1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

اول يوم جامعه

الموضوع في 'منتدى الحوار العام' بواسطة nosa, بتاريخ ‏3 سبتمبر 2009.

بحث جوجل فى المنتدى

الوسوم:
  1. nosa

    nosa

    إنضم إلينا في:
    ‏23 أغسطس 2009
    المشاركات:
    100
    الإعجابات المتلقاة:
    2
    نقاط الجائزة:
    18
    ايه رأيكو كل واحد يدخل و يقول ذكرياته في اول يوم فالجامعه او حتى اول اسبوع :SugarwareZ-091: ؟ طبعا لاي حد في اي كليه ........ بس انا مش هقول لأني لسه هدخل الجامعه السنادي ان شاء الله
     
  2. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    كنت رايح الجامعة اول يوم مع واحد صحبى كان لسه برده داخل كلية علوم ورحنا مع بعض ومكناش عرفين الكليات بتعتنا فين هو اول واحد ساله على مكان الكلية اقله علطول وانا كل ما اسئل حد الى يقولى ميعرفش والى يقولى يبنى دى بره اقدام الجامعة مش هندسة دى اقله لا تخطيط عمرانى وماشى جوه اخر توهان وصحبى بعنى طبعا وراح كليته اخر ما زهق واقلى لاما تيجى معى لاما تخليك لوحدك تدور على كليتك المجهولة دى واقعدت ماشى شوية اكتر الف حولان نفسى وكانى ماشى فى مدينة كبيرة اقوى معرفش حد لغيت ما وصلت راحت لاقتهم معلقين زينة وبللين احتفالا بالدفعة الجديدة وبعدين دخلونا المدرج وابقلت اول يوم احمد ابو العزم وصحبته وبعد كده عرفت احمد كمال ومحمد عادل ومش فاكر بالظبط مين دخلنا ول يوم بس غالبا دكتورة سهام ودكتور عباس او دكتور طارق
    ويدوبك اول يوم خلص لاقنا تانى يوم دكتور طارق داخل يدينا محاضرة ودخل فى الدراسة علطول
    وبعديها دكتور عباس الزعفرانى دخل اقعد يقولنا على الادوات الهندسية الى هنجبها وفاكر اليوم ده كويس كان بشمهندس احمد الضوينى وم _ محمد عبد الرحمن وم_ ايات كانوا لسه متعينين اول سنة واقعدين وراء خالص فى المدرج

    وبعدين مر اول اسبوع وكان فى مادة اسمها تاريخ ونظريات عمران لازم نكون مجموعة فكنت سعتها عرفت احمد كمال وعادل ومصطفى البخ واصيل ودخلنا مع بعض مجموعة والله لو اقعدت احكى على المواقف الى عملنها مش هيكفينى عشر مواضيع فى المنتدى بلا مبالغة ا.
    ايام حلوة نعقد نضحك ونهظر ونلعب ونمسل وشوية شغل وايام تانية متعبة اقوى شغل من غير نوم خالص ونيجى تانى يوم ننام فى المحاضرة والدكتور يقولنا روحوا اغسلوا وشكوا وتعالوا .
    وبعد كده عرفنا شوقى وكريم وبقوا معنا هما كمان واه نسيتك معلش يا بهاء بهاء ان معانا برده يا جماعة فى سنة اولى التيرم الاول وبعد كده زهق منا وحس ان احنا متعبين اقوى فى الشغل فسبنا
    طبعا بما ان معانا الشيخ عادل والبخ وشوقى لازم كنا نعمل الشغل بضمير اسف نسيتك يا شيخ كريم ولو انك مش شيخ اوى يعنى واكتر واحد كان بيشد علينا طبعا فى حوار الشغل ده الباشا شوقى يا رب يكرمك يا رب يا شوقى واشوفك كده معيد السنة الى بعد الجاية
    نرجع تانى للذكريات سنة اولى كنا كلنا تقريبا متفقين ان علشان نعمل حاجة حلوة وتشد النظر لازم نعمل حاجة غريبة متعملتش ابقل كده ونوعد نفكر فى الفكرة الغريبة اقبل ما نشتغل الاول وساعات كان اليوم بيخلص والساعة تبقى 12 اعقبال ما نوصل للفكرة الغريبة دى فنبدا شغل 12 بليل يدوبك نخلص على سبعة الصبح ونروح الكليه غالبا كنا بنسهر فى بيت احمد كمال او كريم والفكرة كانت فى سنة اولى التيرم الاول فى المشروع الفينل ان احنا نعمل الشغل على لوح سوداء ونكتب الكتابة بالابيض اكيد كلكوا هتقلوا دلوقت دى حاجة عادى مش مستهلة التفكير ده كله بس ساعتها كنا لسه دخلين الكلية ومش كلنا بنعرف كمبيوتر والى بيعرف يدوبك يعرف وورد بالعافية وكان الكمبيوترزم بتعنا احمد كمال والبخ

    وبعد كده طلع ناس ودخل ناس بس فضلنا فى الخر القوام الراسى للفرقة شوقى والبخ واصيل وكمال وبدوى

    يلا هحكلكوا بقيت الحكايات بعد كده ناس بتزعل وناس بتتخانق وناس بتتضحك وناس بتنفض وناس بيتحرق دمها لو اقعدت احكى من هنا للسنة الجاية بجد مش هخلص حكايات
     
    آخر تعديل: ‏3 سبتمبر 2009
  3. nosa

    nosa

    إنضم إلينا في:
    ‏23 أغسطس 2009
    المشاركات:
    100
    الإعجابات المتلقاة:
    2
    نقاط الجائزة:
    18
    ياااااااااااااااه ......... طب انتو ولاد كنتو بتباتو عند حد عشان تكملو شغلكو انا هعمل ايه :dc (39): لا هينفع ابات عند حد ولا حد يبات عندي
     
  4. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر


    بصي فالاول كده وعشان نبقى على نور واصل الكلام فأوله لازم يكون وااااااضح.......كل ما يلي من تحت كده من كلام يذكر لا يمكن ولن يمكن انه يحصل لبني ادم تاني الا الحج كريزي كتر خيره وزود حظه ونوله الجنه على بخته السكر ده.........يعني خدي اللي جاي قصه اسمعيها ومتفكريش كتير فيها متقلقيش مبتحصلش الا لكريزي وامثاله..........
    نقول بسم الله......

    انا بقى مانيش تخطيط عمراني انا فكلية هندسة بترول السويس.....قبل ما احكيلك اول يوم او اول اسبوع فالكلية نرجع حبتين لورا كده ايام التنسيق وذكريات وصول الجواب الكريم باعلامنا بدخولنا جنة احلام طلبة ثانوي عام قسم رياضة ومطمع اهالي الطلاب فالفلوس والعز والقيمه والأوبهه....العبد لله وصله خبر ان الكلية المحروسه اخدت من مجموعه بالظبط يعني لا زيادة نص ولا ناقصه نص واخده من مجموعه بالسحتوت....فكان قدااااااااء الله وقدره...كانت رغبته واختياره عز وجل لا في ايدي حيلة ولا عندي اختيار ده ربنا اللي اختار....

    قلنا على بركة الله وقبلنا بقضاء الله....وقعدنا فالبيت فانتظار الورقة الميمونه ورقة الترشيح للكلية العظيمه صاحبة الشأن الرفيع عند كل النااااااس

    المهم مش لازم نخوض فالتفاصيل ونقول ان الورقة جت مكتوبه غلط وكماااان كانت جايه لعنوان غلط

    وطبعا مش لازم اقول اني قعدت يووووووم كامل ادور فمكتب البريد بنفسي عنها وملقتهاش وفالاخر روحت البيت وانا طهقان وحران وزهقاااااااان وفالاخر قال ايه الحج الوالد جاي بكل ابتسامه ويقولي الف مبروك ياباشمهندس احمد انا بعت واحد من عندي فالمكتب يجيبلك البطاقه انهارده من البريد الصبح مبروك

    انا هسيب لخيالك سعتك تفكري ايه اللي حصل وايه ردة الفعل مااااااااعلينا


    نيجي بقى لبدايات الكلية........


    مش هحكي واعيد وازيد ازاي بدأت علاقتي واستكشافي للكلية الوحل دي عشان السؤال واضح ومحدد


    نخش فاول يوم.........انا بقى طبعا لانها السويس وهي بعييييييييييده اوي اوي اوي الطبيعي جدا جدا جدا ان الواحد يقدم عشان يسكن فالمدينة الجامعيه

    مش هنحكي ونزيد فان المدينة الجامعيه بتاعة الكلية المحروسه عبارة عن اربعه ادوار كل دور فيه 10 اوض وكل اوضه فيها 8 افراد يعني بحسبه بسيطه(هي بسيطه وخلاص)

    نقول ان المدينة الجامعيه لكلية هندسة البترووووووول بجلالة قدرها بتشيل من كل الدفع والاقسااااام

    عدد 8*10*4 =320 بني ااااااادم


    العبد لله عرف المعلومه دي وهو لسه يااادوب بيسأل عن الكلية ويعرف احوالها بس قلنا اكيد هنتقبل يعني امال يعني الواحد يكون من حته تانيه ويقولوله لا مينفعش تخش مدينة ولسه اول سنه كمان


    بس رحت وقدمت مظروف المدينة الجامعيه وخلاص


    وتجري عجلت الزماااااااااان وتدور الايام ....ويدوق المنبه معلنا اننا يوم الجمعه بالتمام والكمال يعني يا فالح يا غندور فاضل يوم وتكون فالكلية الحلم يا معلم....

    واذ بالخبر الجلل يهز جوانب البيت المكااافح

    (بيت ابويه وامي يعني)

    قاااااال ايه.....المدينة الجامعيه مش هتقبل مواليد 1988 انهم يخشوا مدينة جامعيه


    ازاي؟؟؟ ليه؟؟؟ اشمعنا؟؟؟؟ طب افهم؟؟؟ اعرف ؟؟؟ دا انا لسه فاول سنه فالكلية ازاي ما اخشش؟؟؟


    هو كده يا بيه هو نظام المدينه كده مواليد 88 مبيخشوش


    يعني انا مش هخش خالص....


    هو كده مش هتخش اه بس استنى بعد اسبوع ولا اتنين يمكن حد من الطلبة يسيب المدينة وبعد كده بننزل كشوف بناس جديده مرحلة تانيه يعني.....


    .....بس ببساااااطه خالص ام الخبر اتقال واتعرف ولا ااااي حاجه........


    هعمل ايه يعني.........


    رحت بقى السويس شايل الشنط بتاعة العبد لله مع الحج الوالد ولا عارف هروح فين اساسا ولا هعمل ايه


    اهو راحين وربنا يسهلها بقى .......


    وكان اول مره اروح السويس

    فمكنتش اعرف غير طريق المرج الجديده

    وكنت شااايل الشنطه خط المترو كله بقى

    من اول المؤسسة لحاااااااااااااااد المرج الجديده


    وكان يوم جمعه ....وكلها كانت بدايات لا تبشر بالخير


    شوفي انتي بقى بردك الموقف هيكون عامل ازاي


    والواحد عمال يصبر في نفسه ويقول مش مشكله عادي ربنا هيسهلها وهتبقى خير


    وعمال تشد فنفسك وهي عماله تغرق فالنكد والزهق من البداية السعيده دي


    المهم........وصلنا السويس الساعه 9 ونص بالظبط يوم الجمعه اللي كان ليلة اول يوم رمضان


    انا فاااااكر الوقت كويس لاننا واصلين والتراويح خلصانه بالظبط


    وكان وقت لوز لوز لوز.........


    الحسنه الوحيده فالحدوته دي


    اني كنت متعرف من النت(شفتوا النت مش وحش اوي)


    على واحد بردك داخل الكلية وهو كماااان نفس مشكلتي


    فكنا اتفقنا اننا هنقابل بقى يوم الجمعه(اللي هو صاااابح الكلية)


    وندور على شقه او مكان نقعد فيه اول فتره فالكلية


    لحد ما نشوف الحل فالورطه دي....


    على موصلت انا بقى السويس كان هو متعرف على كام بني ادم من عينتنا


    مواليد 1988(مطاريد الكلية)


    ولمينا بعض ....


    والتقفنا(جاية من التقاط) شويه طلبة اكبر مننا قعدونا عندهم فالشقه نريح وواحد منهم قعد يلف معانا على السماسرة نشوف شقه نقعد فيه


    شوف انت بقى الموقف ليلة ام اول يوم فالكلية وبندور على سكن وبنسأل سماسرة فوقت اساسا هو شغلهم


    وبيستغلوه....لا والحلاوة اني مقلتلكمش ان الاخوه اللي التقفونا (جاية بردك من التقاط)



    من الاحباب اوي اوي اوي ...الاخوان المسلمين( مش بقولكوا كانت لوز لوز لوز)


    المهم...على 12 كده تقريبا ربنا وفقنا ولقينا شقه فالدور الاخير فعماره ست ادوااااار

    وصاحبتها قفلت الصالة عشان تعملها أوضتين عشان تسكن الطلبة فيها بقى فلوس مالحساب بيكون بالسرير مش بالشقه....عالم سوايسا مستغله(ده اول انطباع عن بلد الغريب)


    المهم .....قضيت اول ليلة معملت فيها غير اني نمت وخلاص

    بعد مشاور يوم طووووووويل ...


    صحيان صاااااااحيا اول يوم فالكلية


    ملناش بقى فحدوته الاستعدادات بقى وقلم جديد بقى وكشكول جديد

    بس المرادي بقى سلك (مش كبرنا بقى وبقينا فكلية يعني اخش كلية بكشكول 60 ورقه ودي تيجي!!)

    وطبعا طبعا.....القميص الجديد بقى والبنطلون الجينز الازرق الجباردين

    (كان اول مره اسمع الاسم ده...مش كنت من عينة الحتيته بقى.!!)


    المهم....كنا فالشقه 7 مطاريد(1988)


    ونزلنا من الشارع....وطبعا نازلين بدري


    واهم شئ انتبهناله


    اننا نحفظ الطريق بتاع الشارع عشان لما نرجع نعرف نرجع للشقه بدل ما نتوه


    شوف انت بقى لما سبعه ماشين زي الهبل عمالين يبصوا فالشوارع ويحفظوها


    وصلنا للطريق بتاع السيرفيس(وما اكتره فالسويس)


    حد يعرف الطريق يا جماعه للكلية؟؟؟؟؟ ....نزل السؤال طحن على دماغنا


    وطلعت الاجابة من حيث لانعلم.....الكلية فالمبنى الجديد


    يافرحت اهالينا بينا ........جبت الديب من ديلة يا خي والجديد ده فين


    واشتغلت الموبايلات عالصبح بقى


    نتصل باهل الجنه ...قصدي المدينة الجماعيه اللي طبعا سبقونا هناك ونسأل ونعرف العنوان

    لحد ما ربنا هدانا لحل عبقري جداااا......احنا نشوف اللي لابس جديد ومش شايل شنطه ونمشي وراه


    هو صراحه عشان نبقى حقانين...لاننا بنسرد حقائق


    اللي لاقيناهم لابسين جديد قدامنا كانوا شلة بنات مقطقطين وزي العسل وشغلين ضحك عالصبح كده


    والغلابه السبعه ارتسمة على شفايفهم ضحكة الشباب والكلمة طلعت من النص......ايوه كده هي دي الكلية ولا بلاش على بركة الله....


    واول ميكروباص ركبوه ركبنا وراهم على طوووووول.....


    محدش يسرح بعيد لا اتكلمنا ولا حتى همسنا احنا اكتفينا بالاندهاش من عجائب بلد الغريب واللي فيها

    مع المراقبه المستمرة واللصيقه(بالعين والله العظيم) لمقطقطين عشان نعرف الطريق


    وبركة الشهر الكريم ....ما كان اول يوم رمضان بقى


    الحمد لله....طلعوا نازلين فالجامعه الجديده


    وشوفنا الكلية وعرفنا مكانها


    ورجع السؤال يتردد علينا........نكمل مشي وراهم ولا نطلع عالكلية بقى؟!؟!؟


    وجه الجواب من نفس الحته اللي منعرفهاش.......يا ناس احنا صااااااايمين


    وكان القرار الحكيم فاول يوم فالكلية والشهر الكريم...


    اننا اتأخرنا عالمحاضرة الاولى واننا لازم نروح للكلية(شفت الحجه!!)


    نيجي بقى لتفاصيل اول محاضره.......


    طبعا تلاقيكوا عايزن تعرفوا اللي حصل فيها........

    عالعموم يكفي تعرفوا اني لحد دلوقتي مش فاكر حاااااجه خالص من اول محاضره


    لانه والله اعلم......كانت اول محاضره فالكلية واول محاضره في سلسلة محاضرات النوم اللي انا اشتركت فيها


    والحمد لله.......(مش بقولوكوا لوز لوز لوز)


    بالعربي يعني.....اول ما دخلت البنش ولاني معرفش حد حطيت راسي على كشكول السلك ونمت


    بس....خلصت المحاضره........


    ......يتبع



    ملاحظة....ابقوا حطوا انتوا بقى التعبيرات اللي شايفينها مناسبه انا مش هقعد انقي بقى

    ملاحظة....الحدوته بلا تنسيق ولا يحزنون...هو انا فاضي انا تبعت

    :SugarwareZ-001::SugarwareZ-001::SugarwareZ-001:

     
  5. بدوووى

    بدوووى

    إنضم إلينا في:
    ‏3 مايو 2008
    المشاركات:
    169
    الإعجابات المتلقاة:
    6
    نقاط الجائزة:
    18
    لا متخفيش البنات كانوا بيعملوا حاجة من الاتنين يقسموا الشغل وكل واحدة تاخد حاجة تعملها ويجيوا الصبح بدرى اقبل التسليم ويجمعوا الشغل ويشوفوا اه الى ناقص ويعملوه
    او لو سكنين فى المدينة الجامعية بيسهروا مع بعض يشتغلوا بس متقلقيش مفيش سهر وحاجات من دى فى سنة اولى وتانية بعد كده ممكن احنا الى كنا مجموعة مجنونة شوية ومزودنها زيادة عن اللزوم
     
  6. nosa

    nosa

    إنضم إلينا في:
    ‏23 أغسطس 2009
    المشاركات:
    100
    الإعجابات المتلقاة:
    2
    نقاط الجائزة:
    18
    لالالا دي تخطيط دي ميه ميه بلا بترول بلا فحم و ادينا قاعدين في بيوتنا وسط اهالينا :SugarwareZ-010:
     
  7. Sassou

    Sassou New Member

    إنضم إلينا في:
    ‏30 يوليو 2009
    المشاركات:
    85
    الإعجابات المتلقاة:
    0
    نقاط الجائزة:
    6
    الوظيفة:
    طالبه
    الإقامة:
    مصر
    هههههههههههههههههه
    ولله ربنا يستر
    لحسن لا تطلع دى ولا دى زى الفل ولا حاجه
     
  8. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    كلها عشرين يوم وتحكيلنا عن تجربة اول يوم :yasser-atrees (132)


    انا كمان لفيت الجامعة كلها علشان الاقيها .. كلية فريدة من نوعها بقى "unique " :SugarwareZ-025:

    اللهم آآآآآآمين
    وبكده يتحقق الهدف الاساسي من المحاضرة :SugarwareZ-003:

    انا اول يوم ليا في الجامعة كان يوم الاثنين تاني يوم من بداية الدراسة ..
    لا داعي طبعا لذكر كمية التوهان اللي كنت فيها وعدم معرفتي اي حاجة اطلاقا عن الكلية
    غير اسمها وانها زي الهندسة
    وبعد البحث عن مبنى تخطيط بين كل مباني الجامعة وصلت اخيرا ودخلت لشؤون الطلبة
    وفي ايدي جواب الترشيح .. اول ما بقولها انا كنت واخدة تأجيل سنتيين و .. مكملتش كلامي
    قالتلي "انتي لبنى مش كده".. قلت في نفسي "ايه ده انا مشهورة بقى وانا مش عارفة" ..
    الحمد لله طلع الموضوع بسيط ومش محتاجة اعادة قيد او اي حاجة كل اللي عملته
    اني دفعت المصاريف وبدأت رحلة البحث عن قاعة الفرقة الاولى وبعد استنفاذ جميع محاولات
    الوصول ليها لقيتها في آخر دور .. " بلوغ القمة ليس سهلا "
    لغاية هنا كانت الدنيا منورة والشمس ساطعة لكن بمجرد دخولي للقاعة
    صدمت بحالة شبه اظلام مع كثير من الكآبة المجانية
    كانت اول محاضرة في تاريخ ونظريات ورغم ان جو المحاضرة والتأثيرات الصوتية
    التي يعرفها كل المخططين اللي حضروا لدكتورة راوية كلها عوامل محفزة للاستغراق في النوم العميق
    الا اني قدرت ارسم خريطة مصر القديمة واسجل مجموعة من المعلومات القيمة ..
    بعد المحاضرة دخلنا البشمهندس احمد مرزوق .. مش فاكرة كلمنا عن ايه بس غالبا كان بيتكلم
    عن نظام المادة والمجموعات وشوية تعريف بالكلية
    لاحقا اشتركت في ثرثرات جانبية عرفت منها حزمة الادوات المطلوبة للرسم
    وبدأ سباق التسلح سريعا استعدادا لتعبير واظهار في اليوم التالي " رسم هندسي بلغة العصر الحديث "
    محاضرة يوم الثلاثاء كانت عن انواع الخطوط والسنون والاشكال الهندسية البسيطة ..
    بعدها كان اول سكشن عملي مترافق مع اول مرة اسمع حد بيقولي يا بشمهندسة ..
    طبعا انا ابتسمت مفترضة ان المعيدة بتهزر معايا "هو انا لسة لحقت ابقى مهندسة "
    دي لسة اول تجربة لتركيب المثلث متعامد على المسطرة الـT
    بس الحمد لله نجحت التجربة وتمكنت من اثبات قدرتي على رسم مربع باربع اضلاع كاملة
    تطور فيما بعد الى شكل تاني مش فاكراه

    وهكذا تمضي الايام وتلاقي نفسك في سنة رابعة بعد المرور بسلسلة من الاهوال والشدائد
    التي تنعم بها فقط وحصريا في تخطيط

    تحيا تخطيط عمراني:SugarwareZ-003:
     
    آخر تعديل: ‏5 سبتمبر 2009

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License