1. المنتدى الأن فى مرحلة التشغيل التجريبي

    لمزيد من المعلومات أضغط هنا

    إستبعاد الملاحظة

أشياء تؤلم....!!هل مررت بها؟؟؟؟

الموضوع في 'منتدى الحوار العام' بواسطة hadoola, بتاريخ ‏27 سبتمبر 2008.

بحث جوجل فى المنتدى

  1. hadoola

    hadoola

    إنضم إلينا في:
    ‏20 سبتمبر 2008
    المشاركات:
    129
    الإعجابات المتلقاة:
    0
    نقاط الجائزة:
    16
    الوظيفة:
    طالبة
    كل واحد فينا بيمر بحجات كتيرة مؤلمة في حياته...في ناس بتعرف تنساها وناس مش بتقدر...دي بعض المواقف المؤلمة إلي بتمر بالإنسان...يا ريت أي عضو يقرأ الموضوع ده يقول على المواقف إلي مرت بيه منها.....

    •ان تخسر أشياء ...لم يكن فى حسبانك خسرانها !!

    ان تفتح عينيك يوما على واقع لاتريده!!

    ان تحصى عدد إنتكاساتك فيعجزك العَدْ !!

    ان تتذكر إنسان عزيز رحل بلا عودة !!

    ان تقف أمام المرآة ..فلا تتعرف على نفسك !!

    ان تنادى بصوت مرتفع ,,فلا يصل صوتك !!

    ان تتنازل عن أشياء تحتاجها بإسم الحب !!

    ان تضطر لتغيير بعض مبادئك لتساير الحياة !!

    ان تضع أجمل مالديك تحت قدميك كى ترتفع عالياوتصل إلى القمة !!

    ان تتظاهر بما ليس فى داخلك كى تحافظ على بقاء صورتكجميلة !!

    انتبتسم فى وجه إنسان تتمنى ان تبصق فى وجهه وتمضى !!

    ان تعاشر أناس فرضتعليك الحياة وجودهم فى محيطك !!

    ان تغمض عينيك على حلم جميل..وتستيقظ على وهممؤلم!!

    ان يداخلك إحساسمقلق بانك قد تسببت فى تعاسة و ظلم إنسان ما !!

    ان تجد نفسك مع الوقت قدبدأت تتنازل عن أحلامك واحدا تلو الآخر !!

    ان تضحك بصوت مرتفع كى تخفى صوتبكاءك !!

    ان تقف عاجزا عن الاحساس بشعور جميل يتضخم به قلب احدهم تجاهك...لان قلبك يتضخمبالاحساس ذاته تجاه (آخر) !!

    ان تمد يدك لانتشال أحدهمفيسحبك لإغراقك معه !!

    ان تلتقى بشخص شاطرك نفسك يوما فتكتشف ان مشاغلالحياة
    قد غيبتك من ذاكرته تماما !!

    ان تكون من أصحاب الأحاسيس التىلاتكذب و تتضخم بإحساس
    ان أحدهم قد يغادرك قريبا !!

    ان تفكر بالبدءمن جديد ...فتكتشف عدم قابليتك للتجديد !!

    ان ترى فى منامك حلما مزعجا ..وتبقى أسيرا للحظة حدوثه واقعيا !!

    ان يداخلك الشعور بالشك فى كل ماحولكحتى نفسك !!

    ان تنام وفى داخلك أمنية ان لاتستيقظ أبدا !!

    ان تمرعليك لحظة تتمنى التخلص بها من ذاكرتك !!

    ان تجلس مع نفسك فلا تجدها !!

    ان يتغير الذين من حولك فجأة وبلا مقدمات تؤهلك نفسيا لتقبل الأمر !!

    ان تطرح عليك نفسك أسئلة لاتملك قدرة الإجابة عليها !!

    ان يكون فى داخلك يقين بانكالأفضل من كل الذين يقفون فى الامام !!

    ان تفنى نصف عمرك بزراعة الورد فىطريقهم
    وتفنى نصف عمرك الآخر لتجنب أشواكهم التى زرعوها فى طريقك .

    ان تشعر ان الطريق المؤدى اليهم بدأ يشعربك..
    وان الجدران المحيطة بهم بدأت تشعر بك..وانهم مازالوا فى طور اللآ شعور بك !!

    ان تكتشف أنك تكتب لإنسان يُقلب حزنك وحرفك فى ملل !!

    ان تبكى سراَ ...فقط.. لان أحدهم أقنعك يوما ان البكاء نوع من أنواع الضعف الانسانى !!

    ان تصليوما إلى قناعة تامة ان كل من مر بك..أخذ جزءا منك ..ومضى !

    ان تشعر ان كلماذكر هنا من ألم قد مر بك يوما ومررت به !!!

    :yasser-atrees (319)
    أتمنى ان الموضوع يعجبكم
     
  2. FURP

    FURP الرد الألى على المواضيع <br><img border="0" src="h

    إنضم إلينا في:
    ‏31 يناير 2007
    المشاركات:
    1,609
    الإعجابات المتلقاة:
    0
    نقاط الجائزة:
    36
    شكرا لك على الموضوع أخى hadoola...
    ننتظر منك المزيد من المواضيع ياhadoola...
    حفظك الله اخىhadoola...
     
  3. hadoola

    hadoola

    إنضم إلينا في:
    ‏20 سبتمبر 2008
    المشاركات:
    129
    الإعجابات المتلقاة:
    0
    نقاط الجائزة:
    16
    الوظيفة:
    طالبة
    أنا عن نفسي دي الحجات المؤلمة إلي مريت بيها
    •ان تخسر أشياء ...لم يكن فى حسبانك خسرانها !!
    ان تتذكر إنسان عزيز رحل بلا عودة !!
    ان تقف أمام المرآة ..فلا تتعرف على نفسك !!
    • ان تتنازل عن أشياء تحتاجها بإسم الحب !!
    • ان تعاشر أناس فرضتعليك الحياة وجودهم فى محيطك !!
    ان تغمض عينيك على حلم جميل..وتستيقظ على وهممؤلم!!
    ان يداخلك إحساسمقلق بانك قد تسببت فى تعاسة و ظلم إنسان ما !!
    ان تجد نفسك مع الوقت قدبدأت تتنازل عن أحلامك واحدا تلو الآخر !!
    ان تضحك بصوت مرتفع كى تخفى صوتبكاءك !!
    • ان يداخلك الشعور بالشك فى كل ماحولكحتى نفسك !!
    ان تنام وفى داخلك أمنية ان لاتستيقظ أبدا !!
    ان تمرعليك لحظة تتمنى التخلص بها من ذاكرتك !!
    ان تجلس مع نفسك فلا تجدها !!
    ان يتغير الذين من حولك فجأة وبلا مقدمات تؤهلك نفسيا لتقبل الأمر !!
    ان تطرح عليك نفسك أسئلة لاتملك قدرة الإجابة عليها !!
    • ان تكتشف أنك تكتب لإنسان يُقلب حزنك وحرفك فى ملل !!
    ان تبكى سراَ ...فقط.. لان أحدهم أقنعك يوما ان البكاء نوع من أنواع الضعف الانسانى !!
     
  4. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    حراااااااااااااااااااام

    والله يا hadoola حرام عليكي
    انا مش ناقص
    ليه كده
    ده الواحد اسهله يطلع الحجات اللي مامرتش بيه
    و الله الموضوع حلو قوي بس مش وقته معايا خالص
    كفاياني اللي انا فيه

    شكرا ليكي hadoola



     
  5. hadoola

    hadoola

    إنضم إلينا في:
    ‏20 سبتمبر 2008
    المشاركات:
    129
    الإعجابات المتلقاة:
    0
    نقاط الجائزة:
    16
    الوظيفة:
    طالبة
    ميرسي موووووووووووووت على مرورك...سوري لو كان الموضوع دايقك....
    بس إنت كده مجاوبتش على السؤااااال
     
  6. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    ما انا بقولك يا hadoola
    مش وقته معايا خالص
    بس اكيد طبعا
    هشارك فالحوار
    بس انا مش عايز افتكر مواقف بائسة دلوقتي خاااااااالص
    من غير زعل يا hadoola
     
  7. لبنى أحمد نور

    لبنى أحمد نور المشرف العام

    إنضم إلينا في:
    ‏1 أغسطس 2007
    المشاركات:
    2,098
    الإعجابات المتلقاة:
    10
    نقاط الجائزة:
    38
    الوظيفة:
    خطَّطَ يُخطِّطُ تخطيطا فهو مخَطِّطْ أو لربما مُخطّ
    الإقامة:
    Cairo, Egypt
    ان تضع أجمل مالديك تحت قدميك كى ترتفع عاليا وتصل إلى القمة !!

    لا .. لم يحدث ذلك

    ان تبتسم فى وجه إنسان تتمنى ان تبصق فى وجهه وتمضى !!

    مستحيل اقدر ابتسم في وجه الانسان ده

    ان يداخلك إحساس مقلق بانك قد تسببت فى تعاسة و ظلم إنسان ما !!

    ولا ده برضو

    ان تقف عاجزا عن الاحساس بشعور جميل يتضخم به قلب احدهم تجاهك...لان قلبك يتضخم بالاحساس ذاته تجاه (آخر) !!

    تضخم ..!! اعوذ بالله .. ما حصلش

    ان تلتقى بشخص شاطرك نفسك يوما فتكتشف ان مشاغل الحياة
    قد غيبتك من ذاكرته تماما !!

    دي حصلت بس انا اللي نسيت

    ان تفنى نصف عمرك بزراعة الورد فىطريقهم
    وتفنى نصف عمرك الآخر لتجنب أشواكهم التى زرعوها فى طريقك .

    حد عارف عمره لما هيعرف نص عمره !!

    ان تشعر ان الطريق المؤدى اليهم بدأ يشعربك..
    وان الجدران المحيطة بهم بدأت تشعر بك..وانهم مازالوا فى طور اللآ شعور بك !!

    هم مين دول ؟!!!

    ان تبكى سراَ ...فقط.. لان أحدهم أقنعك يوما ان البكاء نوع من أنواع الضعف الانسانى !!

    مش هو ده السبب

    ان تشعر ان كلما ذكر هنا من ألم قد مر بك يوما ومررت به !!!

    لحسن الحظ مش كله


    شكرا يا هدولة على الموضوع المؤلم :yasser-atrees (348)
     
  8. اسراء فتحى

    اسراء فتحى

    إنضم إلينا في:
    ‏18 أغسطس 2008
    المشاركات:
    1,150
    الإعجابات المتلقاة:
    8
    نقاط الجائزة:
    38
    الوظيفة:
    طالبه
    الإقامة:
    القاهره

    ان تفتح عينيك يوما على واقع لاتريده!!
    طبعا بتحصل كتير

    ان تحصى عدد إنتكاساتك فيعجزك العَدْ !!
    لا الحمد لله مش للدرجه دى

    ان تتذكر إنسان عزيز رحل بلا عودة !!
    لأ برضه لسه الحمد لله

    ان تقف أمام المرآة ..فلا تتعرف على نفسك !!
    نعم

    ان تنادى بصوت مرتفع ,,فلا يصل صوتك !!
    ايوه

    ان تضع أجمل مالديك تحت قدميك كى ترتفع عالياوتصل إلى القمة !!
    لأ


    ان تتظاهر بما ليس فى داخلك كى تحافظ على بقاء صورتكجميلة !!
    مش بالمعنى ده بس بحاول اخفاء حزنى واظهر مبتسمه

    ان تعاشر أناس فرضتعليك الحياة وجودهم فى محيطك !!
    نعم للاسف

    ان تضحك بصوت مرتفع كى تخفى صوتبكاءك !!
    نعم

    ان تلتقى بشخص شاطرك نفسك يوما فتكتشف ان مشاغلالحياة
    قد غيبتك من ذاكرته تماما !!
    لأ

    ان تمرعليك لحظة تتمنى التخلص بها من ذاكرتك !!
    نعم بس الحمد لله بتخلص بسرعه



     
  9. hadoola

    hadoola

    إنضم إلينا في:
    ‏20 سبتمبر 2008
    المشاركات:
    129
    الإعجابات المتلقاة:
    0
    نقاط الجائزة:
    16
    الوظيفة:
    طالبة
    سوري يا أحمد لو كنت قلبت عليك المواجع... وميرسي على مرورك...ومن غير زعل خالص:SugarwareZ-003:
     
  10. hadoola

    hadoola

    إنضم إلينا في:
    ‏20 سبتمبر 2008
    المشاركات:
    129
    الإعجابات المتلقاة:
    0
    نقاط الجائزة:
    16
    الوظيفة:
    طالبة
    ميرسي مووووووووووووت يا اسراء و يا uniqe على مشاركتكم في الموضوع وعلى مروركم...
     
  11. اسماء الله

    اسماء الله

    إنضم إلينا في:
    ‏23 ديسمبر 2007
    المشاركات:
    1,302
    الإعجابات المتلقاة:
    0
    نقاط الجائزة:
    36
    الوظيفة:
    بشمهندسة باذن الله
    الإقامة:
    مصر"بلد ابويا وجد جدى"
    ان تقف أمام المرآة ..فلا تتعرف على نفسك !!
    حصلت معايا 3 مرات واتمنى ما تتكررش لانها بجد مؤلمة اوى

    ان يداخلك إحساس مقلق بانك قد تسببت فى تعاسة و ظلم إنسان ما !!
    مش بايدى

    ان تطرح عليك نفسك أسئلة لاتملك قدرة الإجابة عليها !!
    ربنا يسهل واقدر اجاوب عليها

    ان تفكر بالبدءمن جديد ...فتكتشف عدم قابليتك للتجديد !!
    سبحان الله مش عارفة ليه؟

    موضوع جميل اووووووووووووى يا هدولة

     
  12. hadoola

    hadoola

    إنضم إلينا في:
    ‏20 سبتمبر 2008
    المشاركات:
    129
    الإعجابات المتلقاة:
    0
    نقاط الجائزة:
    16
    الوظيفة:
    طالبة
    ميرسي أوووووووي يا أسماء على مرورك و مشاركتك في الموضوع...
     
  13. crazyman125

    crazyman125

    إنضم إلينا في:
    ‏15 أغسطس 2008
    المشاركات:
    1,304
    الإعجابات المتلقاة:
    7
    نقاط الجائزة:
    38
    الوظيفة:
    مهندس بترول
    الإقامة:
    مصر
    •ان تخسر أشياء ...لم يكن فى حسبانك خسرانها !!
    يااااااااااااه كتير...بس بكمل وبحاول
    ان تفتح عينيك يوما على واقع لاتريده!!
    طول ما فيه نفس مستحيل استسلم للكلام ده

    ان تحصى عدد إنتكاساتك فيعجزك العَدْ !!
    لالالا...يمكن احيانا بس مش دايما يعني

    ان تتظاهر بما ليس فى داخلك كى تحافظ على بقاء صورتكجميلة !

    انتبتسم فى وجه إنسان تتمنى ان تبصق فى وجهه وتمضى !!
    ان تعاشر أناس فرضتعليك الحياة وجودهم فى محيطك !!

    مش بالمعنى ده طبعا بس ممكن يحصل احيانا...المطر يركب الصعب ولا ايه؟؟؟
    وعلى راي احمد حلمي...ان كان لك عند الكلب حاجه...........:SugarwareZ-001:

    ان تضطر لتغيير بعض مبادئك لتساير الحياة !!

    انا بحاول ميحصلش ومتمسك بطبعي وربنا يستر
    مع ان بجد الدنيا صعبه بس انا مؤمن بنفسي
    ...

    ان تقف أمام المرآة ..فلا تتعرف على نفسك !!

    ان تنادى بصوت مرتفع ,,فلا يصل صوتك !!


    وقت تعبي وحزني بس ...الوقت اللي بحس فيه اني تايه ومش عارف انا عايز ايه
    طبعا ده بقى كتير اوي....كتيييييييييييييير:yasser-atrees (201)

    ان يداخلك إحساس مقلق بانك قد تسببت فى تعاسة و ظلم إنسان ما !!

    متهيقلي لسه انا في الاحساس ده...وده اللي ملخبطني

    ان تفكر بالبدءمن جديد ...فتكتشف عدم قابليتك للتجديد !!

    متهيقلي مستحيل ...انا كل يوم بالنسبالي حلم جديد واحلى كتير

    ان تنام وفى داخلك أمنية ان لاتستيقظ أبدا !!
    كتير بحلم بكده......:SugarwareZ-001:انا مره عملوا اختبار نفسي في الكليه كان حاجه كده لواحده بتعمل دراسه...عارفه طلعت ايه....لديه ميول انتحاريه:SugarwareZ-001:

    ان تطرح عليك نفسك أسئلة لاتملك قدرة الإجابة عليها !!
    بستمرار والله....فراغ بقى


    ان تكتشف أنك تكتب لإنسان يُقلب حزنك وحرفك فى ملل !!

    اه ......نعم........زيس ......اكيد......هو مش بملل هو بقى بكره

    ان تصليوما إلى قناعة تامة ان كل من مر بك..أخذ جزءا منك ..ومضى !

    اه...هي دي الحياه كل لحظه فيها بالنسبالي حلوه او وحشه..فرح او حزن لحظه لازم اعيشها واستمتع بيها او اعيش المها...كل حاجه جزء جميل من حياتي...مهما كان وحش...بحبه
    كريزي بقى اعملك ايه يعني!!!!



    ان تشعر ان كلماذكر هنا من ألم قد مر بك يوما ومررت به !!!

    يعني اقولك ايه.........اه وتعبتيني



    والله مش عارف اقولك شكرا على الموضوع الحلو......ولا اقلك شكرا على كمية الاحزان المركزه اللي بعتيهالنا في ايام مفترجه......ولا اقولك ايه؟!!
    انا هخليكي انتي تختاري بقى؟!!!
     
  14. hadoola

    hadoola

    إنضم إلينا في:
    ‏20 سبتمبر 2008
    المشاركات:
    129
    الإعجابات المتلقاة:
    0
    نقاط الجائزة:
    16
    الوظيفة:
    طالبة
    يااااااااااااااااااااه أنا عملت فيك كل ده..لأ قولي شكرا على الموضوع ومتحسسنيش بالذنب...
    ميرسي مووت على مرورك ومشاركتك في الموضوع...
     
  15. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    انا جيت اهه زي ما وعدتك
    يا Hadoola
    و ان كنت متفق مع Crazy
    كنتي اخرتي الموضوع حبة صغننين
    المهم ها انا ذا
    هفتحلك قلبي على بحري

    بس سمعوني
    WeeeeeeeeeeeReeeeeeeeY
     
  16. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    انا ردي هيكون طويل حبة
    بس البركة فيكي
    ماهو انت ما شاء الله
    ماسيبتيش
    المهم
    نبتدي

    •ان تخسر أشياء ...لم يكن فى حسبانك خسرانها !!

    طبعا دي السنة اللي وقعتها
    انا كنت عارف و متأكد اني شايل مواد
    بس خمسة
    كانو كتير عليا قوي
    خسؤت سنة ماكونتش متوقعها خااااااالص


    ان تفتح عينيك يوما على واقع لاتريده!!

    حال بلدي و ولاد بلدي اللي بصحى عليه كل يوم
    و بيقطع فيا
    نفسي ماموتش قبل ماشوفك
    ام الدنيا بجد يا مصر


    ان تحصى عدد إنتكاساتك فيعجزك العَدْ !!

    يا نهار اسود
    لأ مش للدرجة دي
    هي اعتقد قليلة الى حد ما
    يمكن اسوأهم
    كانت قريب
    بس كله بيعدي
    و برجع احسن و اقوى من الاول
    ودي من الحجات اللي بحبها فيا

    ان تتذكر إنسان عزيز رحل بلا عودة !!

    واحد من الناس اللي يا عيني
    شال مني كتييييييير و عمره ما اعترض و في الاخر نفضتلو
    اصل انا سعات وحش اوي


    ان تقف أمام المرآة ..فلا تتعرف على نفسك !!

    اسوأ حاجة فالدنيا
    من وجهة نظري
    ها يا Unique
    و للاسف مؤخرا او من ساعت ما انكبت على بوزي
    و حبيت روح قلبي
    و هي بتحصلي كتير
    عارفة مش قادر اقسى عليها او ازعلها
    وده هيجنني
    انا مش كده
    فعلا سعات بحس ان انا مش انا


    ان تنادى بصوت مرتفع ,,فلا يصل صوتك !!

    في اخر حفلة للكينج
    اصل الكينج كان معلي معانا على الاخر
    و الناس كلها بتصوت و محدش سامع نفسه حتى


    ان تتنازل عن أشياء تحتاجها بإسم الحب !!

    مش هقولك بالعبيط
    لأ كل حاجة
    دي وصلت لدرجة ان انا مبقتش بفكر في
    انا عايز
    لأ المهم هي عايزة ايه


    ان تضطر لتغيير بعض مبادئك لتساير الحياة !!

    سعات الموقف بيبقى اقوى منك
    بتضطر تعمل كده
    لأنك لو معملتش ممكن تضيع
    بس الرك على الموقف ده بقى
    و بتعمل كده كتير ولا لأ
    و اقدر اقولك اني مش بعمل كده كتير خالص
    هي شوية مواقف كده و بس

    To be continued

    YoooYooOoYoooYooOo
     
  17. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    يلا نكمل

    ان تضع أجمل مالديك تحت قدميك كى ترتفع عالياوتصل إلى القمة !!

    و هو ايه اجمل ما لدي
    حبيبتي ربنا يخليهالي
    و دي انا مستحيل احطها تحت رجليا
    دا انا اتمنى تتقطع قبل ما افكر اعمل كده


    ان تتظاهر بما ليس فى داخلك كى تحافظ على بقاء صورتكجميلة !!

    مستحيل طبعا
    انافق
    انش الله يولع هو و اللي يتشددولو
    اللي يخليني انافق ده
    صورتي مش هتبقى جميلة؟؟؟
    في نظر مين
    اللي هنافقه ده
    طظ فيه و في اللي يتشددولو برضه


    انتبتسم فى وجه إنسان تتمنى ان تبصق فى وجهه وتمضى !!

    اللي يقول ماينفعش يبقى بيكدب
    ابسط مثال الدكاترة في الكلية
    و ده انا مش بعتبره نفاق
    بس ببساطة مش من قواعد الادب برضه انك تبصق في وش
    دكتور
    ولا ايه


    ان تعاشر أناس فرضتعليك الحياة وجودهم فى محيطك !!

    اناس كليتنا العزيزة
    انا زي ما قلت قبل كده
    احنا كليتنا دي لمة
    و لمة شوية مناظر
    عجييييبة
    دول طبعا فئة انا مش بتكلم عن كل الناس
    بالاضافة طبعا للسادة المهندسين الزملاء في المكتب


    ان تغمض عينيك على حلم جميل..وتستيقظ على وهممؤلم!!

    اه اه
    مش بقولك بتقلبي عليا المواجع
    تعرفي
    انا كل يوم قبل ما انام
    بقعد احلم بمصر
    بحبيبتي دي
    لو مش حالها كده طب نفسي يبقى ازاي
    طبعا باصتبح تاني يوم بالشارع و المناظر اللي فيه
    اللي مش بحب اتكلم عنها
    لاني بتحسر

    To be continued

    YoooYooOoYoooYooOo
     
  18. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    انا جيت تاني اهه
    زهقتو مني طبعا
    معلش بس انا لسه مخلصتش

    يلا نكمل

    ان يداخلك إحساسمقلق بانك قد تسببت فى تعاسة و ظلم إنسان ما !!

    هو هو نفس الشخص العزيز
    اللي بفتكره


    ان تجد نفسك مع الوقت قدبدأت تتنازل عن أحلامك واحدا تلو الآخر !!

    من الحجات اللي بتخوفني من نفسي
    مللي الرهيب من الوضع السئ المستمر
    بس انا بحاول احارب الملل ده
    و برضه بحاول احارب الوضع السئ ده
    عشان تعيش احلامي و اعيش معها


    ان تضحك بصوت مرتفع كى تخفى صوتبكاءك !!

    سعات كتير
    طب تعرفي
    انا احلى لحظات تهييسي
    هي اللحظات اللي ببقى فيها بموت من جوه
    انا مش بحب اضعف
    بس مافيش غير حد واحد ببقى شايف ان العياط قدامه مش ضعف
    ربنا يخليها ليا


    ان تقف عاجزا عن الاحساس بشعور جميل يتضخم به قلب احدهم تجاهك...لان قلبك يتضخمبالاحساس ذاته تجاه (آخر) !!

    من غير غرور ولا حاجة يا جماعة
    بس مفيش حد فالدنيا بيحب حبيبه
    زي ما انا بحب حبيبتي
    فهو مش الاحساس ذاته
    بس هو حصل
    كان تقريبا من شهرين الكلام ده
    و قفلت في وشها قفله
    وش خشب و حجات كده من اللي هي
    مش عايز اسمع سيرة الموضوع ده تاني


    ان تمد يدك لانتشال أحدهمفيسحبك لإغراقك معه !!

    حصلت مع احد الاصدقاء فالكلية
    و نزلت نزله
    حلوه حلوه يعني
    بس كالعادة قومت اقوى و احسن من الاول


    ان تلتقى بشخص شاطرك نفسك يوما فتكتشف ان مشاغلالحياة
    قد غيبتك من ذاكرته تماما !!

    ناس من صحاب ثانوي
    بس انا النوع اللي لما بيحصل معايا كده
    بستنى رد فعل الاخر
    لو اخد Action بخد انا كمان
    اما لو نفض
    احلى طرشة فالدنيا بتتصدرله

    ان تكون من أصحاب الأحاسيس التىلاتكذب و تتضخم بإحساس
    ان أحدهم قد يغادرك قريبا !!

    انا الموضوع ده حصلي مرة واحدة
    في اول علاقتي بروح قلبي
    اتخانقنا خناقة و كانت ناوية تسيبني فيها
    الصراحة كنت انا اللي غلطان
    فكان لازم اخد على دماغي حبة
    بس كله عدى و الحياة ماشية اهي


    ان تفكر بالبدءمن جديد ...فتكتشف عدم قابليتك للتجديد !!

    مستحيل طبعا
    انا متجدد باستمرار


    ان ترى فى منامك حلما مزعجا ..وتبقى أسيرا للحظة حدوثه واقعيا !!

    هو انا مش عايش اسيره بس خايف من اليوم ده
    و مش عايزه ييجي و انا عايش
    كان حلم فقداني للوالد و الوالده
    ربنا يخليهوملي


    ان يداخلك الشعور بالشك فى كل ماحولكحتى نفسك !!

    ده بيحصل في اعتى لحظات اليأس
    بيوصل الشك لدرجة
    هو انا عايش ليه
    روح موت احسن

    To be continued

    YoooYooOoYoooYooOo
     
  19. The H-B Prince

    The H-B Prince

    إنضم إلينا في:
    ‏19 سبتمبر 2008
    المشاركات:
    435
    الإعجابات المتلقاة:
    0
    نقاط الجائزة:
    16
    الوظيفة:
    اكيد مش سباك
    الإقامة:
    مصراوي و افتخر
    يا مسهل
    انا جبت جاز يا Hadoola

    نكمل

    ان تنام وفى داخلك أمنية ان لاتستيقظ أبدا !!

    انظر الاجابة السابقة


    ان تمرعليك لحظة تتمنى التخلص بها من ذاكرتك !!

    ازاي يعني
    ذاكرتي دي خبرتي
    اتخلص من خبرتي و اعيش ازاي
    مش لذيذ السؤال ده


    ان تجلس مع نفسك فلا تجدها !!

    اه اه
    هو السؤال شبه مكرر
    ف هكتفي بقول
    انه بيحصل سعات


    ان يتغير الذين من حولك فجأة وبلا مقدمات تؤهلك نفسيا لتقبل الأمر !!

    لأ
    انا عندي قدر من المرونة اللي بيوفرلي القدرة
    على التكيف مع اي وضع و اي حد


    ان تطرح عليك نفسك أسئلة لاتملك قدرة الإجابة عليها !!

    هو سؤال واحد
    اشمعنى هي
    دونا عن ناس كتير كانو هيموتو عليك
    بس بلاقي حد في قفايا بيقولي
    انه الحب يا ولدي
    بس برضه اشمعنى هي


    ان يكون فى داخلك يقين بانكالأفضل من كل الذين يقفون فى الامام !!

    دائما
    بس برحع اقول لنفسي
    انا لو كنت عملت كنت وقفت ادامهم
    بس مادام همه عملو و انت لأ
    يبقى تستاهل
    و ده في كل حاجة و اي حاجة


    ان تفنى نصف عمرك بزراعة الورد فىطريقهم
    وتفنى نصف عمرك الآخر لتجنب أشواكهم التى زرعوها فى طريقك .

    اللي يعمل كده
    يبقى عبيط
    و انا مش عبيط


    ان تشعر ان الطريق المؤدى اليهم بدأ يشعربك..
    وان الجدران المحيطة بهم بدأت تشعر بك..وانهم مازالوا فى طور اللآ شعور بك !!

    اللي اوصل معه للمرحلة دي
    مع ان عمرها ما حصلت
    بنفضله وش


    ان تكتشف أنك تكتب لإنسان يُقلب حزنك وحرفك فى ملل !!

    ايه ده
    ازاي يعني
    اللي اعوزو و ميعوزنيش
    اديلة بالجزمة
    قبل ما تنفضلي
    انا اللي هنفضلك

    ان تبكى سراَ ...فقط.. لان أحدهم أقنعك يوما ان البكاء نوع من أنواع الضعف الانسانى !

    هو كده فعلا
    الموضوع مش محتاج اقناع
    ده انا اللي بقنع الناس بكده
    تقولو ايه بقى
    شرييييييييير

    ان تصليوما إلى قناعة تامة ان كل من مر بك..أخذ جزءا منك ..ومضى !

    معايا انا
    العكس هو اللي بيحصل
    انا اللي باخد
    مش بيتاخد مني


    ان تشعر ان كلماذكر هنا من ألم قد مر بك يوما ومررت به !!!

    انا جاوبت على كله
    احكمي انت بقى
    و قوليلي ايه رأيك


    اخيرااااااااااا
    انا خلصت يا Hadoola
    و نفذت وعدي اهه

    وسمعيني بقى

    WedA 7Ob eiH dA eLlY MeN 3'eR
    AY 7ORYA

    ربنا يخليكي ليا يا حبيبتي
    عشان خاطري يا جماعة
    لو ليا عندوكو خاطر
    ادعولها قوي عشان هي تعابنة قوي اليومين دول
     
  20. hadoola

    hadoola

    إنضم إلينا في:
    ‏20 سبتمبر 2008
    المشاركات:
    129
    الإعجابات المتلقاة:
    0
    نقاط الجائزة:
    16
    الوظيفة:
    طالبة
    ميرسي على ردك يا أحمد....
    أكيد بإجاباتك الطوييييييييلة دي أحكم انك مش كل حاجة مريت بيها الحمد لله و ربنا ان شاء الله ميخلكش تمر بيها...
    ويا رب حبيبتك تخف....
     

مشاركة هذه الصفحة

تنبية

هذا المنتدى لا يتبع أى جهة رسمية أو حكومية
إدارة المنتدى غير مسؤولة عما يتم طرحة فى المنتدى و كل ما يطرح إنما يعبر عن الكاتب ولا تحاسب علية إدارة المنتدى
جميع الحقوق محفوظة لمنتديات ملتقى المخططين العرب 2006-2017

Creative Commons License