمؤخذه ياعنى سرقت وحده.

    -سرقتها ازاى يعنى.

    -- ازاى يعنى ايه ، اخدت شنطتها وجريت...

    - طب اسمها ايه .

    -- معرفش والله ولا عمرى شفتها.

    - هى حلوه.

    -- جدا يا شيخ ...

    - ومتعرفتش عليها ليه يا بجم.

    -- يا شيخ انا بقولك سرقتها ، مش اجوزتها ..

    -كل شئ نصيب..

    -- كان فى حلم تانى يا شيخ.

    -مع السلامه.

    -- يا شيخ كان

    - مع الف سلامه

    -- يا أته

    - باى يا حبيبى ، السرقه فى المنام ... انظر كتاب ابن سيرين لتفسير الاحلام ص800. هو الكتاب اساسا 766 صفحه.
    م
    ن
    ق
    و
    ل
     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى semsem...
    ننتظر منك المزيد من المواضيع ياsemsem...
    حفظك الله اخىsemsem...
     
  3. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    لذيذ يا semsem
    بس مش ملاحظة انو طويل لدرجة الملل
    على كلن شكرا

    WeeeeeeeReeeeeY
     
  4. semsem

    semsem New Member

    إنضم إلينا في:
    ‏10 أغسطس 2008
    المشاركات:
    81
    الإعجابات المتلقاة:
    0
    نقاط الجائزة:
    6
    الوظيفة:
    مهندسه بعد 4 سنين ان شاء الله
    الإقامة:
    مصر
    شكرا يا بشمهندس علي ردك​
     
  5. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    ههههههههههههههههههههههه

    عجبنى اوى التخفيض بتاع الطلبة

    جميل يا سمسم
     
  6. semsem

    semsem New Member

    إنضم إلينا في:
    ‏10 أغسطس 2008
    المشاركات:
    81
    الإعجابات المتلقاة:
    0
    نقاط الجائزة:
    6
    الوظيفة:
    مهندسه بعد 4 سنين ان شاء الله
    الإقامة:
    مصر
    يلا ايه خدمه هوه مراعي ظروف الطلبه
    وشكرا ليكي يا سمسمه​
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License