1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

الفضفضه بالكتابه

الموضوع في 'فضفضة' بواسطة snow white, بتاريخ ‏7 فبراير 2009.

بحث جوجل فى المنتدى

  1. snow white

    snow white

    إنضم إلينا في:
    ‏2 فبراير 2009
    المشاركات:
    317
    الإعجابات المتلقاة:
    0
    نقاط الجائزة:
    16
    الفضفضة بالكتابة
    افضل الطرق للتخلص من الاكتئاب
    هكذا ينصح الأطباء

    أكد الباحثون أن التعبير عن مشاعرنا بالكتابة يزيح الكثير من الهموم
    ويساعد على التئام الجروح بشكل أسرع.

    عايزة اعرف رايكوا فى طريقه الفضفضه بالكتابه دى وهل بتنجح معاكو فعلا ولا ؟؟؟؟
    انا هقوللكوا رايي بس بعد ما اسمع ايه اخبار الطريقه دى معاكو :SugarwareZ-005:[FONT=&quot]
    [/FONT]

     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى snow white...
    ننتظر منك المزيد من المواضيع ياsnow white...
    حفظك الله اخىsnow white...
     
  3. دعاء عبد الباري

    دعاء عبد الباري

    إنضم إلينا في:
    ‏5 أكتوبر 2007
    المشاركات:
    1,073
    الإعجابات المتلقاة:
    6
    نقاط الجائزة:
    38
    الوظيفة:
    طالبة
    فعلا الكتابة احسن حاجة وخاصة اننا بنفضفض فيها عن اللي جوانا لاننا بنحس بالحرية اكتر
    فشكرا جدا علي الموضوع
     
  4. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    ههههههههههههههه..........متبقاش دعاء لو مقلتش ((شكرا)).......

    على العموم........الكلام اكيد صح يا سنو ويت.........احلى حاجه يمتلك القدره انه يعبر عن اللي جواه بالذات لو كان فرحه او حتى حزن وخنقه.....ومبيبقاش احساس الواحد قادر يتحملها فيبدأ يكتب ويخرج احساسه عن طريق الكتابه..
    مهو ده بقى المدونات اللي شغاله على طول.........
    احلى حاجه انك تعبر عن اللي جواك بالكتابه........... ده اختيار مش كل الناس قده....انا عن نفسي...اوقات بببقى قادر اكتب واعبر في كشكول صغنون كده على طول معايا...بس اوقات بتردد يمكن بحس اول ما امسك القلم وابدأ اكتب ان اللي كان فدماغي من افكار بيتوه وبيبدأ يضيع ويتنطور هنا وهناك....فمبعرفش اكمل اقول ايه......واوقات ببقى خايف حد يبص على الكشكول ده واروح في داهيه....انا اغلب كلامي كان عن الفتره بتاعت السنه اللي فاتت كانت فتره صعبه شويه عليه...

    بس والله لما الواحد بيكتب فعلا بيحس براحه كبيره اوي اوي.... وكانه حمل وانزاح على قلبه.....

    بس بالنسبالي بجد...بحس ان الواحد وهو قاعد بيفكر فكلام كتير...اول ما امسك القلم وافكر اكتب....سبحان الله....وكاني اتحولت لحمار عقله وقف......ههههههههه.........وبنسى كل حاجه........بس لسه بحاول وهحاول وهفضل احاول...بس

    انتي بقى....عملتي ايه.................................حد فاهم حاجه
     
  5. snow white

    snow white

    إنضم إلينا في:
    ‏2 فبراير 2009
    المشاركات:
    317
    الإعجابات المتلقاة:
    0
    نقاط الجائزة:
    16
    شكرا على ردك يا دعاء و(ثانكس ) يا كريزى .....عشان متزعلش بس قلت ثانكس اهو :SugarwareZ-005:
    اما بقى انا واعوذ بالله من كلمه انا .. فانا جربت طريقه الفضفضه بالكتابه دى تقريبا مرة واحده بس من فترة قرييييييييييييييبه جدا جدا .. كان فى حاجه كده هتحل وكنت زعلانه اوى انها هتحصل ومكتئبه .. والمقلب بقى انها فى الاخر محصلتش :SugarwareZ-010:
    جربت انى اخد ورقه واكتب اللى انا حاسه بيه كلللله
    ومشكلتى انى بحب اسيب الورقه دى معايا للذكرى الحزينه
    اكمللكم بعدين عشان مضطرة امشى دلوقتى بقى
     
  6. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    الكتابة حاجة ممتازة جدا بتقدر تمتص كتير من الافكار

    لما الواحد بتكون دماغه مليانة حاجات كتير غريبة

    مش دايما باعرف اخرج اللي بفكر فيه و بحسه على الورق

    بالعكس ممكن ابقى مشغولة بحاجة معين ولما آجي اكتب الاقي

    نفسي كتبت عن حاجة تانية خالص

    يا سلام كمان لما تبقى المحاضرة شغالة والدكتور بيبذل كل جهده

    انه يوصلنا خلاصة خبرته وعلمه وانا باترجم المحاضرة لكلام تاني مختلف تماما

    ههههههههههه

    مش هو ده موضوعنا .. بس بجد الكتابة دي نعمة كبيرة اوي

    زمان مش من زمان اوي كنت محتفظة بفايل كبير

    مليان ورق وقصاقيص يمكن اول واحدة فيها بترجع بيا لايام

    ابتدائي او اعدادي لكن لسبب مجهول اختفت الاوراق دي

    ودلوقتي كل ما افتكرها ....:SugarwareZ-039:


     
  7. Memo2010

    Memo2010

    إنضم إلينا في:
    ‏20 ديسمبر 2007
    المشاركات:
    477
    الإعجابات المتلقاة:
    0
    نقاط الجائزة:
    16
    الوظيفة:
    انسان يعيش ويتعايش
    الإقامة:
    مصراوى
    فعلا بجد الكتابه وان الواحد يكتب ويخرج كل طاقته الداخليه المكبوته ونفسه يخرجها بطريقه ميحسش بيها الى حواليه انه تعبان
    وده غير ان الانسان ذاته بيكون اقرب من اى حد بانه يحكيله
    فالقلم زى المرايه بالظبط بيعكس احاسيسك ومشاعرك انت
    وانا فعلا كنت بحب اكتب كل حاجه حاسس بيها
    بس كنت بلاقى صعوبه فى انى امسك ورقه وقلم واقعد اكتب
    بس لقيت طريقه بديله حققت نسبه كبيره من النجاح معايا
    انى افتح صفحه ورد واقعد اكتب فيها اكتب كل الى حاسس بيه
    بس ساعت بلاقى ان الكلام الى كتبته ده كلام متناسق ولا كأنه قصيده شعريه
    طبعا لانه نابع عن احاسيس صادقه عشتها
    بجد الكتابه شئ عظيم وعامل مهم فى التخفيف عن الهموم دون تدخل من الاخرين
     
  8. snow white

    snow white

    إنضم إلينا في:
    ‏2 فبراير 2009
    المشاركات:
    317
    الإعجابات المتلقاة:
    0
    نقاط الجائزة:
    16
    موضوع المحاضرة ده بيحصل كتيييير جدااا يا يونيك عادى خالص
    وبيتهيالى ان الفضفضه على الورق دى بتبقى محتاجه تركيز تااااااااام .. يعنى مينفعش ان الواحد يكون مركز فى حاجه تانيه و عايز يكتب اللى حاسس بيه فى نفس الوقت
    وكويس انك طلعتى قديمه بقى و خبرة فى الموضوع ده عشان تنقلى خبراتك لينا احنا الغلابه:SugarwareZ-001:
    شكرا على الرد يا ميمو و فعلا انا بعد ماجربتها شكلها كده هتبقى الطريقه الرسميه فى التعبير عن احزانى اللا متناهيه
    (سيبكو من اخر حته دى معرفش طلعتها ازاى اصلا):yasser-atrees (348):yasser-atrees (348)
     
  9. snow white

    snow white

    إنضم إلينا في:
    ‏2 فبراير 2009
    المشاركات:
    317
    الإعجابات المتلقاة:
    0
    نقاط الجائزة:
    16
    المهم ان انا ببقى عايزة احتفظ بالورقه اللى هكتبها و مش بيهون عليا ارميها وفى نفس الوقت ببقى خايفه اتمسك بيها :SugarwareZ-010:

    ودى اسرار دوله بقى انتو عارفين لو حد عنده طريقه اكتب بيها اللى انا عايزاه والورقه متتمسكش يقوللى عليها بقى
    بيصعب عليا ارمى اى حاجه انا كتبتها عشان بحس انها (الورقه دى) بتمثل المشاعر اللى انا كاتباها جواها وبالتالى لو رمتها فانا برمى المشاعر نفسها ...(هبل بقى تقولوا ايه):yasser-atrees (132)
     
  10. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    اعلملي فايل وشيليه بعيد في مكان محدش يعرفه

    ممكن حتى تخرجي الصحرا وتدفنيه

    ايه رايك ؟


     
  11. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره
    انا اه اعرف الحاجات دى ..

    بس هى ممكن متكونش كتابه ..

    مممكن تكون اى رسومات كده او اى حاجه ..

    انا من زمان بعمل كده ..

    ترسم عيون او وشوش او اى خطوط كده ملهاش معنى ...

    وفعلا بتطلع فى اوقات المحاضرات بشكل غريب
    :yasser-atrees (132)
    ويعديها بقتره عرفت ان الخطوط دى علماء النفس بيفسروها وانها ليها معنى مش حاجات عبيطه كده زى ما كنا فاكرين ..

    وفسرت الشخابيط بتاعتى :yasser-atrees (201)
    وعقبال عندكوا جميعا ..:SugarwareZ-001:
     
  12. snow white

    snow white

    إنضم إلينا في:
    ‏2 فبراير 2009
    المشاركات:
    317
    الإعجابات المتلقاة:
    0
    نقاط الجائزة:
    16
    اعملى فايل وشيليه بعيد في مكان محدش يعرفه

    ممكن حتى تخرجي الصحرا وتدفنيه

    ايه رايك؟
    والله فكرة
    شكرا جدا يا يونيك بس قوليلى كده على اقرب صحرا وانا هروح على طول :SugarwareZ-003:
     
  13. snow white

    snow white

    إنضم إلينا في:
    ‏2 فبراير 2009
    المشاركات:
    317
    الإعجابات المتلقاة:
    0
    نقاط الجائزة:
    16
    تعرفى يا اسراء انى قريت برده على حكايه الفضفضه بالرسم دى
    ونفسى حد يحللي الشخبطه دى عشان طول النهار قاعده بشخبط اصلا وارسم حاجات غريبه كده
    ثانكس على الرد والمعلومات يا اسراء :yasser-atrees (348):SugarwareZ-003:
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License