1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

انت مت إزاااااي ؟

الموضوع في 'منتدى الضحك و الفرفشة' بواسطة لبنى أحمد نور, بتاريخ ‏8 فبراير 2010.

بحث جوجل فى المنتدى

الوسوم:
  1. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    عفواً ، يجب عليك التسجيل اولاً لمشاهدة الروابط .
    ما دينك ؟
    مسلم ان شاء الله .
    يعنى اية ، انت مسلم وللا ان شاء الله ؟
    مسلم بس انا دايما باقدم حاجتين ، الساعة والمشيئة
    طب المشيئة وعرفناها ، بتقدم الساعة ليه ؟
    مش باحب اسابق الزمن .
    شقى ام سعيد ؟
    لاء انا مصرى .
    يعنى مش فاهمين ؟
    يعنى انا سعيد بشقائى وشقى بسعادتى.
    عفواً ، يجب عليك التسجيل اولاً لمشاهدة الروابط .

    كنت رايح معهد الاورام اعمل جلسة كيماوية خدتها على نفقة الدولة بعد ما بعت صيغة مراتى ، مكفتش قومت بايع العفش ، ماكفاش ، قومت بايع هدومى ... المهم انها الحمد لله كانت على نفقة الدولة .. قام الميكروباص اللى انا راكبة عمل حادثة على المحور .. بس بيتهيألى انى نجيت منها لان الاسعاف لما رامانى فى المستشفى لقونى سليم ومفياش حاجة وطلبوا منى ستميت جنيه عشان يطلعونى من غير ما يسرقوا كليتى ،لما لقونى بعتها من سنة حلفوا ما يخرجونى الا لما اتبرع بالدم.. قولت لهم مش هاينفع عشان من يومين عضنى كلب امير سعودى ماصدقونيش الا لما عضيت دكتورة التخدير فى .. كعبها ، افتكرتها ممرضة غلبانه مالهاش دية ، طلعت مسنودةوحلفت انى لو ما اتادبتش هتقفل المستشفى ... اتحايلت الدكاترة عليا عشان مااقاومش الاعتقال عشان خاطر المستشفى ماتتقفلش وينقطع اكل عيشهم ، سلمت امرى لله و كنت فاكر ان الحكاية هتخلص بسرعة .. بس فى القسم اتاخرنا عشان الظابط كان بيعذب سواق الميكروباص اللى خلى امين الشرطة يقعد على الكرسى القلاب ... السواق بيحلف ان كل غلطته انه قال لامين الشرطة اقعد رابع ورا، لكن لما طلعله الكارنيه قومله واد كان رايح سفارة رومانيا يقدم على طلب هجرة وقعده جنب ست كبيرة كانت رايحة تزور ابنها اللى فى المعتقل من خمستاشر سنة ولما الناس لمت الاجرة الامين صادرها وقال للسواق انه حاسس ان فيها ربع جنيه مخروم مزور وهيبقى يفحص الفلوس كويس لحد ما يطلعه ... السواق مسكتش قاله دا مايرضيش ربنا ، وعنها بقى ، الكلام ده عرفته فى الطب الشرعى لما روحنا انا والسواق عشان نثبت ان الظابط كهربنا من خلاف .. السواق الغلبان وهوه خارج اتمسك امن دولة لما عمل لحماته عرض عسكرى عشان رفضة تسلمه مراته اللى سيحتله فى الحارة وقدام الناس وقالت انه من ساعة ما رجع من القسم معدش زى الاول ، انا بقى رجعت من الطب الشرعى مقهور عشان جلسة الكيماوى فاتتنى .. لقيت مراتى عاملة العشا وقعده بترجع جبنة عشان السجق طلع فسدان .. حاولت اسعفها باى طريقة شاورتلى على ابنى صلاح اللى لقيته قاعد عالكنبة بيفرفر اتاريه من ساعة ماراح الوحدة يطعم وهو مش على بعضة .. كان التلفزيون بيذيع خطبة للريس من غيظى حدفته بطبق ولع التلفزيون .. مسكت النار فى الشقة ... انقذت صلاح وسبت مراتى بناءا على الحاحها بس مصيبتى طلعت اهون من غيرى ، لان النار مسكت فى الحارة كلها ولما اتصلنا بالمطافى ردت علينا فتاة ( نهار) وقلتلنا نشترك فى المسابقة ولما حلينا غلط قفلت الخط ولما اتصلنا تانى وحلينا صح الخط قطع .
    بااااااااااس .. بس كفاية ، ايه ده ، كل ده واحنا لسة معرفناش انت مت ازااااى ؟
    نعم ... ايه ... اه .. ايوة ايوة افتكرت ، انا مت موتة ربنا ياجماعة
    طب ماكنت تقول كدة من الصبح يا اخى .. شاطر بس تتعبنا معاك ، كنا ناقصينك يعنى .
    ياجماعة بعد كدة اى مصر محدش يسالة مت ازاى ، اسالوه كنت عايش ازاااى .

    عفواً ، يجب عليك التسجيل اولاً لمشاهدة الروابط . عن كتاب
    ( ماذا فعل العيان بالميت )للأستاذ بلال فضل
     
    آخر تعديل: ‏8 فبراير 2010
  2. فهد الصحراء

    فهد الصحراء Administrator طاقم الإدارة مدير الموقع

    إنضم إلينا في:
    ‏1 ديسمبر 2006
    المشاركات:
    1,858
    الإعجابات المتلقاة:
    37
    نقاط الجائزة:
    48
    بجد جامدة جداااااااااااااااااااااااااااااااااااا

    لا تعليق :wut:

    :you're kidding, rig
     
  3. دعاء عبد الباري

    دعاء عبد الباري

    إنضم إلينا في:
    ‏5 أكتوبر 2007
    المشاركات:
    1,073
    الإعجابات المتلقاة:
    6
    نقاط الجائزة:
    38
    الوظيفة:
    طالبة
    جامدة اوي اوي يا لبني بس ده حال الدنيا ربنا يعدينا منها علي خير بقي
     
  4. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    :d
    حلوه بجد ..

     
  5. boce

    boce

    إنضم إلينا في:
    ‏18 يوليو 2009
    المشاركات:
    219
    الإعجابات المتلقاة:
    0
    نقاط الجائزة:
    16
    الوظيفة:
    طالبة وهبحث عن شغل
    الإقامة:
    Egypt
    بجد جامدة بس المفروض لا يسألوة انت مت ازاى ولا حتى انت عايش ازاى ف كلا الحالتين هو ميت ميت والموت أحسن لة معلش يمكن نكت عليكو بس صعوب عليا الراجل الغلبان دة وف الاخير أهو اسمة
    واحد من الناس
     
  6. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    واحد من الناس .. فعلا
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License